Surxay Vəlibəyov

Vikipediya, azad ensiklopediya
Jump to navigation Jump to search
Surxay Vəlibəyov
Surxay bəy Əbdülrəhim bəy oğlu Vəlibəyov
Surxay bəy Vəlibəyov.jpg
Doğum tarixi 31 yanvar 1916(1916-01-31)
Doğum yeri Ağdam, Şuşa qəzası, Yelizavetpol quberniyası, Qafqaz canişinliyi, Rusiya imperiyası
Vəfat tarixi 2 fevral 1993(1993-02-02) (77 yaşında)
Vəfat yeri Bakı, Azərbaycan

Surxay bəy Əbdülrəhim bəy oğlu Vəlibəyov (31 yanvar 1916, Ağdam - 2 fevral 1993, Bakı) — dövlət xadimi.

Həyatı[redaktə | əsas redaktə]

1929-cu ildə Ağdam şəhərində orta məktəbini bitirib sonra Gəncə Pedaqoji Texnikomuna daxil olub. 1934-cü ildə Pedaqoji Texnikomu bitirib, Bakı şəhərində yerləşən K.Marks adına Xalq Təsərrüfatı insitutuna daxil olub. 1939-cu ildə Ticarət İqtisadiyyat fakultəsini bitirib, Sovet Ticarəti İqtisadiyyatı təhsilinə yiyələnib. 1939-cu ilin martından 1941-ci ilin yanvar ayına qədər Azərittifaqda təkmilləşmə kursunda müəllim, müfəttiş vəzifələrində çalışıb.

1941-ci ilin mart ayından oktyabr ayınadək Bakı şəhərində Azərbaycan Respulikası Trikotaj Sənayesi Nazirliyində mühəndis iqtisadçı vəzifəsində işləyib. 1941-ci ilin oktyabr ayında Sovet ordusu sıralarına çağırılıb, Tiflis şəhərində yerləşən Hərbi piyada məktəbində təhsil alıb. Təhsilin başa çatdırdıqdan sonra, cəbhəyə göndərilib. İlk günlərdə 55-ci sərhəd rayonunda starşina vəzifəsində olub. 1942-1943-cü illərdə Böyük Vətən müharibəsi cəbhələrində döyüşüb. Yaralanıb kantuziya alıb. 1944-cü ildə ağır yaralanıb xəstələndikdən sonra əlil kimi ordu sıralarından kapitan rütbəsində tərxis olunub. Ordu sıralarından tərxis olunduqdan sonra 1944-cü ilin 1946-cı ilin fevral ayınadək Xalq ticarəti idarəsində, inspektor, müfəttiş, Respublika nəzarət uçot bürosunda müavin vəzifəsi və Bakı şəhər çörək satışı idarəsində müdür vəzifəsində çalışıb. 1946-cı ilin mart ayından 1947-ci ilin yanvar ayınadək Moskva şəhərində yerləşən Nazirlər Kabinetinin Azərbaycan nümayəndəliyində məsləhətçi vəzifəsində çalışıb. 1947-ci ilin fevral ayından oktyabr ayınadək Moskva şəhərində yerləşən SSRİ ticarət nazirliyində baş inspektor vəzifəsində işləyib. 1947-ci ildə ailə vəziyyətilə əlaqədar SSRİ Ticarət Nazirliyi aparatından Dağıstan MSSR–nin Mahaçqala şəhərində yerləşən Ticarət Nazirliyinə keçirilib. 1947-ci ilin noyabrından 1948-ci ilin noyabrnadək Dağıstan MSSR-nin Ticarət Nazirliyində Şöbə müdiri işləyib. Həmin ilin noyabr ayından Dağıstan MSSR Balıq Təcizatı birliyində İdarə heyətinin müavini, sonradan sədri vəzifəsində işləyib. 1949-cu ildə (СЕНТРОСОЮЗ) balıqıçılıq Mərkəzi birliyinə geri çağrılaraq, Kalininqrad Vilayətinin Kalinninqrad şəhərinə göndərilib. 1949-cu ilin dekabrından 1950-ci ilin mart ayınadək Baltik Balıqçılıq Komitəsinin sədri olub. 1951-ci ilin martda Kalininqrad Vilayət Təhcizat Birliyinin Vilayət Universal bazasında direktor vəzifəsində çalışıb. 1952-ci ili mayından 1954-cü ilin sentyabrınadək Kalininqrad şəhərində Sənaye Ticarəti idarəsində müdür işləyib. 1954-cü il sentyabr ayında 1962-ci ilədək Baltik Dəmir yol idarəsinin Kalininqrad şəhər restoran və bufet birliyinin direktoru vəzifəsində çalışıb. 1962-ci ilin iyulunda Azərbaycan SSR MK-nın qərarı ilə Kalininiqrad şəhərindən Bakı şəhərinə göndərilib. 1962-ci ilin avqustunda Azərbaycan SSR MK qərarı ilə Azərbaycan SSR ticarət nazirliyinin Ayyaqabı satışı ticarət birliyinə sədr təyin olunub. 1963-cü ilin avqustunda Sov, İKP-nin Partiya nəzarəti idarəsinə İnspektor keçirilib.1967-ci ildə Azərbaycan Respublikası Ticarət Nazirliyinini Ticarət Nəzarət idarəsinin rəisi vəzifəsinə təyin edilib.1969-cu ilin aprel ayında Azərb Sov İKP qərarı ilə Azərb SSR neft çıxartma Sənayesi Nairliyinini URS idarəsinə rəis vəzifəsinə təyin olunub. 1971-ci ilin martından 1977-ci ilin mayınadək Azneft Yoltikintitəmir birliyinin idarə müdürünün müavini vəzifəsində çalışıb. 1977-ci ildə təqaüdə çıxıb. Respublika əhəmiyyətli mühəndis hesab edilirdi.

İstinadlar[redaktə | əsas redaktə]