Serbin (Texas)

Vikipediya, azad ensiklopediya
Jump to navigation Jump to search
Serbin
Texas Wendish Museum.JPG
30°06′54″ şm. e. 96°59′17″ q. u.
Ölkə ABŞ ABŞ
Ştat Texas
Tarixi və coğrafiyası
Saat qurşağı UTC−06:00
Rəqəmsal identifikatorlar
Telefon kodu +1 979
Poçt indeksi 78942
Xəritəni göstər/gizlə
Serbin xəritədə
Serbin
Serbin
Serbin xəritədə
Serbin
Serbin
Commons-logo.svg Vikianbarda əlaqəli mediafayllar

SerbinABŞ-ın Texas ştatı, Li qraflığında yerləşən, heç bir bələdiyyəyə aid olmayan, birləşdirilməmiş ərazidir. Ərazi Ostin şəhərindən 50 mil (80 km) məsafədə yerləşir. Yaşayış məskəni 1850-ci illərin ortalarında Texasdakı Sorb imiqrantları tərəfindən "Low Pin Oak Settlement" (Aşağı Pin palıd qəsəbəsi) adı ilə salınmışdır. Cəmiyyətin adı 1860-cı ilə qədər sorb dilində "Sorb diyarı" mənasını verən Serbin olaraq dəyişdirildi. (Hər iki slavyan etnik qrupunun adları ümumi mənşəyə malik olsa da, sorblar serblərlə qarışdırılmamalıdır)

Sorbin immiqrantları ABŞ-a ən böyük kçləri zamanı Serbini "ana koloniya" olaraq istifadə edərək Texasda məskunlaşdılar. 20 sentyabr 1854-cü ildə Lusatiya, PrussiyaSaksoniyadakı yığıncaqlardan təxminən 550 sorbiyalı lüteran Con Kilianın rəhbərliyi ilə Texasa yola düşdü. Texasa gəldikdə, indiki Serbin xalqı Texasdakı Lüteran Kilsəsinin – Missuri Sinodunun ən erkən üzvləri oldular. 1871-ci ildə tikilmiş Müqəddəs Pol Lüteran Kilsəsi, Vend memarlığının hələ də tam istifadə edilən tipik bir nümunəsi olaraq qalır.

Serbində Müqəddəs Pol kilsəsi meydanında Texas Vendləri İrsi Muzeyi yerləşir. Bina keçmiş Müqəddəs Paul parokal məktəbi də daxil olmaqla üç müstəqil binanı özündə birləşdirir.

Sonralar Serbində sorb dili alman və ingilis dilləri ilə əvəz olundu. Kilian, arvadı Mariya üçün qəbir daşını da sorb deyil, alman dilində həkk etmişdi və eyni şey 1884-cü ildə onun daşı üçün də edildi.

Serbində artıq mövcud iki sorb dilinin heç biri səlis və ya müntəzəm olaraq danışılmır. 2000-ci ildə ABŞ-da aparılan siyahıya görə bu ərazidəki 37 nəfər evdə polyak və ya rus dilindən başqa slavyan dilində də danışırdı.[1]

Qalereya[redaktə | əsas redaktə]

İstinadlar[redaktə | əsas redaktə]

  1. 2000 U.S. Census. "Data Center Results". Modern Language Association. 2011-05-22 tarixində orijinalından arxivləşdirilib. İstifadə tarixi: 2010-02-15.

Xarici keçidlər[redaktə | əsas redaktə]