Shkodra Elektronike
| Shkodra Elektronike | |
|---|---|
 | |
| Əsas məlumatlar | |
| Üslub | elektropop[d][1], dünya musiqisi[d], Albaniya musiqisi[1] |
 Vikianbarda əlaqəli mediafayllar | |
"Shkodra Elektronike" – 2019-cu ildə Şkoder şəhərində musiqiçilər Beatriçe Gyergi və Kole Laca tərəfindən yaradılmış Albaniya folk dueti. Kollektiv "Zjerm" mahnısı ilə 2025 Avroviziya Mahnı Müsabiqəsində Albaniyanı təmsil etmiş[2] və final mərhələsində 8-ci yeri tutmuşdur.
Tarixi
[redaktə | vikimətni redaktə et]Şimali Albaniyanın Şkoder şəhərindən olan duet üzvləri İtaliyada böyümüş mühacirlərdir. Onlar 2020-ci ildə işıq üzü görən "Ku e Gjeta Vedin" ("Özümü tapdım") və "Synin si Qershia" ("Albalı kimi gözlər") adlı uğurlu sinql layihələri ilə Albaniyada populyarlıq qazanmışlar. Bu uğurun ardınca qrup müxtəlif beynəlxalq festivallarda çıxış etməyə başlamışdır.[3][4]
2021-ci ildə "Shkodra Elektronike" dueti tərəfindən bəstələnən "E jemja nuse" ("Özünə gəlin") mahnısı "Festivali i Këngës 60" müsabiqəsində Rezarta Smaya tərəfindən ifa olunmuş və üçüncü yerə layiq görülmüşdür. 2022-ci ildə musiqiçilər "Turtulleshë" ("Qumru") sinqlının da daxil olduğu "Live @ Uzina" adlı debüt mini-albomlarını təqdim etmişdilər.[5]
2024-cü ildə "Shkodra Elektronike" qrupu "Zjerm" mahnısı ilə "Festivali i Këngës 63" festivalında iştirak etmək üçün seçilmişdir.[6] Komanda 21 dekabr 2024-cü ildə finala vəsiqə qazanmış, yekunda isə birinci yeri tutaraq Avroviziya 2025 mahnı müsabiqəsində Albaniyanı təmsil etmək hüququna sahib olmuşdur.[7]
Duetin bu nailiyyəti Albaniyanın 2013-cü ildən bəri Avroviziya arenası tarixindəki ən uğurlu çıxışı hesab olunur. Bu uğur yüksək baxış sayları, bukmeker kontorlarında qalibiyyət şanslarının çoxluğu, yarımfinal mərhələsində ikincilik və uzun fasilədən sonra əsas müsabiqədə ilk onluğa (top-10) daxil olmaqla müşayiət edilmişdir. Həmçinin qrup 2025-ci ildə Avroviziya həvəskarlarının "Songfestival.be" və "EFR12" radiosu tərəfindən keçirilən illik onlayn sorğusunda 3-cü yeri tutmuşdur.[8]
Musiqi tərzi və yaradıcılığı
[redaktə | vikimətni redaktə et]"Shkodra Elektronike" kollektivinin yaradıcılığı elektron, pop və ənənəvi Albaniya musiqisi kimi janrların sintezi ilə xarakterizə olunur. Layihə yadda qalan melodiyalar, cəlbedici ritmlər və adətən sevgi, eləcə də gündəlik həyat mövzularına toxunan mahnı mətnləri üzərində qurulmuşdur.[9] Yaradıcılıq konsepsiyasının əsasını Şkoder şəhərinin ənənəvi xalq mahnılarının müasir elektron üslubda yenidən şərh edilməsinə bəslənilən böyük maraq təşkil edir.[7]
İstinadlar
[redaktə | vikimətni redaktə et]- 1 2 Shkodra Elektronike (ing.).
- ↑ Helgeson, Justina. "Albania: Shkodra Elektronike to Eurovision 2025 with "Zjerm"" (ingilis). 23 dekabr 2024. 22 dekabr 2024 tarixində arxivləşdirilib. İstifadə tarixi: 23 dekabr 2024.
- ↑ "Shkodra Elektronike" (italyan). 2 noyabr 2023 tarixində arxivləşdirilib. İstifadə tarixi: 2 noyabr 2023.
- ↑ "Clubbing e vibrazioni balcaniche: in anteprima il video di "Synin si Qershia" degli Shkodra Elektronike". Billboard Italia (italyan). 20 oktyabr 2020. 24 dekabr 2024 tarixində arxivləşdirilib. İstifadə tarixi: 2 noyabr 2023.
- ↑ "It consists of two Albanian immigrants from Italy: Some details you don't know about Shkodra Elektronike". VOX News. 23 dekabr 2024. 24 dekabr 2024 tarixində arxivləşdirilib. İstifadə tarixi: 24 dekabr 2024.
- ↑ Granger, Anthony. "🇦🇱 Albania: Full Line-Up of Festivali i Këngës 63 Song Titles Released". Eurovoix. 15 noyabr 2024. 21 dekabr 2025 tarixində arxivləşdirilib. İstifadə tarixi: 25 dekabr 2024.
- 1 2 "Shkodra Elektronike win 'Festivali i Këngës' and will represent Albania at Eurovision". eurovision.tv. European Broadcasting Union. 24 dekabr 2024. 21 dekabr 2025 tarixində arxivləşdirilib. İstifadə tarixi: 25 dekabr 2024.
- ↑ "Full result | EFR12 Radio Eurovision" (fransız). 31 dekabr 2025. 6 yanvar 2026 tarixində arxivləşdirilib. İstifadə tarixi: 2 yanvar 2026.
- ↑ "Shkodra Elektronike". Balkan:Most. 24 dekabr 2024 tarixində arxivləşdirilib. İstifadə tarixi: 25 dekabr 2024.