Səfurə Əlizadə
| Səfurə Əlizadə | |
|---|---|
 Səfurə Əlizadə 2010 Avroviziya Mahnı Müsabiqəsi zamanı mətbuat konfransında (27 may 2010) | |
| Ümumi məlumatlar | |
| Doğum tarixi | 20 sentyabr 1992 (31 yaş) |
| Doğum yeri | |
| Vətəndaşlığı | |
| Musiqiçi məlumatları | |
| Fəaliyyəti | müğənni, saksofonçu[d] |
| Fəaliyyət illəri | 2009-cu ildən |
| Janr | pop musiqisi |
| Musiqi alətləri | saksofon |
| safura.eurovisiontalents.com | |
 Vikianbarda əlaqəli mediafayllar | |
Səfurə Əlizadə (20 sentyabr 1992, Bakı) — azərbaycanlı müğənni. Azərbaycanı 2010-cu ildə Oslo şəhərində keçirilən 55-ci Avroviziya Mahnı Müsabiqəsində təmsil etmişdir və 145 xalla 5-ci yeri tutmuşdur. 2010-cu ildə "Yeni Ulduz 8" layihəsinin qalibi olmuşdur.
Həyatı[redaktə | mənbəni redaktə et]
Səfurə Əlizadə 20 sentyabr 1992-ci ildə Azərbaycanın Bakı şəhərində anadan olmuşdur. Səfurə xanım 3 yaşından musiqi ilə məşğul olmağa başlamışdır. Kaman və saksafon üzrə orta musiqi təhsili almışdır. Səfurə xanım ilk orta təhsilini xoreoqrafiya məktəbində almışdır. Daha sonra 5-ci sinifdən 164 nömrəli tam orta məktəbdə, 8-ci sinifdən isə 23 nömrəli tam orta məktəbdə təhsil almışdır.
Səfurə Əlizadə 2010-cu ildə Azad Azərbaycan Televiziyasında yayımlanan "Yeni Ulduz 8" layihəsində qalibi olmuşdur və geniş tamaşaçı kütləsinə tanınmışdır.
2010-cu ildə Səfurə Əlizadə orta təhsilini bitirdikdən sonra ali təhsilini almaq üçün İsveçə köçmüşdür. 18 iyun 2010-cu ildə Səfurə xanım İsveçdə "It's My War" adlı ilk albomunu təqdim etmişdir. Səfurə xanımın albomunda 13 mahnı yer almışdır.
O, 10 fevral 2011-ci ildə Yeni Azərbaycan Partiyasına üzv qəbul edilmişdir.[1]
Avroviziya Mahnı Müsabiqəsi[redaktə | mənbəni redaktə et]
Səfurə Əlizadə 2010-cu ildə 55-ci Avroviziya Mahnı Müsabiqəsində Azərbaycanı təmsil etmək üçün bu ölkənin Milli Seçimlərinə qatılmışdır. 2 mart tarixində keçirilən Milli Seçimlərin finalında Səfurə xanım "Drip Drop" mahnısı ilə qalib gəlmişdir və Azərbaycanı Osloda 55-ci Avroviziya Mahnı Müsabiqəsində təmsil etmək hüququ qazanmışdır.
Səfurə Əlizadə Norveçin paytaxı Oslo şəhərində keçirilən 2010 Avroviziya Mahnı Müsabiqəsində 2-ci yarım-finalda iştirak etmişdir. Səfurə xanım 113 xalla 17 ölkə arasında 2-ci yeri tutmuşdur və finala adlamışdır. 29 may tarixində isə keçirilən finalda Səfurə Əlizadə 39 ölkədən 145 xal almışdır və 55-ci Avroviziya Mahnı Müsabiqəsində 5-ci yeri tutmuşdur.
_cropped.jpg)
Ailəsi[redaktə | mənbəni redaktə et]
5 iyul 2013-cü ildə Səfurə Əlizadə Bodrumda Azərbaycan Respublikasının Energetika Naziri Natiq Əliyevin oğlu Fərhad Əliyev ilə ailə həyatı qurmuşdur. 10 avqust 2014-cü ildə isə Səfurə xanımın oğlu İsgəndər anadan olmuşdur.[2] Onun İsgəndər, Ayşə və Natiq adlarında 3 övladı var.
Mahnıları[redaktə | mənbəni redaktə et]
| İl | Mahnı |
|---|---|
| 2010 | "Drip Drop" |
| "March On" | |
| 2011 | "Paradise" |
| 2021 | "Ağla" |
| "Möcüzə" |
Albomları[redaktə | mənbəni redaktə et]
- "It's My War" (2010)
- "Möcüzə" (2021)[3]
Klipləri[redaktə | mənbəni redaktə et]
- Drip-Drop (2010)
- March On (2010)
- Paradise (2012)
- Ağla (2021)
Həmçinin bax[redaktə | mənbəni redaktə et]
| Əvvəlki: Aysel Teymurzadə Araş "Always" |
Azərbaycan Avroviziya Mahnı Müsabiqəsində  2010 Oslo "Drip Drop" |
Sonrakı: Eldar Qasımov Nigar Camal "Running Scared" |
İstinadlar[redaktə | mənbəni redaktə et]
- ↑ "Səfurə Əlizadə YAP-a üzv qəbul olundu". 2022-06-01 tarixində arxivləşdirilib. İstifadə tarixi: 2022-06-01.
- ↑ APA TV. "Səfurə Əlizadə oğlu ilə Bakıda" (az.). Youtube.com. 04.03.2017. 2022-06-01 tarixində arxivləşdirilib. İstifadə tarixi: 2017-03-04.
- ↑ "Arxivlənmiş surət". 2024-03-23 tarixində arxivləşdirilib. İstifadə tarixi: 2021-08-16.
Xarici keçidlər[redaktə | mənbəni redaktə et]
Foto, video və audio | |
|---|---|
| Tematik saytlar | |
| Lüğətlər və ensiklopediyalar | |
| Normativ yoxlama |
 | |
|---|---|
| İştirak | |
| İştirakçılar | |
| Mahnılar |
|
