Seyid Yusif Ağa

Vikipediya, azad ensiklopediya
Jump to navigation Jump to search
Yusif Məmiyev
Seyid Yusif Ağa.jpg
Doğum tarixi 25 dekabr 1937(1937-12-25)
Doğum yeri Nağdalı, Laçın
Vəfat tarixi 17 sentyabr 2011 (73 yaşında)
Dəfn yeri Bakı şəhəri
Milliyyəti azərbaycanlı
Mükafatları "Qırmızı Bayraq" ordeni

Yusif MəmiyevQarabağın tanınmış iş adamlarından biri.

El-obada imanlı bir şəxs kimi tanınan Məmiyev Yusif Məmmədrıza oğlu 25 dekabr 1937-ci ildə Laçın rayonunun Nağdalı kəndində anadan olub.

1943-cü ildə Şamkənd 4 illik ibtidai məktəbinə gedib. 1947-ci ildə həmin məktəbi bitirərək, Kürdhacı kənd orta məktəbində təhsilini davam etdirib. 1953-cü ildə bu qocaman təhsil ocağını bitirən Yusif Məmiyev Səmədağa Ağamalıoğlu adına Azərbaycan Kənd Təsərrüfatı İnstitutuna (indiki Azərbaycan Kənd Təsərrüfatı Akademiyası) daxil olur. Ancaq dayısının vəfatı ilə əlaqədar olaraq təhsilini yarımçıq qoyur. Bundan sonra hərbi xidmətə yollanır və 1956-cı ildə hərbi xidmətini xüsusi təltiflərlə başa vuraraq doğma rayonuna qayıdır. Sənədlərini M. Qorki adına Ağdam Kənd Təsərrüfatı Texnikumuna verir və qəbul olunur. 1959-cu ildə texnikumu bitirərək Kürdhacı kəndində kolxozun baş aqronomu vəzifəsinə təyin edilir. Hərbi xidmətdə partiya sıralarına daxil olduğuna görə sovxozda partiya təşkilatının rəhbəri vəzifəsinə irəli çəkilir. 1962-ci ildən müxtəlif vəzifələrdə işləyən Yusif Məmiyev “Qırmızı bayraq” ordeni ilə yanaşı bir sıra digər orden və medallarla da təltif olunmuşdur.

Yusif Məmiyev 1964-cü ildə ailə həyatı qurub. 1992-ci ildə məlum Qarabağ müharibəsi ilə bağlı Bakı şəhərinə köçən Yusif Məmiyev Nizami rayonunun ərazisində yerləşən “Qarabağ” marketində mağaza müdiri işləyib. Ömrünün sonuna qədər burada çalışaraq heç vaxt alış-verişinə haram qatmayıb. Yüksək əxlaqi keyfiyyətlərə sahib olan Yusif kişi gözəl ailə başçısı olmaqla bərabər, həm də el ağsaqqalı olub. El arasında ən çətin qan davalarını belə Yusif Məmiyevə görə keçərdilər. 2011-ci ilin sentyabr ayında vəfat edib. 8 övladı yadigar qalıb.


Mənbə[redaktə | əsas redaktə]