Sen-Jermen sülh müqaviləsi (1570)

Vikipediya, azad ensiklopediya
Jump to navigation Jump to search

Sen-Jermen sülh müqaviləsi (fr. Paix de Saint-Germain-en-Laye) — Fransada hugenotlarla katoliklər arasında baş vermiş III dini müharibəni başa çatdıran sülh müqaviləsi. Paris yaxınlığında yerləşən Sen-Jermen-an-Le adlı yerdə 15 avqust 1570-ci ildə imzalanmışdır. Bu sülh müqaviləsinə əsasən, Paris istisna edilməklə, bütün Fransa ərazisində hugenotlara etiqad azadlığı, Fransanın hər bir qubernatorluğunda iki şəhərin hüdudlarında kalvinist kilsələrinin fəaliyyətinə icazə və kalvinistlərə dövlət vəzifələri tutmaq hüququ verilmişdir. Sülh müqaviləsinə əsasən hugenotlar həmçinin dörd qala - La-Roşel, Montoban, Konyak və La-Şarite qalalarını almışlar.