Sumqayıt şəhəri 14 nömrəli tam orta məktəb

Vikipediya, açıq ensiklopediya
Jump to navigation Jump to search
Picto infobox université.png
Sumqayıt şəhəri 14 nömrəli tam orta məktəb
Əsası qoyulub 1965
Direktor Xanım Həsənova
Şagird sayı 1465 (2012)
Şəhər Sumqayıt
Ölkə Azərbaycan Azərbaycan
Ünvan Sumqayıt şəhəri, 4-cü mikrorayon, AZ 5005

Sumqayıt şəhəri 14 nömrəli tam orta məktəbAzərbaycan Respublikasının Sumqayıt şəhərində ümumi təhsil müəssisəsi.

Tarixi[redaktə | əsas redaktə]

Məktəb 1965-ci ildən fəaliyyət göstərir. Həmin ildən 8 illik təhsil ocağı olmuş, 1983-cü ilədək digər tədris ocaqlarından heç nə ilə fərqlənməmiş, adi məktəb kimi tanınmışdır. 1982-ci ildə Azərbaycan SSR Maarif Nazirliyinin kollegiyasının qərarı ilə məktəbin maddi-texniki bazası möhkəmləndirilmiş, onun qabaqcıl orta ümumtəhsil məktəbi kimi fəaliyyət göstərməsinə şərait yaradılmışdır. Nəticədə bu məktəb 1983-cü ilin sentyabr ayından orta məktəbə çevrilmişdir.

Nümunəvi iş təcrübəsi[redaktə | əsas redaktə]

1995-cı ildə Azərbaycan Respublikası Təhsil Nazirliyinin Təhsil Problemləri üzrə Respublika Elmi-Metodiki Mərkəzi tərəfindən məktəbin iş təcrübəsi öyrənilmiş və respublikada yayılmışdır. Həmin il məktəbin 72 sinifində 1768 nəfər şagird təhsil alırdı ki, onlarla 120 nəfər müəllim məşğul olurdu. Həmin müəllimlərdən 4 nəfəri maarif əlaçısı, 5 nəfəri "metodist" müəllim, 3 nəfəri isə "baş müəllim" idi. Məktəbin pedaqoji kollektivinin əməyinə, təlim-tərbiyə sahəsində qazanılan uğurlara yüksək qiymət verilmiş və bu barədə 1996-cı ildə "Təlim-tərbiyə kompleks yanaşma tələb edir" adlı kitabça da buraxılmışdır.

"Sumqayıt" qəzetinin 15 may 1998-ci il tarixli nömrəsi isə bütövlükdə bu məktəbin qabaqcıl iş təcrübəsinə həsr olunmuşdur. Həmin il məktəbin 88 sinifində 2228 nəfər şagird təhsil alırdı ki, onlarla 160 nəfərdən çox müəllim məşğul olurdu. Bundan başqa respublikanın müxtəlif kütləvi informasiya vasitələri tez-tez bu məktəb haqqında, ayrı-ayrı müəllimlərin peşə ustalığı, elmi-nəzəri hazırlığı, tərbiyə işi ilə bağlı pedaqoji və şagird kolektivində olan yeniliklər barədə məqalə və foto ilə çıxış edirlər.

Məktəbdə dərnək məşğələləri, maraq üzrə kurslar şagirdlərin marağına müvafiq təşkil edilir ki, bu da öz müsbət nəticəsini verir. Məktəbin şagirdlərinin müəyyən bir hissəsi məktəbdənkənar tərbiyə müəssisələrində məşğul olur, müxtəlif idman cəmiyyətlərində və klublarında iştirak edirlər.

Məktəb Sumqayıt şəhərindəki uşaq və yeniyetmələrin yaradıcılıq mərkəzləri və Sumqayıt Tarix muzeyi ilə sıx əlaqə yaratmışdır ki, bunun da nəticəsində müntəzəm olaraq birgə tədbirlər hazırlanıb həyata keçirilir.

Xarici dillərin tədrisi[redaktə | əsas redaktə]

Məktəbdə Azərbaycan və rus bölmələri vardır.

1988-1989-cu tədris ilindən ərəb dili dərindən öyrədilən məktəb kimi fəaliyyətdədir. 1990-cı illərin ortalarından isə məktəbdə ingilis dili öyrədilən siniflər də təşkil olunmuşdur. Məktəbin şagirdləri ikinci sinifdən etibarən bu dilləri öyrənirlər. Bundan başqa məktəbdə alman dili də tədris olunur.

Maddi-texniki bazası[redaktə | əsas redaktə]

Məktəbdə dərslər kabinet sistemində aparılır. Hər bir kabinetdə təlimin texniki vasitələri, didaktik materiallar, tədris komplektləri toplanmışdır. Kabinetlərin təşkili və zənginləşdirilməsi pedaqoji, didaktik və texniki prinsiplər əsasında, estetik tələblərə uyğun aparılır. Kabinetlər arasında hər il baxış müsabiqəsi keçirilir, müsabiqə qalibləri mükafatlandırılır.

Məktəb 840 yerlik olsa da, burada 2011-2012 tədris ilində 1465 nəfər sagird təhsil almışdır. Sıxlıq nəzərə alınaraq məktəbin ibtidai siniflərində oxuyan 325 nəfər sagird əlavə korpusda – uyğunlasdırılmış bağça binasında yerləşdirilmişdir.

Muzeyləri[redaktə | əsas redaktə]

Məktəbdə bir neçə muzey var ki, onlar şagirdlərin təlim-tərbiyəsi işində mühüm rol oynayır. Həmçinin, Qarabağ müharibəsində şəhid olmuş məzunlardan Emin Məmmədəliyev, Nazif Mədinov, Faiq Abdullayev, Zaur Hüseynov və digərlərinin xatirəsinə "Şəhidlər dünyası" adlı guşə, eyni zamanda Azərbaycanın Milli Qəhrəmanlarına həsr edilmiş stendlər hazırlanmış, şagirdlərin bilavasitə iştirakı ilə "Hərbi vətənpərvərlik zalı" təşkil edilmişdir ki, bunlar da şagirdlərin vətənpərvərlik tərbiyəsində böyük əhəmiyyətə malikdir. Bu məqsədlə müntəzəm olaraq Bakıdakı və Sumqayıtdakı şəhidlər xiyabanlarına şagirdlərin ziyarətləri təşkil edilir, məktəbin yerləşdiyi 4-cü mikrorayon ərazisində yaşayan şəhid ailələri ilə sıx əlaqə saxlanılır.

"Şah İsmayıl Xətai" muzeyi[redaktə | əsas redaktə]

Məktəbdə "Şah İsmayıl Xətai" muzeyi vardır. Muzey son dərəcə yüksək estetik tələblərə cavab verir. Burada Şah İsmayıl Xətai görkəmli şair, ictimai xadim və sərkərdə kimi səciyyələndirilir.

"Nizami Gəncəvi" muzeyi[redaktə | əsas redaktə]

Məktəbdə şagirdlərin və müəllimlərin köməkliyi ilə "Nizami Gəncəvi" muzeyi yaradılmışdır. Muzeydə Nizami Gəncəvinin həyat və fəaliyyətini əks etdirən stendlər, kitab sərgiləri, onun əsərlərinə çəkilmiş şəkillər və başqa materiallar toplanmışdır. Burada şeirlə, sənətlə bağlı tədbirlər keçirilir.

"Qürur mənbəyi" muzeyi[redaktə | əsas redaktə]

2003-cü ildə Sumqayıt şəhərində ilk dəfə olaraq bu məktəbdə Heydər Əliyevin ad günü münasibətilə "Qürur mənbəyi" adlı muzey yaradılmışdır. Dərs ilinin ən əlamətdar hadisələri və tarixi günlər bu muzeydə qeyd olunur. Bundan əlavə hər il oktyabr ayında birinci siniflər bu muzeydə təntənəli surətdə and içərək şagird sıralarına daxil olurlar.

"Şahin" və "Cəsurlar" komandaları[redaktə | əsas redaktə]

Məktəbdə "Şahin" və "Cəsurlar" komandaları var ki, onlar şəhər və zona birinciliklərində müvəffəqiyyətlə çıxış edir. Bunun əsas səbəbi məktəbin Hacı Zeynalabdin qəsəbəsində yerləşən "N" saylı hərbi hissə ilə sıx əlaqələrinin olmasıdır. Məktəbin şagirdləri müntəzəm olaraq hərbi hissədə olur, əsgər və zabitlər qarşısında maraqlı proqramla çıxış edirlər. Əsgər və zabitlər isə məktəbdə keçirilən Azərbaycan ordusu ilə bağlı ədəbi-bədii gecələrdə iştirak edir, "Şahin" və "Cəsurlar" komandalarının yarışlara hazırlığına köməklik göstərir, şagirdlərə vətənpərvərlik ruhunun aşılanmasında yaxından iştirak edirlər.

Direktorları[redaktə | əsas redaktə]

Məktəbin ilk direktoru Rüfət Eyyubov olmuşdur. O, ilk - 1965-1966 tədris ilində məktəbə rəhbərlik etmiş, 1966-1982-ci illərdə isə məktəbin direktoru Səfurə Aslanova olmuşdur.

1982-ci ildən məktəbin direktoru Vidadi Kamilov olmuşdur. O ömrünün sonuna - 2003-cü ilə kimi məktəbə rəhbərlik etmiş, kollektivin fəaliyyətini uğurlu məcraya yönəltmişdir.

2003-cü ildən isə məktəbin direktoru Xanım Əliağa qızı Həsənovadır.

Məzunları[redaktə | əsas redaktə]

Məktəbdə respublika idmanını keçmiş İttifaq, Avropa, Dünya miqyasında ləyaqətlə təmsil edən idmançılar yetişmişdir. Məşhur tennisçi Valentina Popova, güləşçi Rəhim Novruzov, futbolçu Arif Əsədov və digərləri idmançı karyeralarına məhz bu məktəbdə başlamışlar. Məktəbin 13 məzunu Qarabağ müharibəsində şəhid olmuşdur.

Hər il məzunların böyük bir hissəsi qəbul imtahanlarını müvəffəqiyyətlə verərək, ali təhsil və orta ixtisas təhsili müəssisələrinə daxil olurlar.

Beynəlxalq əlaqələri[redaktə | əsas redaktə]

Məktəb bir sıra beynəlxalq təşkilatların layihələrinə qoşulmuşdur:

  • 2001-ci ildən YUNESKO-nun Assosiativ Məktəblər Layihəsində iştirak edir[1].
  • 2003-cü ilin aprel ayında ABŞ Dövlət Departamentinin "Harmoniya" təşkilatının Təhsil və Mədəniyyət bürosu tərəfindən Azadlığa Dəstək Aktı çərçivəsində məktəbdə İnternet Kompyuter Mərkəzi açılmışdır.
  • 2011-ci ildən Azərbaycan Respublikası Təhsil Nazirliyinin xətti ilə "Qardaşlaşmış məktəb" layihəsinə qoşulmuş, Türkiyənin paytaxtı Ankara şəhərinin Cankaya ilk öyretim okulu ilə dostluq əlaqəsi yaratmışdır.
  • Məktəbdə İFES təşkilatının şagird komitəsi fəaliyyət göstərir.

Ekoloji fəaliyyəti[redaktə | əsas redaktə]

"Ekoloji maarifçilik və monitorinq" qeyri-hökumət təşkilatının dəstəyi ilə məktəbin ərazisində 250 ağac əkilmişdir ki, şagirdlər bu ağaclara mütəmadi olaraq qulluq göstərirlər.

Nailiyyətləri[redaktə | əsas redaktə]

Müəllim uğurları[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]

  1. Azərbaycan Respublikasının UNESCO-nun Assosiativ Məktəblər Layihəsində iştirak edən tədris müəssisələri. unesco.org  (azərb.)
  2. "2011/2012-ci tədris ilində keçirilmiş “Ən yaxşı ümumi təhsil müəssisəsi” müsabiqəsinin qaliblərinin mükafatlandırılması haqqında"Azərbaycan Respublikası Prezidentinin 20 iyun 2012-ci il tarixli Sərəncamı. president.az  (azərb.)
  3. "2008/2009-cu tədris ilində keçirilmiş "Ən yaxşı müəllim" müsabiqəsinin qaliblərinin mükafatlandırılması haqqında"Azərbaycan Respublikası Prezidentinin 1 sentyabr 2009-cu il tarixli, 461 nömrəli Sərəncamı. e-qanun.az  (azərb.)

Xarici keçidlər[redaktə | əsas redaktə]