Siyavuş Novruzov

Vikipediya, açıq ensiklopediya
Jump to navigation Jump to search
Siyavuş Novruzov
Siyavuş Dünyamalı oğlu Novruzov
Fotoqrafiya
Doğum tarixi 17 fevral 1969 (1969-02-17) (50 yaş)
Doğum yeri Cəhri, Naxçıvan rayonu, Naxçıvan MSSR, Flag of the Azerbaijan Soviet Socialist Republic.svg Azərbaycan SSR, Flag of the Soviet Union.svg SSRİ
Atası Dünyamalı Novruzov
Vətəndaşlıq Flag of Azerbaijan.svg Azərbaycan
Peşəsi Siyasətçi
Milliyyəti Azərbaycanlı
İxtisası Hüquqşunas, hüquq elmləri üzrə fəlsəfə doktoru
Təhsili Ali, Bakı Dövlət Universiteti - hüquq fakultəsi, İdarəçilik Akademiyasi - Dövlət və bələdiyyə idarəetməsi fakultəsi
Fəaliyyəti Milli Məclisin İctimai birliklər və dini qurumlarla iş komitəsinin sədri
Mükafatları I dərəcəli "Vətənə xidmətə görə" ordeni — 2017 Şöhrət ordeni - lent (2013).png“Azərbaycan Polisinin 100 illiyi (1918-2018)” yubiley medalı
Commons-logo.svg Siyavuş Novruzov Vikianbarda

Siyavuş Dünyamalı oğlu Novruzov(d.17 fevral 1969, Naxçıvan Muxtar Respublikası,Babək rayonu, Cəhri kəndi)— Azərbaycan Respublikası Milli Məclisinin II çağırış, III çağırış, IV çağırış və V çağırış deputatı, Milli Məclisin Komitə sədri, Yeni Azərbaycan Partiyası icra katibinin müavini, hüquq elmləri üzrə fəlsəfə doktorudur.

Həyatı[redaktə | əsas redaktə]

Siyavuş Dünyamalı oğlu Novruzov 17 fevral 1969-cu ildə Naxçıvan Muxtar Respublikası Babək rayonu Cəhri kəndində anadan olmuşdur. 1990-1995-ci illərdə Bakı Dövlət Universitetinin Hüquq fakultəsini,1999-2002-cı illərdə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi fakültəsini bitirmişdir. Hüquq üzrə fəlsəfə doktorudur. Qarabağ müharibəsi veteranıdır.

1990-cı ildən "Əlincə" Xeyriyyə Cəmiyyətinin şöbə rəisi, məsul katibi işləmişdir. 1994-1999-cu illərdə Yeni Azərbaycan Partiyası Mərkəzi Aparatının İşlər müdiri, Təşkilat şöbəsinin müdiri vəzifələrində çalışmış, 1995-2005-ci illər Yeni Azərbaycan Partiyası Gənclər Birliyinin sədri olmuşdur. Yeni Azərbaycan Partiyası Siyasi Şurasının və İdarə Heyyətinin üzvü, partiyanın icra katibinin müavinidir.

2000-ci ildə ikinci çağırış Milli Məclisə proporsional seçki sistemi ilə çoxmandatlı seçki dairələri üzrə YAP-ın vahid seçki siyahısında 3-cü yerdə deputat seçilmişdir.2005, 2010, 2015-ci illərdə isə majoritar qaydada 5 saylı Şahbuz-Babək seçki dairəsindən millət vəkili seçilib. O, uzun müddət Milli Məclisin İntizam Komissiyasının sədri işləmiş, hal-hazırda isə Milli Məclisin İctima birliklər və dini qurumlarla iş komitəsinin sədridir.

Azərbaycan Respublikası Prezidentinin 18 noyabr 2017-ci il tarixli Sərəncamı ilə Azərbaycan Respublikasının ictima-siyasi həyatında fəal iştirak etdiyinə görə 1-ci dərəcəli "Vətənə Xidmət Ordeni" lə təltif olunub.

Azərbaycan, rusingilis dillərin bilir. Ailəlidir. İki övladı vardır.

Müharibə iştirakı və həqiqi hərbi xidmət[redaktə | əsas redaktə]

1987-1990-cı illər SSRİ ordusunda xidmət, Əfqanıstan döyüşlərində iştirak,1990-1993-cü illərdə Qarabağ uğuruda gedən döyüşlərdə, həmçinin Sədərək döyüşlərində fəal iştirak etmişdir. Qarabağ müharibəsi veteranıdır.

İdman karyerası[redaktə | əsas redaktə]

Siyavuş Novruzov sərbəst güləş üzrə idman ustasıdır. 10 yaşından profesional idmanla məşğuldur. Hərbiçilər arasında keçirilən yarışın qalibi olub.

Təltifləri[redaktə | əsas redaktə]

  • 1988-ci il Əfqanıstan Respublikasının Müdafiə Nazirliyinin təşəkkürnaməsi.
  • 26.03.2009-cu il Azərbaycan Respublikası Milli Təhlükəsizlik Nazirliyi tərəfindən "Azərbaycan Respublikası Milli Təhlükəsizlik Orqanlarının 90 illiyi (1919-2009)" yubiley medalı ilə təltif olunub.
  • 30.09.2009-cu ildə Azərbaycan Respublikasının Müdafiə Nazirliyinin Bakı şəhəri Yasamal RHK tərəfindən Azərbaycan Respublikasının Müharibə Veteranı vəsiqəsi ilə təltif olunub.
  • 26.06.2012-ci ildə Ümumrusiya İctimai Təşkilatı "Əfqanıstanın Veteranlarının Rusiya İttifaqı" tərəfindən "Əfqanıstan müharibəsi veteranı" medalı ilə təltif olunub.
  • 21.01.2014-cü ildə Azərbaycan Əfqanıstan Veteranları İctimai Birliyi tərəfindən təqdim edilmiş üzvlük vəsiqəsi (VS № 01064).
  • 28.01.2014-cü ildə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti tərəfindən "Əfqanıstanda döyüş əməliyyatlarının bitməsinin 25 illik xatirəsinə" medalı ilə təltif olunub.
  • MDB-ın dövlət-iştirakçılarının Hökumətlərinin Başçılarının Şurası yanında müharibə -beynəlmiləlçilərin işləri üzrə Komitənin sədri R.S.Auşev tərəfindən "Sovet qoşunlarının Əfqanıstandan çıxarılmasının 20 illiyi " medalıyla mükafatlandırılmışdır.
  • 15.02.2014-cü ildə "Sovet qoşunlarının Əfqanıstandan çıxarılmasının 25 illiyi " veteran birləşmələrinin birgə fəaliyyətinin koordinasiyası üzrə komitəsi tərəfindən yubiley medalıyla mükafatlandırılmışdır.
  • 07.04. 2014-cü ildə Azərbaycan Respublikası Milli Təhlükəsizlik Nazirliyi tərəfindən "Azərbaycan Respublikası Milli Təhlükəsizlik Orqanlarının 95 illiyi (1919-2014)" yubiley medalı ilə təltif olunmuşdur.
  • 01.05.2015-ci ildə Əfqanıstan Veteranlarının Rusiya Birliyinin sədri F.A. Klinseviç tərəfindən "Vətənə xidmət" ordeni ilə təltif olunmuşdur.
  • 14.09.2016-cı ildə Ölkənin müdafiə qabiliyyətinin möhkəmləndilməsinə böyük töhfə üçün Rusiya Federasiyasının Silahlı Qüvvələrinin veteranlarının Ümumrusiya İctimai Birliyinin sədri, keçmiş SSRİ Müdafiə nazirinin müavini,ordu generalı V.F Yermakov tərəfindən "Vətənə Sədaqət" ordeni ilə mükafatlandırılmışdır.
  • 27.10.2016 - cı ildə Azərbaycan Respublikası Veteranlar Təşkilatı tərəfindən "General Cəmşüd Naxçıvanski" yubiley medalı ilə təltif olunmuşdur.
  • 11.11.2016-cı ildə Azərbaycan Qarabağ müharibəsi əlilləri, veteranları və şəhid aillələri ictimai birliyi tərəfindən "Fədai" medalı ilə təltif olunmuşdur.
  • 16.11.2016-cı ildə Azərbaycan Qarabağ müharibəsi əlilləri, veteranları və şəhid aillələri ictimai birliyi tərəfindən "Vətən naminə" medalı ilə təltif olunub
  • 02.02.2017-ci ildə "Döyüş Qardaşlığı" veteranlarının ümumrusiya ictimai təşkilatının sədri,SSRİ Daxili İşlər nazirinin birinci müavini,General-polkovnik B.V.Qromov tərəfindən "Döyüş Qardaşlığı" veteranlar təşkilatı qarşısında xidmətlərinə görə medal ilə təltif olunmuşdur.
  • Böyük xidmətlərinə və veteran hərəkatına dəstəyinə görə şərəf nişanı ilə təltif olunmuşdur."Xidmətlərinə görə"şərəf nişanına vəsiqə.
  • 15.02.2017-ci ildə Əfqanıstanın Veteranlarının Rusiya İttifaqı adından Vətən qarşısında "Xidmətlərə Görə" medalla mükafatlandırılmışdır.
  • 18 noyabr 2017-ci il tarixli Sərəncamı ilə Azərbaycan Respublikasının Prezidentinin 1-ci dərəcəli "Vətənə xidmət ordeni" ilə təltif olunmuşdur.
  • 05.07.2018-ci ildə Azərbaycan Respublikası Daxili İşlər Nazirinin əmri ilə "Azərbaycan Polisinin 100 illiyi (1918-2018)" Azərbaycan Respublikasının Yubiley medalə ilə təltif olunmuşdur.
  • 15.10.2018-ci il Azərbaycan Respublikası Prezidentinin adından Azərbaycan Respublikası Müdafiə Nazirinin əmri ilə "Azərbaycan Ordusunun 100 illiyi (1918-2018)" Yubiley medalı ilə təltif olunmuşdur.
  • 16.02.2019-cu ildə Azərbaycan Respublikası Prezidentinin sərəncamı ilə Azərbaycan Respublikasının ictimai-siyasi həyatında fəal iştirakına görə "Şöhrət" ordeni ilə təltif olunmuşdur.[1]
  • 16.02.2019-cu ildə Azərbaycan Respublikasının ictimai-siyasi həyatında fəal iştirakına görə Siyavuş Dünyamalı oğlu Novruzov "Şöhrət" ordeni ilə təltif olunmuşdur.

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Siyavuş Novruzov ilə əlaqəli mediafayllar var.