Skerişoara mağarası
| Skerişoara mağarası | |
|---|---|
 | |
| Ümumi məlumatlar | |
| Kəşf tarixi | 1847 |
| Yerləşməsi | |
| 46°29′23″ şm. e. 22°48′35″ ş. u. | |
| Ölkə | |
|
|
|
 Vikianbarda əlaqəli mediafayllar | |
Skerişoara mağarası (rum. Peștera Scărișoara, mac. Aranyosfői-jégbarlang) ― Rumıniyada, Karpat dağlarının bir hissəsi olan Apuseni dağlarındakı ən böyük buz mağaralarından biri.[1] Bura turistik məkan və Rumıniyanın təbii möcüzələrindən biri sayılır. Mağara həm də bir buzlaq mağarası olaraq təyin edilmişdir.[2]
Tarix[redaktə | mənbəni redaktə et]
Mağra haqqında ilk dəfə 1863-cü ildə, ərazidə bəzi müşahidələr aparmış və mağaranın ilk xəritəsini tərtib etmiş Avstriya coğrafiyaşünası Arnold Şmidl tərəfindən məlumat verilmişdir. Daha sonra 1921–1923-cü illər arasında Rumıniyalı alim və speleoloq Emil Rakoviçe ərazini tədqiq etmiş,[3] və haqqında 1927-ci ildə yazdığı Speologia (Speleology) əsərində məlumat vermişdir. Buz mağarası 3500 il əvvəl, ərazidəki dağların qar və buzla örtüldüyü buzlaşma zamanı meydana gəlmişdir.[1] Mağaranın insanlar tərəfindən ilk dəfə kəşf edildiyi dəqiq tarix məlum deyil.[3]
Təsvir[redaktə | mənbəni redaktə et]
Mağara dəniz səviyyəsindən təxminən 1,150 metr (3,770 ft) yüksəklikdə yerləşir.[1] 120 metr (390 ft) dərinliyində və 720 metr (2,360 ft) uzunluğundadır.[1] 60 metr (200 ft) diametrində olan girişdən başlayan dəmir pilləkənlər uzunluğu 108 metr (354 ft), genişliyi 78 metr (256 ft) olan böyük otağa, Böyük Zala aparır. Böyük Zalda təxminən 18 metr (59 ft) hündürlüyündə buz qayası vardır.[1]
Mağaradakı buzun təxmin edilən həcmi 75,000 m³-dir və bəzi yerlərdə qalınlığı 20 metr (66 ft)-ə çatır.[1] Mağaranın temperaruru +1 °C-ə, qışda isə −7 °C-yə qədərdir. Turistlər üçün hissədə orta istilik 0 °C civarındadır. Buz mağarasında yarasalar və həmçinin Pholeuon prozerpinae glaciale adı verilən kiçik böcəklər (2–3 mm uzunluğunda) yaşayır. Mağarada qarapaça skeleti tapılmışdır.
Giriş[redaktə | mənbəni redaktə et]
Mağaranın turistlər üçün açıq olan hissəsinə girişi, Böyük Zalı və kilsə daxildir. Digər otaqlar Kluj-Napoka Speoloji İnstitutunun razılığı ilə elmi araşdırmalar üçün qorunur.[1]
İstinadlar[redaktə | mənbəni redaktə et]
- ↑ 1 2 3 4 5 6 7 Scheffel, Richard L.; Wernet, Susan J., redaktorlar Natural Wonders of the World. United States of America: Reader's Digest Association, Inc. 1980. 339. ISBN 0-89577-087-3.
- ↑ "Scarisoara Ice Cave – the biggest underground glacier in Romania". Travel Guide Romania website. 24 dekabr 2014. 2020-11-28 tarixində arxivləşdirilib. İstifadə tarixi: 17 yanvar 2016.
- ↑ 1 2 Steve Kokker, Cathryn Kemp (2004). Romania & Moldova, Lonely Planet Publications, p. 232. ISBN 1-74104-149-X
Xarici keçidlər[redaktə | mənbəni redaktə et]
- Skerişoara mağarası — Romanian Monasteries.org (ing.)