Seymur Musayev

Vikipediya, azad ensiklopediya
Jump to navigation Jump to search
Seymur Musayev
Musayev Seymur Aydın oğlu
Seymur Musayev.jpg
Doğum tarixi (46 yaş)
Doğum yeri Xınalı, Goranboy rayonu, Azərbaycan SSR, SSRİ
Vətəndaşlığı Azərbaycan Azərbaycan
Elm sahəsi tibb
Elmi dərəcəsi Tibb elmləri namizədi
İş yeri Mərkəzi Neftçilər Xəstəxanası
Tanınır Ürək-damar cərrahı

Seymur Musayev (azərb. Musayev Seymur Aydın oğlu‎; d. 18 sentyabr 1974, Xınalı, Goranboy rayonu, Azərbaycan SSR, SSRİ) — Ürək-damar cərrahı, tibb elmləri namizədi. Azərbaycan Ürək və Sağlamlıq Assosiasiyasının üzvü[1]

Həyatı[redaktə | əsas redaktə]

Seymur Musayev 18 sentyabr 1974-cü ildə Goranboy rayonunun Xınalı kəndində anadan olub. 1980-1985-ci illərdə Goranboy rayon Xınalı kənd orta məktəbində, 1985-1991-ci illərdə isə Gəncə şəhər 5 saylı orta məktəbində oxumuş və orta məktəbi qızıl medalla bitimişdir.

14 aprel 2005-ci ildən 15 iyul 2005-ci ilə qədər Türkiyə Respublikasının İzmir şəhərindəki “Şifa Xəstəxanalar Qrupu”nun “Şifa Xəstəxanası”nda ürək-damar cərrahı işləmiş və xəstələrə intensiv terapiyaya dair məsləhətlər vermişdir.

2005-ci ildən Mərkəzi Neftçilər Xəstəxanasının “Ürək-damar cərrahiyəsi şöbəsi”ndə ürək-damar cərrahı işləyir. Bu illər ərzində onun rəhbərliyi altında yüzlərlə uğurlu əməliyyat aparılmışdır.[2]

“Ürək və damar xəstəlikləri mərkəzi”nin rəhbəri Rəşad Mahmudovla birlikdə 4000-dən çox və həmçinin regionlarda (Naxçıvan, Lənkəran, Şirvan, Qəbələ, Zaqatala, Qazax, Gəncə) açılmış yeni diaqnostik mərkəzlərdə 170-dən artıq açıq ürək əməliyyatları aparmışdır.

2005-ci ildən xaricdə keçirilən 8 beynəlxalq konfransın və Azərbaycanda keçirilən 2 beynəlxalq konfransın iştirakçısıdır.

Elmi fəaliyyəti[redaktə | əsas redaktə]

Tibb elmləri namizədi Seymur Musayev hal-hazırda Mərkəzi Neftçilər Xəstəxanasının ürək-damar cərrahiyəsi şöbəsinin müdiri kimi fəaliyyət göstərir.[3]

Beynəlxalq konfranslarda iştirakı və sertifikatları[redaktə | əsas redaktə]

Seymur Musayev və Natiq Mirzəyev. 16 aprel 2010-cu il, Çeşmə, İzmir, Türkiyə.
  • 1) “Şifa Xəstəxanalar Qrupu”nda ürək-damarın cərrahiyəsi şöbəsində aparılan ürək-damar əməliyyatlarında fəal iştirak etmiş və xəstələrə intensiv terapiyaya dair məsləhətlər aparmışdır. 14 aprel-15 iyul 2005-ci il, İzmir, Türkiyə.
  • 2) Türk ürək-damar cərrahiyəsi dərnəyinin “9-cu Beynəlxalq Konfransı”nın iştirakçısı. 01-05 kasım 2006-cı il, Antalya, Türkiyə.
  • 3) Türk ürək-damar cərrahiyəsi dərnəyinin “1-ci damar cərrahiyəsi simpozyumu”nda “Periferik damar və aort cərrahiyəsi” mövzusunda keçirilən simpozyumun iştirakçısı. 06-09 iyul 2007-ci il, Çanakkala, Türkiyə.
  • 4) “Azərbaycan Kardiovaskulyar Cərrahlar Assosiasiyası” İB-nin “Anadangəlmə ürək qüsurlarının müalicəsində yeniliklər və ağciyər hipertenziyası” mövzusunda keçirilən simpozyumda iştirak etmişdir. 22 sentyabr 2007-ci il, Bakı, Azərbaycan.
  • 5) Türk ürək-damar cərrahiyəsi dərnəyinin “10-cu Beynəlxalq Konfransı”nın iştirakçısı. 17-21 ekim 2008-ci il, Çeşmə, İzmir, Türkiyə.
  • 6) “Açıq Tibb İnstitutu”, “Nyu-York – Presviterianın Xəstəxanası”, “Bakı Təhlil və Məlumat Mərkəzi” və “Mərkəzi Neftçilər Xəstəxanası”nın birgə keçirdiyi 15 saatı əhatə edən Beynəlxalq “KARDİOLOGİYA OMİ SATELLİTE” simpozyumda iştirak etmişdir. 17-18 aprel 2009-cu il, Bakı, Azərbaycan.
  • 7) “Türkiyə Ürək və Səhiyyə Fondu”nun “Kardiologiya və ürək-damar cərrahiyəsinə dair yeniliklər” mövzusunda keçirdiyi “5-ci Beynəlxalq Konqres”in iştirakçısı. 24-28 sentyabr 2009-cu il, Antalya, Türkiyə.
  • 8) “Türkiyə Ürək və Səhiyyə Fondu”nun “ESC GUCH” mövzusunda keçirdiyi kursun iştirakçısı. 25-26 sentyabr 2009-cu il, Antalya, Türkiyə.
  • 9) “Türkiyə Ürək və Səhiyyə Fondu”nun “Ürək morfologiya” mövzusunda keçirdiyi kursun iştirakçısı. 26 sentyabr 2009-cu il, Antalya, Türkiyə.
  • 10) “Kardiologiya və ürək-damar cərrahiyəsinə dair yeniliklər” mövzusunda keçirilən “6-cı Beynəlxalq Konqres”lə əlaqədar olaraq “59-cu ESCVS Beynəlxalq Konqres”in iştirakçısı. 16 aprel 2010-cu il, Çeşmə, İzmir, Türkiyə.

İstinadlar[redaktə | əsas redaktə]

  1. "Azərbaycan Ürək və Sağlamlıq Assosiasiyası:İDARƏ HEYƏTİ". 2016-01-11 tarixində orijinalından arxivləşdirilib. İstifadə tarixi: 2015-11-30.
  2. Çingiz Fərəcov. "Dünyanın ürəyi" — "Azərbaycan" qəzeti. 13 Avgust 2013.
  3. Musayev Seymur

Xarici keçidlər[redaktə | əsas redaktə]