Slavko Kaleziç

Vikipediya, azad ensiklopediya
Jump to navigation Jump to search
Slavko Kaleziç
mont. Slavko Kalezić
Slavko Kalezić.jpg
Slavko Kaleziç 2017-ci ildə
Sənətçi məlumatları
Doğum adı Slavko Kaleziç
Doğum tarixi 4 oktyabr 1985 (1985-10-04) (34 yaş)
Doğum yeri Podqoritsa, Monteneqro
Vətəndaşlığı Monteneqro Monteneqro
Peşələri müğənni, aktyor

Üslub
Musiqi aləti vokal
Fəaliyyət illəri 2011–h.h.
Commons-logo.svg Vikianbarda əlaqəli mediafayllar

Slavko Kaleziç (mont. Slavko Kalezić; d. 24 mart 1989, Podqoritsa, Monteneqro) — Monteneqro müğənnisi və aktyoru. O, "Space" mahnısı ilə Monteneqronu 2017 Avroviziya Mahnı Müsabiqəsində təmsil etmişdir.

Həyatı[redaktə | əsas redaktə]

Slavko Kaleziç 4 oktyabr 1985-ci ildə Monteneqronun paytaxtı Podqoritsa şəhərində anadan olmuşdur. O Monteneqronun Çetinye şəhərində yerləşən İncəsənət Akademiyasında təhsil almışdır. Daha sonra Slavko Monteneqro milli teatrında ansambla üzv seçilmişdir. Slavko müxtəlif teatr və filmlərdə bir çox obrazlar canlandırmışdır. O eyni zamanda Madrid, Tel-Əviv, Stokholm, London və s. şəhərlərdə keçirilən paradlarda çıxış etmişdir.

Musiqi karyerası[redaktə | əsas redaktə]

X Factor Adria[redaktə | əsas redaktə]

2013-cü ildə Slavko Kaleziç Serbiyanın X Factor Adria musiqi yarışmasında iştirak etmiş, lakin yarışmada erkən məğlub olmuşdur. Yarışmadakı iştirakından sonra Slavkonun San o vječnosti adlı debüt albomu işıq üzü görmüşdür. Albomda "Krivac", "Feel the Music", "Freedom" və s. mahnılar yer almışdır.

2017 Avroviziya Mahnı Müsabiqəsi[redaktə | əsas redaktə]

2016-cı ilin dekabr ayında Monteneqronun RTCG telekanalı Slavko Kaleziçin "Space" adlı mahnı ilə Monteneqronu Ukraynanın paytaxtı Kiyevdə keçirilən olan 2017 Avroviziya Mahnı Müsabiqəsində təmsil edəcəyini açıqlamışdır[1]. 9 may tarixində baş tutan müsabiqənin yarımfinal mərhələsində altıncı səhnəyə çıxan Slavko 16-cı yerdə qərarlaşaraq, finala adlaya bilməmişdir.

The X Factor UK[redaktə | əsas redaktə]

Avroviziya Mahnı Müsabiqəsində iştirakından sonra Slavko Kaleziç 2017-ci ilin iyul ayında Böyük Britaniyanın The X Factor musiqi yarışmasının 14-cü mövsümündə iştirak etmişdir. Yarışmanın ilk dörd mərhələsini uğurla adlayan Slavko Nikol Şerzingerin komandasında yer almışdır. Yarışmanın beşinci mərhələsində Slavko məğlub olaraq iştirakını dayandırmışdır.

Diskoqrafiya[redaktə | əsas redaktə]

Sinqllar[redaktə | əsas redaktə]

Mahnı adı İl Albom
"Muza" 2011 San o vječnosti
"Krivac" 2014
"Feel the Music" 2015 Albomdan kənar sinqllar
"Freedom" 2016
"Space" 2017

İstinadlar[redaktə | əsas redaktə]

  1. "Montenegro: Slavko Kalezic will sing "Space" at Eurovision 2017". Wiwibloggs. İstifadə tarixi: 29 dekabr 2016.
Əvvəlki:
Highway
"The Real Thing"
Monteneqro Avroviziya Mahnı Müsabiqəsində
EuroMontenegro.svg

2017
Sonrakı:
Vanya Radovanoviç
"Inje"

Xarici keçidlər[redaktə | əsas redaktə]