Sevinc Bünyatova
Sevinc Bünyatova | |
---|---|
Şəxsi məlumatlar | |
Tam adı | Sevinc Yaqut qızı Bünyatova |
Vətəndaşlığı | Azərbaycan |
Doğum tarixi | |
Doğum yeri | Rusiya |
Boyu | 168 sm. (5 ft 6 in) |
İdman növü | Qılıncoynatma |
Sevinc Bünyatova (5 oktyabr 1989, Rusiya) — Azərbaycanı təmsil edən qılıncoynadan.
Həyatı
[redaktə | mənbəni redaktə et]Sevinc Bünyatova 1989-cu il oktyabrın 5-də Rusiyada anadan olub.[1] Əslən Əmircan qəsəbəsindəndir. Bacısı Sevil Bünyatova da qılıncoynadandır.
Karyerası
[redaktə | mənbəni redaktə et]Sevinc Bünyatova 2015-ci ilin 12-28 iyununda baş tutan I Avropa Oyunlarında mübarizə apardı. Qrup mərhələsində beş görüşün beşində də qalib gələn Sevinc Bünyatova "A" qrupunu 1-ci sırada başa vurdu. Pley-off mərhələsində isə Sevinc Bünyatova əvvəlcə 1/8 final mərhələsində İtaliya nümayəndəsi Rebecca Carganonanı 15:8, sonra isə 1/4 final mərhələsində Ukrayna nümayəndəsi Alina Komaşuxa 15:11 hesabları ilə qalib gəldi və turnirin yarım-final mərhələsinə adladı. Bu mərhələdə Polşa nümayəndəsi Angelina Vatora 11:15 hesabı ilə məğlub olan Sevinc Bünyatova I Avropa Oyunlarının bürünc medalına sahib oldu.
Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Sevinc Yaqut qızı Bünyadova "Tərəqqi" medalı ilə təltif edildi.[2]
İstinadlar
[redaktə | mənbəni redaktə et]- ↑ International Fencing Federation. "SEVINJ BUNYATOVA". www.fie.org ( (ing.)). 22.08.2022. İstifadə tarixi: 22.08.2022.
- ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.