Sumqayıt İnformasiya Texnologiyaları Akademiyası

Vikipediya, azad ensiklopediya
Jump to navigation Jump to search

İnformasiya və kommunikasiya texnologiyalarının geniş tətbiqi və İKT infrastrukturunun təkmilləşdirilməsi istiqamətində atılan addımların davamı olaraq 2009-cu ildə Sumqayıtda fəaliyyətə başlamışdır. Bu barədə “Sumqayıt 60 il – sosial-iqtisadi inkişaf, tərəqqi və nailiyyətlər” adlı elmi-praktik konfransda Sumqayıt şəhər İcra hakimiyyətinin başçısı Vaqif Əliyev məlumat vermişdir. Ötən illər ərzində Sumqayıt şəhərində İKT üzrə həyata keçirilən layihələr məktəbli, yeniyetmə və gənclər arasında bu sahəyə kütləvi marağın artmasına səbəb olmuşdur. 2008-ci ildə şəhər məktəbliləri arasında təşkil olunmuş “Gənc kompüter istedadları”, cari ildə onun davamı kimi təşkil olunan “Gənc informatiklər” müsabiqələri İKT sahəsində istedadlı uşaqların müəyyən edilməsində və həvəsləndirilməsində mühüm rol oynamışdır. Sumqayıt ŞİH -in yaydığı məlumata görə, bütün bunları nəzərə alaraq, həmçinin istedadlı gənclərin informasiya texnologiyaları üzrə davamlı təlim-tədris prosesinə cəlb olunmasının vacibliyini əsas götürərək Sumqayıt şəhər İcra hakimiyyəti və Sumqayıt şəhər Təhsil şöbəsi müasir avadanlıqlar, sertifikatlaşdırılmış tədris vəsaitləri, lisenziyalı proqram təminatları, qabaqcıl təlim-tədris texnologiyaları ilə təchiz olunmuş Sumqayıt İnformasiya Texnologiyaları Akademiyasını yaratmaq təşəbbüsü ilə çıxış edib.

Sumqayıt İT Akademiyanın əsas məqsədləri İnformatika və kompüter elminin inkişafına, təhsil sahəsində İKT-nin tətbiqinə, İKT sahəsində maarifləndirmə işinə habelə İKT sahəsində dövlət proqramlarına dəstək göstərməkdir.

Hazırda kitabxana və elektron resurs mərkəzindən, təlim otaqlarından, konfrans zalından ibarət olan İT Akademiya yaxın gələcəkdə Təhsil Nazirliyi, Rabitə və İnformasiya Texnologiyaları Nazirliyi və Qafqaz Universiteti ilə birlikdə müxtəlif layihələrin icrasına başlayacaq.