Sevinc Seyidova

Vikipediya, açıq ensiklopediya
Jump to navigation Jump to search
Sevinc Seyidova
Doğum tarixi 11 iyun 1964 (1964-06-11) (55 yaş)
Doğum yeri
Vətəndaşlığı SSRİ SSRİAzərbaycan Azərbaycan
Elm sahəsi Tarix
Elmi dərəcəsi Tarix üzrə fəlsəfə doktoru (1994)
Elmi adı dosent
İş yeri Azərbaycan Dövlət Pedaqoji Universiteti Türk, Şərqi Avropa xalqları tarixi və Tarixin tədrisi metodikası kafedrası
Alma-mater Azərbaycan Dövlət Pedaqoji Universiteti
Təhsili Ali

Sevinc Məmməd qızı SeyidovaAzərbaycan Dövlət Pedaqoji Universiteti Türk, Şərqi Avropa xalqları tarixi və Tarixin tədrisi metodikası kafedrasının müəllimi, tarix üzrə fəlsəfə doktoru.

Həyatı[redaktə | əsas redaktə]

Sevinc Seyidova 11 iyun 1964-cü ildə anadan olmuşdur. O, 1986-cı ildə Azərbaycan Dövlət Pedaqoji İnstitutunun Tarix və əlavə sovet hüququ fakültəsini fərqlənmə diplomu ilə bitirmiş, tarix ictimaiyyət və sovet hüququ müəllimi ixtisasına yiyələnmişdir. 1991-1994-cü illərdə ADPU-nun Türk, Şərqi Avropa xalqları tarixi və Tarixin tədrisi metodikası kafedrasının əyani aspiranturasında təhsil almışdır.

Elmi fəaliyyəti[redaktə | əsas redaktə]

Sevinc Seyidova 1987-1989-cu illərdə Azərbaycan tarix və mədəniyyət abidələrinin mühafizəsi Cəmiyyətinin Sabunçu rayonu üzrə məsləhətçi vəzifəsində çalışmışdır. O, 1989-1992-ci illərdə Bakı şəhəri Sabunçu rayonu 96 saylı məktəbdə tarix müəllimi işləmişdir.

1992-1994-cü illərdə ADPU-nun Türk və Şərqi Avropa xalqları tarixi, tarixin tədrisi metodikası kafedrasında “Vətən tarixi” ixtisası üzrə əyani aspiranturada təhsil almış və 1994-cü ildə “Azərbaycanın beynəlxalq əlaqələri (1920-1930-cu illər)” mövzusunda namizədlik dissertasiyası müdafiə edərək, tarix elmləri namizədi elmi dərəcəsi almışdır.

Sevinc Seyidova 1994-1996-cı illərdə ADPU-nun Türk və Şərqi Avropa xalqlarının tarixi, tarixin tədrisi metodikası kafedrasında baş laborant, 1996-1998-ci illərdə həmin kafedrada müəllim, 1998-2000-ci illərdə baş müəllim vəzifəsində çalışmışdır. 2000-ci ildən Türk və Şərqi Avropa xalqlarının tarixi, tarixin tədrisi metodikası kafedrasında dosent vəzifəsində çalışır.

S. Seyidova tarix elminin aktual problemlərinə həsr olunmuş, xüsusilə tədqiqat mövzusu ilə bağlı bir sıra beynəlxalq və respublika səviyyəli konfranslarda, elmi seminar və müşavirələrdə fəal iştirak etmişdir. O, metodik və tədris vəsaitlərinin, fənn proqramlarının, 2 monoqrafiyanın müəllifidir.

Monoqrafiyalar[redaktə | əsas redaktə]

  1. Azərbaycanın Beynəlxalq əlaqələri. Bakı, 1998.‎
  2. Ermənistanın Azərbaycana qarşı təcavüzü və Ermənistan-Azərbaycan Dağlıq ‎Qarabağ münaqişəsində beynəlxalq təşkilatlarin mövqeyi. Bakı, 2014‎.

Dərs vəsaitləri[redaktə | əsas redaktə]

  1. Osmanlı imperiyasında milli münasibətlər – erməni məsələsi (XIX əsrin II yarısı, XX ‎əsrin I rübü) – Bakı, 2002 (Ali məktəblər üçün)(Həmmüəllif R.Uslu)‎
  2. Türk xalqlarının etnoqenezi (Ali məktəblər üçün metodik vəsait) Bakı, 2002‎
  3. Müəllim hazırlığının və orta təhsilin perspektivləri (Qərb təhsil sisteminin təcrübəsi ‎əsasında) – müəllimlər üçün vəsait - Bakı – 2005(Həmmüəlliflər- Əhmədova M.C., ‎Əliyev M.İ., Varella G. və s.)‎
  4. İnteqrativ kurrikulum: mahiyyəti və nümunələr (Kurrikulum modeli) Bakı – 2005 ‎‎(Həmmüəlliflər- Əhmədova M.C., Əliyev M.İ., Varella G. və s.)‎

İstinadlar[redaktə | əsas redaktə]