Semantik veb

Vikipediya, açıq ensiklopediya
Keçid et: naviqasiya, axtar

Semantik veb (semantic web ) – informasiyanın maşın emalı üçün əlverişli formada təqdim edilməsi məqsədi ilə dünya hörümçək torunun inkişaf istiqaməti. HTML-səhifələrə əsaslanan adi Veb-də informasiya səhifələrin mətnlərində yerləşir və insan onu brauzerin köməyilə əldə edir. Semantik veb isə informasiyanın ontologiyaların (ONTOLOGY) köməyilə semantik şəbəkə şəklində yazılışını təklif edir. Beləliklə, müştəri-proqram bilavasitə hörümçək torundan faktları seçib götürə və onların əsasında məntiqi nəticələr çıxara bilər. Semantik veb HTTP protokolundan və URI resurs identifikatorundan istifadə etməklə adi veb-in əsasında onunla paralel işləyir. “Semantik veb” termini ilk dəfə “Scientific American” jurnalının 2001-ci il may nömrəsində Tim Berners-Li tərəfindən işlədilib. Sonradan o, öz bloqunda bu terminin sinonimi kimi Nəhəng Qlobal Qraf (Giant Global Graph, GGG) variantını təklif edib (WWW ilə analogiyaya görə). Semantik veb konsepsiyası Dünya Hörümçək Toru Konsorsiumu (World Wide Web Consortium , W3C) tərəfindən qəbul olunub və inkişaf etdirilir.

Ədəbiyyat[redaktə | əsas redaktə]

  • İsmayıl Calallı (Sadıqov), “İnformatika terminlərinin izahlı lüğəti”, 2017, “Bakı” nəşriyyatı, 996 s.