Soyuq əllər, isti ürəklər (film)

Soyuq əllər, isti ürəklər
ing. Warm Bodies
Əsas mövzu	aviasiya
Baş rollarda	Rob Kordri[d] Con Malkoviç[d] Nikolas Holt[d]
İstehsalçılar	Summit Entertainment
Distribütor	Summit Entertainment, Netflix
İlk baxış tarixi	16 yanvar 2013, 1 fevral 2013, 7 fevral 2013, 21 fevral 2013, 11 aprel 2013
Müddət	97 dəq
Büdcə	35.000.000 $
Gəlir	116.959.959 $
Ölkə	ABŞ
Dil	ingilis dili
Rəng	rəngli[d]
Çəkiliş yeri	Monreal
IMDb	ID1588173

Soyuq əllər, isti ürəklər (ing. Warm Bodies) — 2013-cü ildə ekranlara çıxmış və ABŞ istehsalı olan zombi tematikalı bir komediya filmi. Əsərin həm ssenarisi, həm də rejissorluğu Conatan Levinə məxsusdur. Filmin süjeti Ayzek Merionun 2010-cu ildə yazdığı eyniadlı kitabdan götürülüb. Aktyor heyətində Nikolas Holt, Tereza Palmer, Rob Kordri, Deyv Franko, Lio Tipton, Kori Hardrikt və Con Malkoviç kimi məşhur simalar iştirak edib.

"Soyuq əllər, isti ürəklər" öz premyerasını 2013-cü il yanvar ayının 16-da İtaliyanın Roma şəhərindəki Adriano kinoteatrında keçirib. Bir qədər sonra, fevralın 1-i tarixindən başlayaraq film "Summit Entertainment" tərəfindən ABŞ-nin bütün kinoteatr şəbəkəsinə yayılıb. Əsər həm tənqidçilər, həm də tamaşaçılar tərəfindən yaxşı qarşılanıb, nəticədə ümumi gəliri 117 milyon dolları ötüb.

Təsvir

Amerikanın apokalipsisdən sonrakı dövründə insanların bir qismi hündür divarların içərisində salamat qalmağı bacarıb və bu divarlar onları ətrafdakı ölü diyarından ayırır. Şəhərə rəhbərlik edən Qriqio isə camaatın qarnını doydurmaq üçün gənclərdən ibarət kiçik bir dəstəni ərzaq axtarışına çıxarır. Bu dəstənin tərkibində onun sevimli qızı Culiya, qızın sevgilisi Perri, həmçinin yaxın rəfiqəsi Nora da yer alır. Fəqət yolda onları gözlənilməz şəkildə bir zombi dəstəsi mühasirəyə alır. Həmin canlı ölülərin arasında olan R adlı gənc zombi isə özünə xas bir cəhətə malikdir, o, keçmişini xatırlamasa da, daim öz daxilinə nüfuz edərək düşünməyə meyillidir. R, Perrinin beynini yeyən zaman onun yaddaşındakı anları və hiss etdiklərini özündə təcrübə edir, bununla da Culiyaya qarşı qəribə bir istək yaranır ürəyində. R qızı təhlükədən qoruyub, yaşayış yeri olan tərk edilmiş təyyarəyə aparır və orada gizlədir. Zaman ötdükcə onların arasındakı münasibət qeyri adi bir dostluğa çevrilir. Sonradan R-nın tanışı olan M başqa zombilərlə birgə Culiyanın yerini üzə çıxarsa da, R qızı qorumaqdan geri çəkilmir. Bu əhvalatlardan sonra R kimi bəzi zombilərin daxilində unudulmuş duyğular yenidən oyanır, hətta onlar yuxu belə görməyə başlayırlar. Ancaq amansız təbiətli "Sümük adamlar" artıq Culiya ilə R-nın arxasınca düşüb onları axtarır...

Xarici keçidlər

• Soyuq əllər, isti ürəklər — IMDb səhifəsi