Stefano Pioli

Stefano Pioli
it. Stefano Pioli
Ümumi məlumatlar
Doğum tarixi	20 oktyabr 1965(1965-10-20) (57 yaş)
Doğum yeri	Parma, İtaliya
Vətəndaşlığı	İtaliya
Boyu	183 sm
Çəkisi	72 kq
Mövqeyi	müdafiəçi
Vikianbarda əlaqəli mediafayllar

Stefano Pioli (İtalyanca səslənmə: [ˈsteːfano ˈpjɔːli] ; 20 oktyabr 1965, Parma, İtaliya) — İtalyalı futbol məşqçisi və müdafiəçi kimi çıxış etmiş keçmiş futbolçu. Hal hazırda Milan klubunun baş məşqçisidir.

Oyunçu karyerası

Əslən Parmadan olan Pioli, öz futbolçu karyerasına doğma şəhərinin komandası olan Parma klubunda başlayıb. Parmanın heyətində 2 il çıxış etdikdən sonra, 1984-cü ildə Yuventus klubuna keçir. Yuventusun formasını 3 il geyinən Pioli klubla A Seriyası çempionluğunu, UEFA Çempionlar Kubokunu, Avropa Super Kubokunu və Qitələrarası Kubokunu qazanır. 1987-ci ildə Hellas Veronaya transfer olunur. Daha sonra Pioli 1989-cu ildə Fiorentinaya keçir. Florensiya klubunda 6 il oynayır.

Daha sonra Padova, Pistoiese və Fiorenzuola kimi klublarda karyerasını karyerasını davam etdirən Pioli, 1999-cu ildə "Colorno" komandasında futbolçu karyerasını bitirir.

Məşqçilik karyerası

1999–2002-ci illərdə Pioli Bolonyanın, 2002–03-cü illərdə isə Kyevonun aşağı yaş komandalarını çalışdırıb. 2003–04-cü illərdə o, B Seriyasında yarışan Salernitana klubunun baş məşqçisi təyin edilir. Burada bir mövsum çalışdıqdan sonra, 2004-cü ildə B Seriyasında yarışan digər kluba, Modenaya baş məşqçi təyin edilir. 

2006-cı ildə Pioli doğma şəhərindən dəvət alır və Parmanın baş məşqçisi təyin edilir. Bu həmdə Piolinin İtaliya A Seriyasında məşqçi kimi debütu olur. Lakin o, 2007-ci il fevralın 12-də Roma klubuna 3–0 hesablı məğlubiyyətdən sonra istefaya göndərilir. Piolini Kladuo Ranyeri əvəzləyir.

Parmadan sonra Piolinin növbəti klubu Seriya B-də yarışan Qrosseto klubu olur. O, 11 sentyabr 2007-ci ildə ilk üç liqa matçında ardıcıl üç məğlubiyyətdən sonra istefaya göndərilən Corcio Rosellini əvəz edir.

Daha sonra o, 2008–09 mövsümundə Pyaçentsanın baş məşqçisi olur.

2009-cu ilin iyul ayında o, Sassuoloya qoşulmaq üçün Pyaçentsadan ayrılır.

Kyevo

10 iyun 2010-cu ildə Pioli 12 aylıq müqavilə əsasında Serie A klubu Kyevonun baş məşqçisi təyin edilir.

Palermo

2 iyun 2011-ci ildə Pioli Palermo klubunun baş məşqçisi təyin edilir, lakin o, cəmi 90 gün sonra vəzifəsindən azad edilir.

Bolonya

4 oktyabr 2011-ci ildə Pioli istefaya göndərilən Pierpaolo Bisolinin yerinə Bolonyanın yeni baş məşqçisi təyin edilir.

Bolonya ilə iki çətin mövsüm keçirərək klubun B Seriyasına düşməsinə imkan vermir. Ancaq, 8 yanvar 2014-cü ildə Bolonya rəhbərliyi onu istefaya göndərərək yerinə Davide Ballardinini təyin edir.

Latsio

12 iyun 2014-cü ildə Pioli Edoardo Rejanın yerinə Latsionun yeni baş məşqçisi təyin edilir.

Klubdakı ilk mövsümündə Latsiyo A Seriyasını 3-cü yeri tutur.

11 iyun 2015-ci ildə Latsio onunla 2 illik yeni müqavilə imzalayır.

3 aprel 2016-cı ildə Pioli Romaya evdə 4–1 hesablı məğlubiyyətdən sonra istefaya göndərilir.

İnter

8 noyabr 2016-cı ildə Pioli İnter ilə 18 aylıq müqavilə imzalayır. Lakin mövsüm bitməmiş, 9 may 2017-ci ildə İnterdən istefaya göndərilir. İnter, Piolinin rəhbərlik etdiyi ilk 16 A Seriya matçının 12-də qələbə qazanır (Milan ilə heç-heçə, Napoli, Yuventus və Roma ilə məğlubiyyət).

Fiorentina

6 iyun 2017-ci ildə Pioli Fiorentinanın baş məşqçisi təyin edilir.

4 mart 2018-ci ildə klubun mərkəz müdafiəçisi və kapitanı Davide Astori gözlənilmədən vəfat edəndə, oyunçunun xatirəsini yad etmək üçün Pioli xatirə döyməsi etdirir.

9 aprel 2019-cu ildə Pioli Fiorentina klubundan istefa verir.

Milan

9 oktyabr 2019-cu ildə Pioli mövsümün sonuna qədər nəzərdə tutulan müqavilə ilə AC Milan klubunun baş məşqçisi təyin edilir .

21 iyul 2020-ci ildə Pioli Milan klubu müqaviləsini iki il uzadır.

23 may 2021-ci ildə onun məşqçiliyi altında, yeddi mövsümdən sonra ilk dəfə Milan klubu Çempionlar Liqasında iştirak hüququ əldə edir.

16 noyabr 2021 tarixində Milanın Pioli ilə müqaviləsini artıraraq 2+1 illik sözləşmə imzalayacağı və Piolinin maaşı illik 3,5 milyon avro və əlavə olaraq bonuslar olacağı ilə bağlı xəbərlər peyda olur.