Siyavuş Novruzov

Vikipediya, azad ensiklopediya
Jump to navigation Jump to search
Siyavuş Novruzov
Siyavuş Novruzov, 2020.jpg
bayraqYeni Azərbaycan Partiyası Gənclər Birliyinin sədribayraq
1995 — 2005
Sələfi Vəzifə təsis edildi.
Xələfi Ramil Həsən
Şəxsi məlumatlar
Doğum tarixi 17 fevral 1969(1969-02-17) (53 yaş)
Doğum yeri
Partiya
Təhsili

Təltifləri 1-ci dərəcəli "Vətənə xidmətə görə" ordeni — 2017 "Şöhrət" ordeni — 2019 "Azərbaycan Xalq Cümhuriyyətinin 100 illiyi (1918-2018)" yubiley medalı "Azərbaycan Polisinin 100 illiyi (1918-2018)" yubiley medalı
Vikianbarın loqosu Vikianbarda əlaqəli mediafayllar

Siyavuş Dünyamalı oğlu Novruzov (17 fevral 1969, Cəhri, Naxçıvan rayonu) — Azərbaycan Respublikası Milli Məclisinin II çağırış, III çağırış, IV çağırış, V çağırış və VI çağırış deputatı, Milli Məclisin Komitə sədri, hüquq elmləri üzrə fəlsəfə doktoru.

Həyatı[redaktə | mənbəni redaktə et]

Siyavuş Dünyamalı oğlu Novruzov 17 fevral 1969-cu ildə Naxçıvan Muxtar Respublikası Babək rayonu Cəhri kəndində anadan olmuşdur.[1]

Siyavuş Novruzov sərbəst güləş üzrə idman ustasıdır. 10 yaşından profesional idmanla məşğuldur. Hərbiçilər arasında keçirilən yarışın qalibi olub.

1990–1995-ci illərdə Bakı Dövlət Universitetinin Hüquq fakultəsini,1999–2002-ci illərdə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi fakültəsini bitirmişdir. Hüquq üzrə fəlsəfə doktorudur.

1987–1990-cı illər SSRİ ordusunda xidmət etmişdir. 1990–1993-cü illərdə Qarabağ uğrunda gedən döyüşlərdə, həmçinin Sədərək döyüşlərində fəal iştirak etmişdir. Qarabağ müharibəsi veteranıdır.

Azərbaycan Respublikası Prezidentinin 18 noyabr 2017-ci il tarixli Sərəncamı ilə Azərbaycan Respublikasının ictimai-siyasi həyatında fəal iştirak etdiyinə görə 1-ci dərəcəli "Vətənə Xidmət Ordeni" ilə təltif olunub. 16 fevral 2019-cu ildə Azərbaycan Respublikasının ictimai-siyasi həyatında fəal iştirakına görə "Şöhrət" ordeni ilə təltif olunmuşdur.[2]

Şəxsi həyatı[redaktə | mənbəni redaktə et]

Ailəlidir. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın həyat yoldaşıdır. İki övladı vardır.

Siyasi-ictimai fəaliyyəti[redaktə | mənbəni redaktə et]

80-ci illərin sonlarından siyasətə qoşulan Siyavuş Novruzov "Əlincə" Xeyriyyə Cəmiyyətində fəaliyyətini davam etdirib.[3] 1990-cı ildən "Əlincə" Xeyriyyə Cəmiyyətinin şöbə rəisi, məsul katibi işləmişdir. 1994–1999-cu illərdə Yeni Azərbaycan Partiyası Mərkəzi Aparatının İşlər müdiri, Təşkilat şöbəsinin müdiri vəzifələrində çalışmış, 1995–2005-ci illər Yeni Azərbaycan Partiyası Gənclər Birliyinin sədri olmuşdur.

2000-ci ildə ikinci çağırış Milli Məclisə proporsional seçki sistemi ilə çoxmandatlı seçki dairələri üzrə YAP-ın vahid seçki siyahısında 3-cü yerdə deputat seçilmişdir. 2005, 2010, 2015, 2020-ci illərdə isə majoritar qaydada 5 saylı Şahbuz-Babək seçki dairəsindən millət vəkili seçilib. O, uzun müddət Milli Məclisin İntizam Komissiyasının sədri, İctimai Birliklər və Dini Qurumlar Komissiyasının sədri işləmiş, hal-hazırda isə Milli Məclisin Regional məsələlər üzrə iş komitəsinin sədridir.

İstinadlar[redaktə | mənbəni redaktə et]

  1. Siyavuş Novruzov: Mən Əfqanıstan və Qarabağ müharibəsi veteranıyam
  2. "Siyavuş Novruzov". 2021-02-07 tarixində orijinalından arxivləşdirilib. İstifadə tarixi: 2021-02-03.
  3. Siyavuş Novruzovun 46 yaşı tamam oldu