Stefan Yanev

Stefan Dinçev Yanev
bolq. Стефан Динчев Янев
Bolqarıstan Respublikasının Müdafiə Naziri
13 dekabr 2021 – h.h
Əvvəlki	Georgi Panayotov
27 yanvar 2017 – 4 may 2017
Əvvəlki	Nikolay Nençev
Sonrakı	Krasimir Karakaçanov
Bolqarıstan Respublikasının Baş naziri
12 may 2021 – 13 dekabr 2021
Əvvəlki	Boyko Borisov
Şəxsi məlumatlar
Doğum tarixi	1 mart 1960
Doğum yeri	Popovitsa, Plovdiv, Bolqarıstan
Partiya	partiyasız (2021–2022)
Hərbi xidmət
Rütbəsi	briqada generalı
Vikianbarda əlaqəli mediafayllar

Stefan Dinçev Yanev (bolq. Стефан Динчев Янев; 1 mart 1960, Popovitsa^[d], Bolqarıstan Xalq Respublikası^[d]) — Bolqarıstan Ordusu zabiti, briqada generalı.

Həyatı

1 mart 1960-cı ildə Plovdiv şəhərinin Popovitsa kəndində anadan olmuşdur. 1979-cu ildə Plovdiv Elektrik Mühəndisliyi Texniki Liseyini bitirib. Ardınca, Yanev Şümendəki topçu hərbi məktəbini bitirdi və 1983-cü ildə Asenovqradda topçu taqım komandiri təyin edildikdə orduda fəaliyyətinə başladı.

Fəaliyyəti

Asenovqraddakı Dördüncü Ordu Topçu Alayında raket artilleriya diviziyasının komandiri olub. 1996–1998-ci illərdə Müdafiə Nazirliyinin Beynəlxalq Əməkdaşlıq İdarəsində baş mütəxəssisi kimi çalışıb. Belçikada Koordinasiya Qrupunun Planlaşdırması və Proqramlaşdırması şöbəsində çalışmışdır. 2000–2001-ci illərdə Bolqarıstan Ordusu Baş Qərargahının Strateji Planlaşdırma İdarəsində baş rəis köməkçisi olmuşdur. 2001–2002-ci illərdə Müdafiə Nazirliyində Avro-Atlantik İnteqrasiya Direktoratiyasında dövlət mütəxəssisi olub. 2004-cü ilə qədər Müdafiə Nazirliyində Avro-Atlantik İnteqrasiya Direktoratiyasında şöbə müdiri vəzifəsində çalışıb.

ABŞ-də Vaşinqton Milli Hərbi Kolleci bitirib. 2005–2007-ci illərdə NATO-un Ankaradakı Terrorla Mübarizə Mərkəzində Transformasiya şöbəsinin müdiri vəzifəsində çalışıb. 2007 və 2010-cu illərdə Müdafiə Nazirliyində Müdafiə Siyasəti Direktoratiyasında direktor kimi çalışıb. 1 iyul 2009-cu ildə Təhlükəsizlik və Müdafiə Siyasəti Direktoratiyasına direktor təyin edildi və ona briqada generalı rütbəsi verildi. 3 may 2010-cu il tarixdən 25 may 2010-cu il tarixinə kimi Müdafiə Siyasəti Direktoratiyasına direktor təyin edildi. 24 fevral 2011-ci il tarixində Müdafiə Siyasəti Direktoratiyasının direktoru vəzifəsindən azad edildi. 2011–2014-cü illərdə ABŞ-də hərbi attaşe olub.

2 may 2014-cü ildən etibarən Vasil Levski Milli Hərbi Universitetinin rektorudur. 9 iyun 2014-cü il tarixli 144 saylı fərmanla Yanev 9 iyun 2014-cü il tarixindən etibarən Vasil Levski Milli Hərbi Universitetinin rektoru vəzifəsindən və hərbi xidmətindən azad edildi. 27 yanvar 2017-ci ildən 4 may 2017-ci ilə qədər Baş nazirin müavini və ardınca Baş nazir təyin olundu.