Sokrat Musayev

Vikipediya, azad ensiklopediya
Jump to navigation Jump to search
Sokrat Musayev
Sokrat Rüstəm oğlu Musayev
Doğum tarixi
Doğum yeri Ağdam, Zəngişalı kəndi
Vəfat tarixi (32 yaşında)
Vəfat yeri Bakı
Vətəndaşlığı Azərbaycan Azərbaycan SSR
Elm sahəsi filologiya
Elmi dərəcəsi filologiya elmləri namizədi
Elmi adı baş elmi işçi
İş yeri AMEA Nİzami adına Ədəbiyyat İnstitutu
Təhsili ali

Sokrat Musayev – filologiya elmləri namizədi

Həyatı[redaktə | mənbəni redaktə et]

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Sokrat Rüstəm oğlu Musayev 20 mart 1941 ildə Ağdamın Zəngişalı kəndində ziyalı ailəsində dünyaya gəlmişdir. Azərbaycan Dövlət Universitetinin (indiki Bakı Dövlət Universiteti) Filologiya fakültəsinində ali təhsil almış (1960-1965), fərqlənmə diplomu ilə bitirmişdir.

Sokrat Musayev Azərbaycan Elmlər Akademiyasının (indiki Azərbaycan Milli Elmlər Akademiyası) Nizami ad. Ədəbiyyat İnstitutunun aspiranturasına daxil olmuş (1966-69), "Klassik Azərbaycan dramaturgiyasında müsbət qəhrəman problemi" mövzusunda dissertasiya müdafiə edərək (1970), filologiya elmləri namizədi alimlik dərəcəsi almışdır.

Sokrat Musayev Azərbaycan Elmlər Akademiyasının (indiki Azərbaycan Milli Elmlər Akademiyası) Nizami ad. Ədəbiyyat İnstitutunda kiçik elmi işçi, sonra baş elmi işçi vəzifələrində çalışmışdır.

Sokrat Musayev 29 sentyabr 1973 ildə Xaldanda avtomobil qəzasında həlak olub. Məzarı doğulduğu kənddədir.

Elmi fəaliyyəti[redaktə | mənbəni redaktə et]

Sokrat Musayev elmi yaradıcılığa tələbəlik illərində başlamışdır. Onun ilk tədqiqatı əsasən fars dilində yazmış XVII əsr şairi Saib Təbrizinin azərbaycanca şerlərinə həsr olunub. Geniş əhatəli yaradıcılığı ilə seçilən Sokrat Musayev klassik dövr ədəbiyyatı, dramaturgiyası, ədəbi əlaqələrlə yanaşı çağdaş dövrün ədəbi proseslərinə, şəxsiyyətlərinə, həmçinin ədəbiyyatşünaslığın nəzəri məsələlərinə kitab və məqalələr həsr etmişdir.

Sokrat Musayev altı cildlik "Azərbaycan ədəbiyyatı tarixi"nin müəlliflərindən biri idi. Onun "Nodar Mixayloviç Dostayevski" (1971), "Aleksey Nikoloyeviç Ostrovski" (1973) adlı kitabları sağlığında nəşr olunmuşdur. "Klassik Azərbaycan dramaturgiyasında müsbət qəhrəman problemi" (1978) monoqrafiyası isə vəfatından bir neçə il sonra işıq üzü gördü.

Sokrat Musayev M.F.Axundovun, Ə.B.Haqverdiyevin, N.N.Nərimanovun ədəbi-tənqidi görüşlərinə, klassik komediyalarda konflikt və xarakter məsələsinə, ədəbiyyatımızın aktual problemlərinə həsr olunmuş 60-dan çox elmi məqalənin müəllifi idi.

Sokrat Musayev haqqında "Azərbaycan Sovet Ədəbiyyatşünaslığı" biblioqrafiyasında, «Azərbaycan yazıçıları», ensiklopedik məlumat kitabında yazılmışdır. Tələbə yoldaşı Elçin "Fikrin karvanı" kitabında, F.Aslanov "Qorxma, Vahid, səni ellər salacaqdır yada" xatirə yazısında Sokrat Musayevin adını anmışlar.

Mənbə[redaktə | mənbəni redaktə et]

  • Orxan Məmmədov (Baharlı). Ağdamın adlı-sanlı pedaqoqları, alimləri. Bakı, Sabah, 2001.