Tüləgüvan

Vikipediya, azad ensiklopediya
(Tüləküvan səhifəsindən istiqamətləndirilmişdir)
Jump to navigation Jump to search
Tüləgüvan
38°32′00″ şm. e. 48°46′24″ ş. u.
Ölkə Azərbaycan Azərbaycan
Rayon Astara rayonu
Tarixi və coğrafiyası
Mərkəzin hündürlüyü 170 m
Saat qurşağı
Əhalisi
Əhalisi
  • 1.446 nəf.
Xəritəni göstər/gizlə
Tüləgüvan xəritədə
Tüləgüvan
Tüləgüvan

TüləgüvanAzərbaycan Respublikasının Astara rayonunun inzibati ərazi vahidində kənd. Rayon mərkəzindən 6 km məsafədə yerləşir. Kijəbə qəsəbə inzibati ərazi dairəsinə aiddir.[1] Dağlıq əraziyə malik olduğundan rayonun əsas subtropik bazasıdır. 1 kitabxana, 1 bələdiyyə, 1 tam orta məktəbi var. Kənddə 1446 nəfər əhali yaşayır. Əhalinin əsas məşğuliyyəti sitrusçuluqdur.[1]

Coğrafiyası və iqlimi[redaktə | əsas redaktə]

Kəndin ərazisindən Xəzər dənizi müşahidə olunur.

Tarixi[redaktə | əsas redaktə]

Tüləgüvan kəndi Astara rayonunun Kijəbə qəsəbəsinin inzibati ərazi vahidində kənddir. Lənkəran ovalığındadır. Oykonim talış dilindəki, tül/til (gil), kü (dağ), van (yaşayış məskəni) komponentlərindən düzəlib (-ə mənsubiyyət bildirir), "gilli dağda yaşayış yeri" mənasını verir.

Coğrafi ad Tül (til) talış dilində "gil", "ə" birləşdirici sait, ku "dağ", van isə "yaşayış məskəni" deməkdir.[2]

Əhalisi[redaktə | əsas redaktə]

22 noyabr 2012-ci il tarixdə rayon icra hakimiyyətinin başçısı Q.Ağayevin kənddə əhali ilə görüşündə ərazi nümayəndəsi Rafael Babayevin verdiyi məlumata əsasən, kəndin 344 təsərrüfatında 1446 nəfər əhali yaşayır.

Memarlıq abidələri[redaktə | əsas redaktə]

Dəmir dövrünə aid Koraoba kəndindəki "Koraoba daş qutu nekropolu"nu və s. göstərmək olar.

Təhsil[redaktə | əsas redaktə]

1963-cü ildə Ömər Əliyevin başlıca təşəbbüsü ilə tikilmiş Koraoba kənd orta məktəbi

Kənddə Qarabağ müharibəsi şəhidi Xanlar Şəkərovun adını daşıyan tam orta məktəb vardır(əvvəlki adı: Koraoba kənd orta məktəbi). Məktəb 1963-cü ildə, kəndin sakini Ömər Əliyevin başlıca təşəbbüsü ilə tikilmişdir və üç sinifdən ibarət olmuşdur. Hal hazırda məktəbin yeni korpusu fəaliyyət göstərir.

Məktəbin tikilmə tarixi

Kənd ağsaqqalı və xeyriyyəçisi Ömər Əliyev, o zamankı "Lenin adına Sovxoz"da fəhlə və eyni zamanda sitrus meyvələri sahələrində qaravulçu işləyir. Kənddə məktəb olmadığından, hər gün öz və himayəsində olan uşaqlarını kənddən bir neçə kilometr uzaqda yerləşən başqa bir kəndin (Burzuband) məktəbinə aparır və bir neçə dəfə işə gecikir. Bir gün sovxoz sərdi ondan nə üçün işə gecikdiyini soruşduqda o, bu məslənin həllini, Tüləküvan (əvvəlki Koraoba) kəndində məktəbin tikilməsində gördüyünü deyir və uşaqların yaxınlıqda təhsil ala bilməsi üçün kənddə məktəb binasının vacibliyini qeyd edir. Çox keçməmiş, 1963-cü ildə kənddə məktəb tikintisinə başlanılır və məktəbin inşasında şəxsən Ömər Əliyev heç bir təmənna ummadan çalışır.

İqtisadiyyat[redaktə | əsas redaktə]

Əhalinin əsas məşğuliyyəti sitrusçuluqdur. Bundan başqa heyvandarlıq və arıçılıq da inkişaf etdirilmişdir. Rayonun əsas subtropik bazası hesab olunur.

Nəqiliyyat[redaktə | əsas redaktə]

Kəndi Qəcimardə-Tüləgüvan-Ojakəran dairəvi yolu əhatə edir.

Dini[redaktə | əsas redaktə]

Kənd əhalisi islam dininə sitayiş edir.

Şəkilləri[redaktə | əsas redaktə]

Mənbə[redaktə | əsas redaktə]

  • Azərbaycan toponimlərinin ensklopedik lüğəti, II cilddə. Bakı-2007. II cild, səh.250.

İstinadlar[redaktə | əsas redaktə]

  1. 1 2 Azərbaycan Respublikası Astara rayon İcra Hakimiyyəti (23.11.2012). "Astara rayon İcra Hakimiyyətinin başçısı Qəzənfər Ağayevin Tüləgüvan kənd sakinləri ilə səyyar qəbulu və görüşü olmuşdur" (azərb.). astara-ih.gov.az.
  2. Akademik Budaq Budaqovun Şəxsi Web Portalı-Azərbaycanın Lənkəran regionu Toponimlərinin İzahlı Lüğəti Kitabı