Tünzalə Ağayeva

Vikipediya, açıq ensiklopediya
Jump to navigation Jump to search
Tünzalə Ağayeva
Tünzalə Qabil qızı Ağayeva
Tünzalə Ağayeva.jpg
Sənətçi məlumatları
Doğum tarixi 21 oktyabr 1976 (1976-10-21) (42 yaş)
Doğum yeri Tovuz şəhəri, Flag of the Azerbaijan Soviet Socialist Republic.svg Azərbaycan SSR, Flag of the Soviet Union.svg SSRİ
Vətəndaşlığı azərbaycanlı
Peşələri müğənni, bəstəkar

Üslub pop, caz
Musiqi aləti vokal
tunzale.az
Silk-film.png Xarici video
Silk-film.png Tunzale ft. Kelly Joyce Bakımın Üzü Gülür (Baku Smiles) Logo of YouTube (2015-2017).svg

Ağayeva Tünzalə Qabil qızı - Bəstəkar, Müğənni, Azərbaycanın əməkdar artisti.

Həyatı[redaktə | əsas redaktə]

Məşhur Azərbaycan müğənnisibəstəkarı olan Tünzalə Ağayeva 1976-cı ilin oktyabrın 21-də Azərbaycanın şimal-qərbində yerləşən Tovuz şəhərində anadan olmuşdur. O, Tovuzda musiqi məktəbinin piano sinfini bitirmiş və daha sonra təhsilini Gəncə şəhərində Qəmbər Hüseynli adına musiqi texnikumu fortepiano sinfində davam etdirmişdir. O, həm də Üzeyir Hacıbəyov adına Dövlət Musiqi Akademiyasında bəstəkarlıq dərsləri almışdır. O, hələ 12 yaşındaykən Azərbaycanın görkəmli şairi Səməd Vurğunun sözlərinə “Sən o deyilsən” adlı ilk mahnısını bəstələmişdir. Daha sonra bu mahnı onun ilk albomuna daxil edilmişdir.

Azərbaycan Respublikası Prezidenti İlham Əliyevin 16 may 2006-cı il tarixli Sərəncamı ilə "Əməkdar artist" fəxri adına layiq görülmüşdür [1].

Yaradıcılığı[redaktə | əsas redaktə]

2001-ci ildə Tünzalə Ağayeva gənc ifaçılar üçün tanınmış musiqi yarışması olan “Bakı Payızı” festivalının qalibi oldu. Həmin vaxtdan estrada mahnılarının bəstəçisi və ifaçısı kimi peşəkar yaradıcı fəaliyyətlə məşğuldur.

2002-ci ildə o, Rusiya Federasiyasında keçirilmiş Türksoy - Türk Gənclərinin Beynəlxalq Musiqi Yaradıcılığı Festivalında qalıb gəldi.

2003-cü ildə isə Tünzalə Ağayeva Ukraynada “Yalta-2003” Beynəlxalq Musiqi Müsabiqəsinin Qran-pri mükafatçısı olub.

2006-cı ildə Tünzalə Ağayeva Azərbaycanın “Əməkdar Artisti” fəxri adına layiq görülmüşdür.

2008-ci ildə Tünzalə Ağayeva tanınmış caz bəstəkarı, pianoçu və aranjimançı Cəmil Əmirovla birgə "Ölkəm" layihəsini həyata keçirdi. Layihədə görkəmli bəstəkar Asəf Zeynallının "Ölkəm" romansı yeni aranjiman və yeni üslubda tamaşaçılara təqdim olundu.

2008-ci ildən Tünzalə Ağayeva Avroviziya beynəlxalq musiqi müsabiqəsində Azərbaycanın daimi münsiflərindən biridir.

2010-cu ildə “Qızıl Başlar” Gənclər Mədəniyyət Mərkəzinin apardığı sorğunun nəticələrinə əsasən, Tünzalə Ağayeva Azərbaycanda "İlin ən vətənpərvər müğənnisi" seçilmişdir.

2011-ci ildə o, respublikada gənc ictimai hərəkatlarında fəal iştirakına görə ən böyük ictimai birlik olan "İrəli" İctimai Birliyi tərəfindən xüsusi diploma layiq görülmüşdür.

2012-ci ildə "İrəli" İctimai Birliyinin dəstəyi ilə Tünzalə Ağayeva "Anam Azərbaycan" adlı vətənpərvərlik mövzusunda əsərlərindən ("Mən fəxr edirəm ki, Azərbaycanlıyam", "Biz gəlirik", "İgidlər", "Şəhidim", "Bizim zaman") ibarət albomunu çıxartdı. Albom uşaq bağçaları, orta və ali təhsil müəssisələrinə paylanmışdır. Məqsəd gənclərdə və uşaqlar vətənpərvərlik hisslərinin aşılanması idi.

2012-ci ilin sentyabr ayında qardaş Türkiyədə “Avropa Qəzet işçilərinin dərnəyi” tərəfindən Tünzalə Ağayeva “İlin ən yaxşı sənətçisi” adına layiq görülmüşdür.

Bu günə qədər o, bir sıra beynəlxalq musiqi festivallarında rəsmi qonaq qismində iştirak etmişdir. Tünzalə Ağayeva “Azərbaycan Mədəniyyət Günləri” dövlət layihələri çərçivəsində Azərbaycanı xaricdə təmsil etmiş və gənc ifaçıların musiqi müsabiqələrində münsif kimi iştirak etmişdir.

2012-ci ilin avqust ayında o, “Qızıl Aypara” beynəlxalq xeyriyyə təşkilatı üçün konsert vermişdir. Konsert “Avrasiya” beynəlxalq araşdırma institutu tərəfindən dəstəklənmiş və İranda baş vermiş zəlzələdən əziyyət çəkən azərbaycanlılara kömək məqsədi daşıyırdı.

2012-ci ilin noyabr ayında Tünzalə Ağayeva Azərbaycan Respublikası Mədəniyyət və Turizm Nazirliyinin dəstəyi ilə keçirilən Beynəlxalq Bakı Caz festivalında iştirak etmiş və məşhur Azərbaycan dirijoru Yalçın Adıgözəlovun rəhbərliyi altında Üzeyir Hacıbəyov adına Dövlət Simfonik Orkestrinin müşaiyəti ilə ilk simfo-caz konsertini vermişdir.

2014-cü ilin əvvəlindən Tünzalə Ağayeva Türkiyənin TRT televiziyasının dəvətilə TRT Müzik kanalında "Bir sesin cazibesi" adlı musiqi proqramını hazırlayır və aparıcılığını edir.

Tünzalə Ağayeva hal-hazırda fank və blyuz elementləri ilə pop-cazz-xalq musiqi janrlarında mahnılar bəstələyir və ifa edir.

Sosial layihələr[redaktə | əsas redaktə]

Qənirə Paşayeva Tünzalə Ağayevanın konsertində[2]

Tünzalə Ağayeva “İnsan Alverinə Son” beynəlxalq kampaniyasının video çarxında yer almışdır [3].

2010-cu ildə Latviyanın sabiq prezidenti Xanım Freyberq tərəfindən adıçəkilən kampaniyada fəal iştirakına görə Tünzalə Ağayeva fəxri diplomla təltif edilmişdir.

O, həm də kimsəsiz, əlil uşaqlar və xərçəngdən əziyyət çəkən uşaqlara kömək məqsədilə ictimai və xeyriyyə layihələrində iştirak edir.

2005-ci ildə Tünzalə Ağayeva “Uşaqlarımıza Xoşbəxtlik Bəxş Edək” adlı layihəni həyata keçirdi. Bu layihənin məqsədi uşaq evlərində yaşayan uşaqlara diqqət və qayğının artırılması idi. Tünzalə bu layihə üçün xüsusi olaraq xalq şairəsi Mirvari Dilbazinin sözlərinə “Laylay” mahnısını bəstələdi və mahnı üçün çəkilmiş klipin qəhrəmanları məhz valideyn himayəsindən məhrum olan uşaqlar idi. http://www.youtube.com/watch?v=9jeAxShAnqw

2011-ci ildə Tünzalə Oksfamın (Oxfam) “Grow-A-Vision” layihəsində iştirak etdi. Kampaniya Avroviziya musiqi müsabiqəsinin 2012-ci ilin may ayında Bakıda keçirilməsi münasibəti ilə keçirilmişdi. Tünzalə Böyük Britaniyalı bəstəkar və prodüsser Aleks Forster tərəfindən bəstələnmiş “Grow-A-Vision” mahnısının baş ifaçısı olmuş və mahnıya həsr olunan klipdə çəkilmişdir. Mahnı 2012-ci ildən etibərən Azərbaycanda və bütün digər Avroviziya ölkələrində yayımlanır. http://www.youtube.com/watch?v=acFPmT6alwY

Milli Olimpiya Komitəsi tərəfindən həyata keçirilən “Fəal ailəm, sağlam aləm” proqramının əsas məqsədi sağlam və fəal həyat tərzini təbliğ etməklə, daha çox insanı, xüsusilə uşaq və valideynləri Olimpiya hərəkatına cəlb etməkdir. Tünzalə Ağayeva FASA proqramının 2014-cü il üçün Milli Olimpiya səfiri seçilmişdir. http://www.youtube.com/watch?v=SSadDe7tWyo

Solo konsertləri[redaktə | əsas redaktə]

  • “Olmuşam”
  • “Oxu...”
  • “Ölkəm”
  • “Sülhümüzü qoruyaq” (insan alverinə qarşı beynəlxalq proqram çərçivəsində təşkil olunub)
  • “Tünzalənin JAZZ Dünyası”
  • "Tünzalə JAZZibəsi"

Albomları[redaktə | əsas redaktə]

  • Sevdi can səni
  • Bir də baxım
  • Oxu..
  • İllərə yalvardım
  • İkimizin yerinə
  • Anam Azərbaycan
  • Özümü bilirəm

Hit mahnıları[redaktə | əsas redaktə]

İstinadlar[redaktə | əsas redaktə]

  1. "Azərbaycan Respublikasının mədəniyyət xadimlərinə fəxri adların verilməsi haqqında" Azərbaycan Respublikası Prezidentinin 16 may 2006-cı il tarixli, 1458 nömrəli Sərəncamı
  2. “Bir dünya istəyirəm...”, - Şərqi Azərbaycanda zəlzələ qurbanlarına dəstək konserti. amerikaninsesi.org, 28.08.2012  (azərb.)
  3. YouTube portalı: Tunzala Agayeva

Xarici keçidlər[redaktə | əsas redaktə]

Vikianbarda Tünzalə Ağayeva ilə əlaqəli mediafayllar var.