Seyiçi Miyake

Vikipediya, azad ensiklopediya
Jump to navigation Jump to search
Seyiçi Miyake
yap. 三宅精一
Seiichi Miyake.png
Doğum tarixi 5 fevral 1926(1926-02-05)
Doğum yeri
Vəfat tarixi 10 iyul 1982(1982-07-10) (56 yaşında)
Vəfat yeri
Vətəndaşlığı
Fəaliyyəti ixtiraçı

Seyiçi Miyake (三宅 精一, Miyake Seyiçi?, 5 fevral 1926, Kuraşiki, Okayama prefekturası10 iyul 1982, Okayama)Yaponiya mühəndisi və ixtiraçısı. O, görmə məhdudiyyətli şəxslərin yol keçidlərində hərəkətini asanlaşdırmaq üçün taktil plitələri ixtira etməsinə görə tanınır.[1]

Yaponiyada yerləşdirilmiş taktil plitələr.

Həyatı[redaktə | mənbəni redaktə et]

Seyiçi Miyake 5 fevral 1926-cı ildə Yaponiyanın Okayama prefekturasının Kuraşiki şəhərində doğulmuşdur.[2] Mühəndislik təhsili almış, bir neçə ixtiraya imza atmışdır.[2] 10 iyul 1982-ci ildə Okayama şəhərində ölmüşdür.[2]

İxtirası[redaktə | mənbəni redaktə et]

Miyake 1965-ci ildə görmə qabiliyyəti zəifləmiş dostuna kömək etmək üçün qabarıq səthlərlə təcrübələr aparmağa başlamış və sonda öz maddi vəsaiti hesabına taktil plitələri və ya orijinal adı ilə Tenci plitələrini ixtira etmişdir.[1] O, plitələrin iki növünü yaratmışdır: nöqtəli və zolaqlı. Zolaqlı plitələr təhlükəli yerə yaxınlaşdıqlarını bildirir və keçidlərin kənarında yerləşir.[1] Zolaqlı plitələr isə istiqamət bildirir.[1] O, görmə məhdudiyyətli şəxslərin əsasən müşayiətçi it və ya dəyənəklə hərəkət etdiyini düşündüyü üçün bu dizaynın uyğun olacağını qənaətinə gəlmişdir.[2] Miyake parlaq sarı rəngin görmə məhdudiyyətli şəxslər tərəfindən asan seçildiyini əsas gətirərək taktil plitələrin rəngini bu cür müəyyənləşdirmişdir.[2]

Miyakenin taktil plitələri ilk dəfə 18 mart 1967-ci ildə Yaponiyanın Okayama şəhərində yerləşən Okayama Korlar Məktəbinin yaxınlığındakı küçədə quraşdırılmışdır.[1] Taktil plitələrin istifadəsi yayılmış və 1975-ci ildə Yaponiyadakı dəmiryolu stansiyalarında icbari standart olmuşdur.[2] 1990-cı illərdə isə bütün dünyada istifadə olunmağa başlamışdır.[2]

Xatirəsi[redaktə | mənbəni redaktə et]

Google 18 mart 2019-cu ildə Miyakenin taktil plitələri ixtira etməsinin 52 illiyi münasibətilə dudl yayımlamışdır.[1]

İstinadlar[redaktə | mənbəni redaktə et]

  1. 1 2 3 4 5 6 "Celebrating Seiichi Miyake". Google (ingiliscə). 18 mart 2019. 20 noyabr 2022 tarixində arxivləşdirilib. İstifadə tarixi: 20 noyabr 2022.
  2. 1 2 3 4 5 6 7 "Seiichi Miyake". Gale Biography Online Collection (ingiliscə). Gale. 2019. İstifadə tarixi: 20 noyabr 2022.