Saraşina Nikki

Vikipediya, azad ensiklopediya
Naviqasiyaya keçin Axtarışa keçin
Fucivara no Teyka tərəfindən XIII əsrdə yazılmış bir nüsxəsi.

Saraşina Nikki (更級日記, azərb. Saraşina gündəliyi?)Heyan dövründə yaşamış bir saray xanımı tərəfindən 1059-cu ildən sonra yazılan nikki.[1] Şəxsi adı naməlumdur, əsasən Suqavara no Takasuenin qızı və ya Xanım Saraşina kimi xitab edilir.[1] O, alim, şair və saray rəsmisi olan Suqavara no Miçizanenin nəslindən idi.[1]

Haqqında[redaktə | mənbəni redaktə et]

"Saraşina Nikki" dövrün Heyan gündəliklərindən fərqlənir; həcm baxımından genişdir və müəllifin 12 yaşından 50 yaşına qədər olan həyatını təsvir edir.[1] Müəllif atasının vitse-hakim olduğu Kazusa əyalətində böyümüşdür.[1] 1020-ci ildə ailə ilə birlikdə Yaponiyanı səyahət edərək Kiotoya gəlmişdir.[1] Gündəlikdə Fuci dağını, təbiət möcüzələrini və 3 aylıq səyahətində qarşılaşdığı insanları təsvir etmişdir.[1] Daha sonra Kiotoda qalmış, lakin dini ziyarətlərə davam etmişdir.[1] Qısa müddət ərzində imperatorluq şahzadəsinin xidmətçisi kimi fəaliyyət göstərdikdən sonra Şinano əyalətinin hakimi Taçibana no Toşimiçi ilə evlənmiş və 3 uşağı olmuşdur.[1]

Əri də daxil olmaqla ona yaxın olan bir neçə insanın ölümündən sonra buddist rahibəsi olmuşdur.[2] Gündəlik onun həyatındakı kədərli anlar və romantik hekayələr üzərindən davam edir.[2] Gündəlikdə xalası olan Murasaki Şikibu tərəfindən ona "Gencinin hekayəsi" romanının bir nüsxəsinin verildiyi qeyd olunmuşdur.

"Saraşina Nikki" ingilis dilinə ilk dəfə 1963-cü ildə İvan Morris tərəfindən "Arzular körpüsünü keçəndə" adı altında nəşr olunmuşdur.[2]

İstinadlar[redaktə | mənbəni redaktə et]

  1. 1,0 1,1 1,2 1,3 1,4 1,5 1,6 1,7 1,8 Perkins. səh. 292
  2. 2,0 2,1 2,2 Perkins. səh. 293

Ədəbiyyat[redaktə | mənbəni redaktə et]

  • Perkins, Dorothy. Encyclopedia of Japan: Japanese History and Culture, from Abacus to Zori. Roundtable Press. 1991. səh. 292-293. ISBN 0-8160-1934-7. İstifadə tarixi: 6 may 2022.