Sendal Berqman

Vikipediya, açıq ensiklopediya
Jump to navigation Jump to search
Sendal Berqman
ing. Sandahl Bergman
Sendal Berqman.jpg
Doğum tarixi 14 noyabr 1951 (1951-11-14) (67 yaş)
Doğum yeri ABŞ ABŞ, Missuri, Kanzas-Siti
Vətəndaşlığı
Peşəsi Aktrisa
Mükafatları Qızıl Qlobus mükafatı
IMDb ID 0000922

Sendal Berqman (ing. Sandahl Bergman) - ABŞ aktrisası, kaskadyoru və rəqqasəsidir. Arnold Şvartsenegger ilə iki filmdə rol almışdır. İlk mükafatını 1982-ci ildə qazanmışdır. Sendal Barbar Konan filmində "Valeriya" obrazını canlandırdığına görə Qızıl Qlobus mükafatına layiq görülmüşdür.

Həyatı[redaktə | əsas redaktə]

Sendal Berqman 14 noyabr 1951-ci ildə ABŞ-ın Missuri ştatının Kanzas-Siti şəhərində anadan olmuşdur. Sendal uşaqlıqdan çox sarışın qız olmuş və boyu nisbətən hündür olubdur. 20 yaşında olarkən ABŞ horeoqrafı Bon Fossun diqqətini cəlb etmişdir. Məhz həmin horeoqraf tərəfindən Sendal film karyerasına başladı. İlk dəfə televiziyada musiqili şoularda peyda olmuşdur. 1974-cü ildə ABŞ-da çəkilən qısametrajlı "Ana" musiqili komediya filmində rəqqasə rolunu canlandırmışdır.

Film karyerası[redaktə | əsas redaktə]

Sendal Berqman əvvəlcə seriallarda, sonralar isə filmlərdə rol almışdır. ABŞ horeoqrafı Bon Foss onu musiqili filmlərdə rəqqasə obrazı səhnəyə dəvət etmişdir. İlk dəfə diqqət cəlb edən rolu həmin dövrün məşhur filmlərindən olan 1979-cu ildə çəkilən "Bütün bu caz" filmində rəqqasə rolunu oynamışdır. İlk seçilən filmi 1980-cı ildə çəkilən "Ksanadu" filmi olub. Bu filmin çəkilişi üçün Nyu-Yorkda yerləşən evini tərk etməsinə və Kaliforniyaya daşınmasına səbəb olmuşdur. Filmdə Böyük Britaniya "Electric Light Orchestra" musiqi qrupunun ifa etdiyi "I'm Alive" mahnısında Sendal epizodik rolda çəkilmişdir.

Sendalın ilk məşhur filmi Arnold Şvartseneggerin baş rolda çəkildiyi Barbar Konan filmi olmuşdur. Bu filmdə Sendel "Valeriya" obrazını canlandırmışdır. Həmin obrazı canlandırdığına və filmdə seçilən aktrisa olduğuna görə 1982-ci ildə Qızıl Qlobus mükafatına layiq görülmüşdür. Ardınca həmin ildə bu filmə görə "Saturn mükafatına" da layiq görülüb. Sendal Berqman 1982-ci ildə məşhur komediya aktyoru olan Lesli Nilsenin "Həkim" rolunu canlandırdığı və dövrün ən məşhur komediyalarından biri olan "Aeroplan 2" filmində epizodik rolda iştirak etmişdir. 1985-ci ildə Kürən Sonya filmində "Kraliça Gedren" obrazını canlandırır. Filmdə baş rollarda Arnold ŞvartseneggerBriqitta Nilsen çəkilmişlər. Film Sendal üçün heç də yaxşı olmamışdır. Canlandırdığı obraza görə "Qızıl moruq" mükafatına layiq görülmüşdür. Bu mükaft isə ən zəif filmlərə və ən zəif çəkilən aktrisa-aktyorlara verilən mükafatdır. Filmin ardınca müxtəlif B filmlərinə (az büdcəli filmlərə) çəkilməsinə davam etmişdir.

1987-ci ildə Sendal "Proqramlaşdırılmış qatil" filmində rol alır. Bu filmdə Sendal filmin baş qəhrəmanı olan "Samira" rolunu canlandırmışdır. Filmdə Sendal baş rolda çəkilmişdir. Film nisbətən uğurlu olmuşdur. 2003-cü ildə "Oxuyan detektiv" filminə çəkilir və rəqqasə rolunu canlandırır. Bu onun son filmi olur və həmin ildən başlayaraq film karyerasını sona yetirir. Sendal Berqman ABŞ aktyoru Coş Teylor ilə ailəli olmuş və bir müddət sonra onlar boşanmışlar.

Filmoqrafiya[redaktə | əsas redaktə]

Filmlər[redaktə | əsas redaktə]

İl Film Rol
1979 Bütün bu Caz Əsas Rəqqasə #1
1980 Ksanadu Fikirləşən #1
1982 O O
1982 Aeroplan 2 Polis #1
1982 Barbar Konan Valeriya
1985 Kürən Sonya Kraliça Qedren
1986 Stüardesslər məktəbi Vanda Polanski
1987 Ürəkdöyüntüsü Film düzəldənin anası
1987 Öldürməyə proqramlaşdırılmış Samira
1987 Kendilend Harlou
1988 Qurbağa şəhərinə cəhənnəm gəlir Spenql
1991 Xam sinir Qloriya Fridman
1992 Qatilin əllərində Tibb bacısı Hennincer
1993 Bədənə təsir Klarissa
1994 Oxatanın gecəsi Marla Miles
1997 Yadplanetli Marla Miles
2003 Oxuyan detektiv Rəqqasə


Seriallar[redaktə | əsas redaktə]

İl Serial Rol
1965-1974 Dina Martinanın şousu Qızılaxtaran
1982-1993 Alqış Cudi Marlou
1984-1996 O qətli yazıb Serjant Deyzi Kenni
1985-1989 Ay işığı Rəqqasə qadın
1986-1993 Qadınları yaradaraq Devida Deniels
1988-1990 Freddinin qarabasmaları Cincer Trekker Morqan
1988-1989 Çirkli rəqslər Delia
1989 Yer planetində çətin anlar Daniell Spenser

Mükafatlar[redaktə | əsas redaktə]

ABŞ ABŞ Qızıl Qlobus mükafatı

ABŞ ABŞ Saturn mükafatı

ABŞ ABŞ Qızıl Moruq Mükafatı

İstinadlar[redaktə | əsas redaktə]

Xarici keçidlər[redaktə | əsas redaktə]