Stafford Tomas

Stafford Tomas
ing. Tom Stafford
Ölkə	ABŞ
Doğum tarixi	17 sentyabr 1930(1930-09-17) (92 yaş)
Doğum yeri	Vezerford[d], Oklahoma, ABŞ
Mükafatları
Vikianbarda əlaqəli mediafayllar

Tomas Staffor, 1972-ci il

Tomas Patten Stafford (ing. Thomas Patten Stafford; d. 17 sentyabr 1930, Uezyerford, Oklahama ştatı) — ABŞ astronavtı, HHQ briqada generalı.

Fəaliyyəti

1952`də ABŞ Hərbi Dəniz Akademiyasını bitirmişdir. 1962də ABŞ Aeronavtika və Kosmik Tədqiqatlar üzrə Milli İdarəsinin (NASA) astronavtlar qrupuna daxil edilmişdir. 1965 dekabrın 15-16-da "Cemini-6" kosmik gəmisinin 2. pilotu kimi kosmosa uçmuş (U. Şirra ilə birlikdə), 25 saat 51 dəqiqə ərzində Yer ətrafında 17 dövr etmişdilər. 1966`nın iyulun 3-6-da "Cemini-9" kosmik gəmisinin komandiri kimi kosmosa uçmuş (Y. Sernanla birlikdə), 72 saat 21 dəqiqə ərzində Yer ətrafında 45 dövrə vurmuşdur (1.8 milyon kilometrdən çox). 1969 mayın 18-26-da "Apollon-10" kosmik gəmisində Ayın süni peyki orbitinə çıxmış (C. Yanq və Y. Sernanla birlikdə), kosmik gəmidən ayrılan Ay kabinəsində Ayın səthinə 15 km yaxınlaşmışdır (Y. Sernanla). 8 saatdan sonra Ay kabinəsi təkrar kosmik gəmi ilə birləşmişdir. Uçuş 192 saat 3 dəqiqə davam etmişdir. 1975 iyulun 15-20`də EPAS proqramı üzrə "Apollon" kosmik gəmisinin komandiri kimi kosmosa uçmuşdur (D. Sleyton və V. Brandla birlikdə). 217 saat 28 dəqiqə davam edən uçuş zamanı "Apollon" 2 dəfə "Soyuz-19" sovet kosmik gəmisi ilə birləşmişdir.

Mənbə

1. Azərbaycan Sovet Ensiklopediyası 9. cild, səh. 30