Silvio Berluskoni (it.Silvio Berlusconi; 29 sentyabr1936[1][2][3][…], Milan, İtaliya[4]) — İtaliyanın keçmiş baş naziridir. 1994-cü ildə İtaliyada keçirilən parlament seçkiləri öncəsi yaradılmış Forza İtaliya siyasi hərəkatının başçısı olub.
29 sentyabr 1936-cı ildə anadan olmuşdur. Hüquq təhsili almışdır. “İrəli İtaliya” siyasi hərəkatının və “Azadlıq xalqı” Partiyasının yaradıcısı və sədridir. 1993 –cü ildə “İrəli İtaliya” siyasi hərəkatını təsis etmişdir.
1994 – cü ildə Nazirlər Şurasının sədri və eyni zamanda parlamentin Avropa İttifaqı məsələləri və xarici siyasət Daimi Komissiyasının üzvü olmuşdur. 1994 – cü ildə Avropa Parlamentinə seçkilərdə iştirak etmiş və qələbə qazanmış, lakin deputat mandatının və Nazirlər Şurasının sədri vəzifəsinin eyni zamanda icra edilməsi mümkün olmadığından, Avropa Parlamentinə daxil olmamışdır. 1997-2008 – ci illərdə müxtəlif dövrlərdə Milan şəhərinin bələdiyyə müşaviri olmuşdur. 1999-2001 – ci illərdə Avropa Parlamentinə yenidən seçilmişdir. 2001 – ci ildə Nazirlər Şurasının sədri vəzifəsinə seçilmişdir. 2002-ci ilin yanvar-noyabr aylarında Xarici işlər naziri vəzifəsini icra etmişdir. 2004-cü ilin 3-16 iyul tarixlərində İqtisadiyyat və Maliyyə naziri vəzifəsini icra etmişdir. 2006-cı ilin mart-aprel aylarında Səhiyyə naziri vəzifəsini icra etmişdir. 2008 – ci ildə “Azadlıq xalqı” partiyasını təsis etmişdir. 8 may 2008–ci ildə Nazirlər Şurasının sədri seçilmişdir.
Vikianbarda əlaqəli mediafayllar