Stenobiontlar

Vikipediya, açıq ensiklopediya
Jump to navigation Jump to search

Stenobiontlar — ekoloji amilin çox kiçik dəyişmələrinə uyğunlaşan növlər.

Ekoloji amillər kompleksinə münasibətdə geniş ekoloji plastikliyə malik növlər evribiontlar, kiçik fərdi uyğunlaşmaya malik növlər isə stenobiontlar adlandırılır. Evribiontluq və stenobiontluq orqanizmlərin yaşamağa uyğunlaşmalarının müxtəlif tiplərini səciyyələndirir. Əgər, evribiontlar uzun müddət əlverişli şəraitdə inkişaf edərsə, bu zaman onlar öz plastikliklərini itirə və stenobiont əlamətləri əldə edə bilərlər. Ekoloji amillərin geniş diapazonda dəyişdiyi mühitdə mövcud olan növlər yüksək ekoloji valentlik qazanaraq evribiont olurlar. Məsələn, xassələri nisbətən sabit olan su mühitində stenobiontlar daha çox olurlar. Çünki, su mühitində ayrı-ayrı amillərin dəyişmə amplitudası nisbətən kiçik olur. Yerüstü hava mühitində isə evribiontlar üstünlük təşkil edirlər. İstiqanlı heyvanların ekoloji valentliyi soyuqqanlı heyvanların valentliyindən daha genişdir. Cavan və qoca orqanizmlər daha bircins mühit tələb edirlər.