Santissima-Annunsiata (Florensiya)

Vikipediya, azad ensiklopediya
Jump to navigation Jump to search
katolik
Santissima-Annunsiata
it. Santissima Annunziata
Santissima Annunziata 2013-09-17.jpg
Ölkə
Yeri Florensiya
Yeparxiya Florensiya arxiyeparxiyası
Dövrü 1250
Tikdirəni Servitlər
Memarı Mikkelosso di Bartolomeo
Memarlığı İntibah
Saytı annunziata.xoom.it
Santissima-Annunsiata xəritədə
Santissima-Annunsiata
Santissima-Annunsiata
Commons-logo.svg Vikianbarda əlaqəli mediafayllar

Santissima-Annunsiata (it. Santissima Annunziata) — Florensiya şəhərində monastır kompleksi. Bu ərazidə ilk kilsə 1250-ci ildə Servitlər ordeni tərəfindən inşa edilmişdir. 1444—1455-ci illərdə Mikkelosso di Bartolomeo Filippo Brunelleskinin Santa Mariya delyi Anceli kilsəsi üçün hazırladığı kompozisiyanı model olaraq götürərək, köhnə qotik kilsəsinin bazilika planına baş qurbangahlı sentrizm xoru və dairə şəklində düzülmüş doqquz kiçik apsida əlavə etdi. Bu rotondaya son formanı Leon Battista Alberto vermişdir. O, həmçinin şimal-qərb tərəfə kyostrino həyətini tikib əlavə etdi, kilsə nefinin önündə isə atrium qurdu. Nəticədə orta əsr bazilikası, qədim (atrium) və Bizans (rotonda xoru) mənbələrini birüzə verən mürəkkəb və tipik İntibah kompozisiyasına çevrildi.[2]

1601-ci ildə heykəltəraş və memar Covanni Battista Kaçini köhnə bazilikaya sütunlu lociya əlavə etdi. Memar oxşar iki lociyanı təqlid edirdi: Filippo Brunelleskinin "Ospedalye delyi İnnoçenti" və Antonio da Sanqallonun "Lociya dei Servi de Mariya" əsərlərini. Lociya narteks kimi istifadə olunmağa başlandı. Beləliklə, bazilika ilə eyni adlı olan meydanın simmetrik kompozisiyası tamamlandı.

Şüşə damla örtülmüş kluatrın tağlı qalereyasında "Əhd-peyman monastırı" adlı kiçik rəsm muzeyi var. Səhnə şəklində tərtib olunmuş bu məkan, Rosso Fiorentino, PontormoAndrea del Sartonun freskalları ilə düzəldilmiş lünetlərlə bəzədilib. Girişin sağında Rosso Fiorentinonun "Madonnanın yüksəlməsi" freska əsəri yerləşir. Daha sonra ardıcıllıqla Yakopo Pontormonun "Blaqoveşşeniye"Françabiconun "Məryəmin nişanlanması" gəlir.

İstinadlar[redaktə | əsas redaktə]

  1. archINFORM — 1994.
  2. Tuscany. London, UK: Michelin TYRE PLC, 1997. P. 188