Sonra biz rəqs etdik (film, 2019)

Vikipediya, azad ensiklopediya
Jump to navigation Jump to search
Sonra biz rəqs etdik
gürc. და ჩვენ ვიცეკვეთ
Sonra biz rəqs etdik poster.jpg
Janr dram filmi, kinematoqrafda LGBT mövzusu[d]
Əsas mövzu Gürcüstan xalq rəqsləri[2], Emansipasiya[3], Hirs[d][2], Mühafizəkarlıq[4], Maskulanlıq[4], Gürcüstan mədəniyyəti[4]
Rejissor Levan Akin
Prodüser Lüdviq Andersson
Ssenari müəllifi Levan Akin
Baş rollarda Levan Gelbakiani
Baçi Valişvili
Ana Cavaxişvili
Operator Lisabi Fridell
Bəstəkar Zviad Mqebri
İstehsalçı French Quarter Film
İlk baxış tarixi 16 may, 2019
(Kann kinofestivalı)
13 sentyabr 2019
(İsveç)
9 noyabr 2019
(Gürcüstan)[1]
Rəng 105 dəq.
Müddət 105 dəq.
Ölkələr İsveç İsveç
Gürcüstan Gürcüstan
Dil gürcü dili
İl 2019
IMDb ID 8963708
Xarici video
Filmin rəsmi treyleri Logo of YouTube (2015-2017).svg

"Sonra biz rəqs etdik" (gürc. და ჩვენ ვიცეკვეთ) — 2019-cu ildə Levan Akinin rejissorluğu ilə çəkilmiş İsveç-Gürcüstan ortaq istehsalı olan dram filmidir. Filmdə əsas rolları Levan Gelbakiani, Baçi Valişvili və Ana Cavaxişvili canlandırmışlar.

Film, Gürcüstan Milli Rəqslər Ansamblının solistləri olan Merab və İrakli arasındakı rəqib münasibətlərinin romantik sevgi hisslərinə çevrilməsindən bəhs edir.

Filmin premyerası 2019-cu ildə Kann kinofestivalı çərçivəsində keçirilən Rejissor ikihəftəliyində baş tutmuşdur.[5][6] İsveçdə filmin premyerası 13 sentyabr 2019-cu ildə, Gürcüstanda isə həmin ilin 9 noyabrında həyata keçirilmişdir. Gürcüstanda filmin premyerası homofobik qüvvələrin nümayişləri və asayişi pozmaq cəhdləri ilə müşayət olunmuşdur.

Film 92-ci Oskar mükafatlarında "Ən yaxşı xarici film" nominasiyasında İsveçi təmsil etmək üçün seçilmişdir.[7][8]

Xülasə[redaktə | mənbəni redaktə et]

Merab (Levan Gelbakiani) partnyoru Mari (Ana Cavaxişvili) ilə birlikdə Gürcüstan Milli Rəqslər Ansamblında çalışır. İraklinin (Baçi Valişvili) ansambl heyətinə qoşulmasından sonra onlar arasında güclü rəqabət yaranır və sonradan bu rəqabət romantik sevgi hisslərinə çevrilir.

Rollarda[redaktə | mənbəni redaktə et]

  • Levan Gelbakiani — Merab
  • Baçi Valişvili — İrakli
  • Ana Cavaxişvili — Mari
  • Giorgi Sereteli -David
  • Tamar Buknikaşvili — Teona
  • Anano Maxaradze
  • Ninutsa Gabisonia

Qəbulu[redaktə | mənbəni redaktə et]

Tənqidçilərin mövqeyi[redaktə | mənbəni redaktə et]

Rəy aqqreqatoru olan Rotten Tomatoes saytında 14 tənqidçinin rəyi əsasında film, 93% təravətli balla qiymətləndirilmişdir.[9] 2019-cu ilin iyulunda Odessa Beynəlxalq Film Festivalında "Sonra biz rəqs etdik" filmi Qran-Pri mükafatını qazanmış, izləyicilərin seçimi əsasında isə Ən yaxşı film və Ən yaxşı aktyor nominasiyalarında qalib seçilmişdir.[10] 2019-cu ilin avqustunda Levan Gelbakiani filmdə canlandırdığı rola görə Sarayevo Film Festivalında Ən yaxşı aktyor nominasiyasında "Sarayevonun ürəyi" mükafatına layiq görülmüşdür.[11] 2019-cu ilin oktyabrında film, Ən yaxşı bədii film nominasiyasında Ayris mükafatına layiq görülmüşdür.[12]

Etirazlar[redaktə | mənbəni redaktə et]

Filmin Gürcüstan premyerasının elan edilməsindən sonra ultra-konservativrusiyapərəst qruplar TbilisiBatumidə yayıma mane olacaqları ilə bağlı məlumat yaymışdılar.[13] Bundan sonra Gürcüstan Daxili İşlər Nazirliyi vətəndaşların özünü ifadə azadlığının qorunacağı ilə bağlı bəyanat yaymışdı. Uşaqların Müdafiəsi İctimai Hərəkatının rəhbəri Levan Palavandişvili, rusiyapərəst iş adamı Levan Vasadze, Rusiya Yevgeni Primakov Fondunun rəhbəri Dimitri Lortkipanidze və ultra-millətçi Gürcü Marşı hərəkatının rəhbəri Sandro Breqadze "gürcü və xristian dəyərlərinə zidd" olan filmin yayımının qarşısını almaq üçün kinoteatrlara üz tutacaqlarını bildirmişdilər.[14]

Hədələrə cavab verən rejissor Levan Akin qeyd edir ki, "Film izləmək üçün bilet almış insanların təhlükəsizlikləri ilə risk etmələri və hətta hücuma məruz qalma ehtimalını gözə almış olmaları absurddur. Mən bu filmi sevgi və qayğı ilə çəkmişəm. Gürcü Pravoslav Kilsəsi premyeranı dəstəkləməsə də istənilən zorakılığa qarşı olduğunu bildirmişdir."[14]

8 noyabr 2019-cu ildə Gürcüstan Daxili İşlər Nazirliyi premyeranın keçiriləcəyi "Amirani" kinoteatrını polis nəzarətinə vermiş və Tbilisi filarmoniyası ətrafına xüsusi təyinatlı hərbi qüvvələr toplamışdır. Polis qüvvələri "Amirani" kinoteatrının girişini nəzarətə götürmüşlər.[15] Həmin gün bir qədər sonra Gürcü Marşı hərəkatının bir neçə yüz üzvü güc vasitəsiylə kinoteatra daxil olmağa çalışda da, polis iğtişaşçıların qarşısını almışdır. İğtişaşçılar kimliklərini gizlətmək üçün üzlərinə maskalar geyinmiş və polisə qarşı pirotexnikadan istifadə etmişlər.[16]

Polis, Gürcüstan İnzibati Cinayətlər Kodeksinin 173 və 166-cı maddələrini pozduqlarına görə iki nəfəri həbs etmişdir.[17] Nümayişçilər filmi izləmək üçün kinoteatra gəlmiş Gürcüstan Respublikaçılar Partiyasının liderlərindən biri olan David Berdzenişviliyə hücum etmişlər.[18] İğtişaşçıların hücumu nəticəsində kinoteatrdan çıxan liberal-aktivist Ana Subeliani başından zədə almış və xəstəxanaya yerləşdirilmişdir.[19]

İstinadlar[redaktə | mənbəni redaktə et]

  1. Ахметели, Нина. ""А потом мы танцевали". Фильм о геях вызвал протесты в Грузии". bbc.com. BBC Russia. 9 ноября 2019. İstifadə tarixi: 10 noyabr 2019.
  2. 1 2 და ჩვენ ვიცეკვეთ (gürc.). 2019.
  3. https://web.archive.org/web/20200621034159/https://www.musicboxfilms.com/film/and-then-we-danced/.
  4. 1 2 3 Bradshaw P. And Then We Danced review – freewheeling story of secret love (ing.). // The Guardian.com 2020. ISSN 1756-3224; 1354-4322
  5. Keslassy, Elsa. "Cannes: Deerskin With Jean Dujardin to Open Directors' Fortnight". Variety (ingilis). 4 April 2019. İstifadə tarixi: 10 noyabr 2019.
  6. Goodfellow, Melanie. "Cannes Directors' Fortnight unveils genre-heavy 2019 selection". ScreenDaily. İstifadə tarixi: 10 noyabr 2019.
  7. Lindblad, Helena. "Oscarsbidraget And then we danced ligger helt rätt i tiden". Dagens Nyheter. 28 August 2019. İstifadə tarixi: 10 noyabr 2019.
  8. Dalton, Ben. "Sweden submits Cannes title 'And Then We Danced' for international feature Oscar". ScreenDaily. 28 August 2019. İstifadə tarixi: 10 noyabr 2019.
  9. "And Then We Danced". Rotten Tomatoes. Fandango Media. İstifadə tarixi: 10 noyabr 2019.
  10. Petrasiuk, Oleg; Istomina, Toma. "10th Odesa International Film Festival celebrates cinematography, announces winners". Kyiv Post. Kyiv Post. İstifadə tarixi: 10 noyabr 2019.
  11. "25th Sarajevo Film Festival Awards". Sarajevo Film Festival. İstifadə tarixi: 10 noyabr 2019.
  12. Twitter https://twitter.com/irisprize/status/1183359979555885058 (#bare_url_missing_title). İstifadə tarixi: 10 noyabr 2019.
  13. Protesters clash with police officers at "Apollo" cinema in Batumi
  14. 1 2 Georgian police vow to ensure peace amid threats voiced before premiere of film on gay love
  15. Police mobilized at Amirani Cinema
  16. Georgian March members trying to forcibly enter Amirani Cinema
  17. Police detain two protesters outside Amirani Cinema
  18. Republican Party leader physically assaulted at Amirani Cinema
  19. Civil activist injured outside Amirani Cinema

Xarici keçidlər[redaktə | mənbəni redaktə et]