Sergey Aleksandrovski

Sergey Aleksandrovski
Şəxsi məlumatlar
Doğum tarixi	28 dekabr 1863(1863-12-28)
Vəfat tarixi	25 yanvar 1907(1907-01-25) (43 yaşında)
Vəfat yeri	Penza, Penza quberniyası[d], Rusiya imperiyası
Dəfn yeri	Aleksandr Nevski Lavranın Nikolskoye qəbiristanlığı[d]
Təhsili	Paje korpusu[d]
Hərbi xidmət
Mənsubiyyəti	Rusiya imperiyası

Sergey Vasilyeviç Aleksandrovski (rus. Сергей Васильевич Александровский; 28 dekabr 1863 – 25 yanvar 1907, Penza) – Rusiya zabiti və qubernatoru. Rus-yapon müharibəsi zamanı Qırmızı Xaç missiyasının direktoru kimi fəaliyyət göstərmişdir. Müharibədən sonra Penza quberniyasının qubernatoru olmuşdur.

Həyatı və karyerası

Sergey Aleksandrovski 1863-cü ildə Penza qubernatorunun oğlu kimi doğulmuşdur. O, əvvəlcə hərbi karyeraya yönəlsə də, 1899-cu ildə Maliyyə Nazirliyinin rəsmisi olaraq dövlət qulluğuna girmişdir. O. 1902-ci ildə baş vermiş Əndican zəlzələsi və 1903-cü ildə baş vermiş Sankt-Peterburq daşqını zamanı Qırmızı Xaç təşkilatları təşkil edərək bir çox fəlakət qurbanına yardım etmişdir.

Rus-yapon müharibəsi zamanı yaralı Rusiya əsgərlərinə tibbi yardım göstərmək üçün yaradılmış icraedici komitənin üzvlərindən biri olmuş və Rusiyanın Şərqi Asiya ordusuna göndərilmiş Qırmızı Xaç missiyasının direktoru təyin edilmişdir. 1905-ci ildə Birinci Mancuriya Ordusunun tibb birliyinin direktoru seçilmişdir. Burada öz həyatını riskə ataraq cəbhədə yaralanmış əsgərlərə kömək etmişdir. 1905-ci ildə Yekaterinoslav, qısa müddətdən sonra isə Penza quberniyasının qubernatoru təyin olunmuşdur. Penza qubernatoru olmasından bir neçə ay sonra inqilab tərəfarı olan bir şəxs tərəfindən sui-qəsdə uğrayaraq öldürülmüşdür.

Ədəbiyyat

• Kowner, Rotem. Historical Dictionary of the Russo–Japanese War (ingiliscə). The Scarecrow Press. 2006. 31. ISBN 978-0-8108-4927-3. İstifadə tarixi: 27 aprel 2023.

Xarici keçidlər

• Sergey Aleksandrovskinin qəbri