Sincan (Oğuz)

Vikipediya, azad ensiklopediya
Jump to navigation Jump to search
Sincan
40°56′41″ şm. e. 47°34′54″ ş. u.
Ölkə  Azərbaycan
Rayon Oğuz rayonu
Tarixi və coğrafiyası
Mərkəzin hündürlüyü 391 m
Saat qurşağı
Sincan xəritədə

SincanAzərbaycan Respublikasının Oğuz rayonunun inzibati ərazi vahidində kənd.

Tarixi[redaktə | mənbəni redaktə et]

Rayon mərkəzindən 28 km cənub-şərqdə, Şəki-Qəbələ şose yolunun solunda yerləşir. Sincan İnzibati Ərazi Dairəsinin mərkəzidir. “Sincan”- türk Azərbaycan mənşəli etnotoponimdir. Dəvəçi rayonunda Sincan-Boyat adlı kənd var. Köçəri türkmənlər içərisində s e n c a n adlı taufa olmuşdur[1]. “Sincan” – iki sözün birləşməsindən yaranmışdır: “sin” və “can”. “Sin”–türk dillərində “kimi, sanki” mənalarını daşıyır[2]. “San” isə-“h ə y a t, d i r i l i k” deməkdir. “Sincan” – “can kimi”, yəni “çox gözəl, çox səfalı, həyat nişanəli, əbədi yaşar” anlamına gəlir. Kəndin əhalisi (1473 nəfər) heyvandarlıq, taxılçılıq, bağçılıq və tərəvəzçiliklə məşğuldur. Kənddə orta məktəb, uşaq bağçası, klub, kitabxana, poçt, 288 yerlik elektron ATS, xəstəxana, ticarət və iaşə obyektləri fəaliiyət göstərir. Respublika hökuməti tərəfindən mühafizə edilən yerli əhəmiyyətli memarlıq abidələrindən 4946 inventar nömrəli Məscid və Minarə var. Rayon mərkəzindən Xaçmaz, Filfilli, Mollalı kəndlərinə, Bakı şəhərinə və Qəbələ rayonuna gedən avtobuslar Sincandan keçir.

Toponimikası[redaktə | mənbəni redaktə et]

Sincan oyk., mür. Oğuz r-nunun eyniadlı i.ə.v.-də kənd. Alazan-Əyriçay çökəkliyindədir. Oykonim qədim türk dillərindəki sin (düşərgə, ordugah) və qan (yer, məkan) sözlərindən düzəlib, “düşərgə yeri” mənasındadır. Orta əsrlrdə Azərbaycan ərazisində Səncan adlı bir neçə yaşayış məntəqəsi olmuşdur. Hazırda Cənubi Azərbaycanda da eyniadlı kənd var. Sincan eyni zamanda qambatı da adlanan çoxillik ot və kol bitkisinin adıdır.[3]

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. E.Nuriyev, adı çəkilən əsəri, səh. 46
  2. Q.Qeybullayev, adı çəkilən əsəri, səh 146
  3. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427