Stalik Xankişiyev

Stalik Xankişiyev
Digər adı	Stanislav Hüseyn oğlu Xankişiyev
Doğum tarixi	2 fevral 1962(1962-02-02) (64 yaş)
Doğum yeri	Fərqanə, Özbəkistan Sovet Sosialist Respublikası, SSRİ
Vətəndaşlığı	SSRİ → Rusiya
Təhsili	Milli Elm və Texnologiya Universiteti[d]
Fəaliyyəti	kulinariya kitablarının müəllifi, teleaparıcı
Tanınır	yazıçı, teleaparıcı, videobloger, musiqiçi, gitaraçı, skripkaçı
Mükafatları	Kitab mükafatları Gourmand World Cookbook Awards
stalic.ru
Vikianbarda əlaqəli mediafayllar

Stalik (Stanislav) Hüseyn oğlu Xankişiyev (rus. Ста́лик (Станислав) Гусе́йнович Ханкиши́ев; d. 2 fevral 1962, Fərqanə, Özbəkistan SSR, SSRİ) — kulinar, yazıçı və fotoqraf. Əsasən şərq mətbəxinə həsr olunan kulinariya kitablarının müəllifidir.

Atası azərbaycanlı, anası isə almandır. Atası Fərqanə Politexnik İnstitutunda müəllim idi. Stalik kitab yazmağa başlayana qədər Özbəkistanda sahibkarlıqla məşğul olub.

Stalik Xankişiyev Rusiya televiziyalarında müxtəlif verilişlər hazırlayıb. O, bloq yazıları da yazır.

Kitabları və bəzi mükafatları

Stalik Xankişiyev peşəkar aşpaz olmasa da kitabları Rusiyada çox məşhurdur. O, bir sıra telekanallarla əməkdaşlıq çərçivəsində, müəllifi olduğu kitablarda, televiziya verilişlərində Azərbaycan milli mətbəxinə geniş yer ayırır. Xankişiyev bu haqda danışarkən bunları deyib:

Bir azərbaycanlı olaraq milli mətbəximizin beynəlxalq aləmdə qəbul olunması, başqaları tərəfindən mənimsənilməməsi üçün əlimdən gələni edəcəyəm. - Stalik Xankişiyev, 2016

"Böyük İpək Yolu" mükafatını qazanan Stalik Xankişiyevin müəllifi olduğu "Bazar, qazan və dəstərxan" kitabı "İyirmi ildə milli mətbəx haqqında ən yaxşı kitab" nominasiyası üzrə qalib olub. Onun "Qazan, kulinariya dərsliyi" kitabı 2015-ci ildə "Qurman" kulinariya kitabları beynəlxalq müsabiqəsində birinci yeri tutub. "Plov, kulinar tədqiq" kitabı isə 2016-cı ildə həmin müsabiqənin "Milli mətbəx haqqında ən yaxşı" nominasiyasında qalib gəlib.

Kitab mükafatları

Mükafat	İl	Kitab	Nominasiya
Gourmand World Cookbook Awards	2012	Bazar, qazan və dəstərxan	Milli mətbəx
	2013	Manqal	Populyar teleaparıcı
	2015	Plov: kulinar araşdırmaları	İpək yolu

Kitablarının siyahısı

Mənbə:

• Qazan, manqal və kişilərə ləzzət verən başqa ləvazimatlar. — Moskva.: KoLibri, 2006 (təkrar nəşr: KoLibri, 2009, ISBN 978-5-98720-026-1; Astrel, 2010, ISBN 978-5-271-24819-1, ISBN 978-5-271-25399-7).
• Qazan, qoyun və dəstərxan. — Moskva.: Korpus, Astrel, 2010. — ISBN 978-5-271-27222-6.
• Bazar, qazan və dəstərxan. — Moskva.: Astrel, 2012. — ISBN 978-5-271-39108-8.
• Manqal. — Moskva,: Astrel, 2013. — ISBN 978-5-17-077687-0.
• Qazan, kulinariya dərsliyi. — Moskva.: AST, 2014. — ISBN 978-5-17-080127-5.
• Plov, kulinar tədqiq. — Moskva.: AST, 2015. — ISBN 978-5-17-080126-8.
• Kabab. Sukeçirməyən kitab. — Moskva,: AST, 2017. — ISBN 978-5-17-103313-2.

Ailəsi

• Atası — azərbaycanlıdır və Fərqanə Politexnik İnstitutunda riyaziyyat müəllimi olub.
• Anası — əslən Krasnodar bölgəsindən olan alman idi və məktəbdə işləyirdi. Lakin onun atası (Stalikin babası) Böyük Vətən müharibəsində Qırmızı Ordu sıralarında döyüşərək həlak olub.
• Ailəlidir, dörd övladı var.

Ədəbiyyat

• Казанкина О. Сталик с нами! // Труд (общественно-политическая газета). № 027. — 2014. — 26 fevral. 2015-12-08 tarixində arxivləşdirilib.
• Идлис Ю.Б. stalic // Рунет: Сотворённые кумиры. М.: Альпина нон-фикшн. 2010. 433–501.

Xarici keçidlər

• Rəsmi saytı
• Stalik Xankişiyev kanalı — YouTube
• Stalik Xankişiyev — LiveJournal səhifəsi