Tısbağalar uça bilir (film, 2004)

Vikipediya, azad ensiklopediya
Naviqasiyaya keçin Axtarışa keçin
Tısbağalar uça bilir
sor. کیسەڵەکانیش دەفڕن
Janr müharibə filmi[1][2], dram filmi[3][1][…]
Əsas mövzu intihar, ABŞ və müttəfiqlərinin İraqa müdaxiləsi (2003)
Rejissor
Prodüser
Ssenari müəllifi
Bəstəkar
Distribütor IFC Films, Netflix
İlk baxış tarixi 2004, 5 may 2005[6]
Müddət 98 dəq.
Ölkələr
Dil kürdcə
Rəng rəngli
IMDb ID0424227

Tısbağalar uça bilir-(Kurmanc dilində Kûsî Jî Dikarin Bifirin; farsca Lākpošthā Ham Parvāz Mikonand) Kürd müharibəsi dram filmi olub, Bahman Qobadi tərəfindən ssenarisi yazılmış və rejissorluğu edilmişdi. Filmdə Hüseyn Əlizadənin məşhur musiqisi səsləndirilmişdir. Film, Səddam Hüseyn rejiminin süqutundan sonra çəkilmiş ilk İraq filmi oldu.

Məzmun[redaktə | mənbəni redaktə et]

Film, ABŞ-nin İraqın işğalı ərəfəsində İraq-Türkiyə sərhəddindəki kürd qaçqın düşərgəsində qurulub. Filmin əsas qəhrəmanları uşaqlardı. Ata-analarını, yaxınlarını itirən kimsəsiz uşaqlar. On üç yaşlı Satellite (Soran Ebrahim) zəif ingilis dili biliyi və antenaların quraşdırılması ( yerli kənd camaatının Səddam Hüseyn xəbərlərini izləməsi üçün) ilə tanınır. O dinamikdir, uşaqları başına toplayarq onlara təsir eməyə çalışır və onları təhlükəli işlərə yönəldir. Bu uşaqların çoxusu davamlı olaraq xəsarət alır. Lakin özlərini təsdiqləmək üçün tapşırıqları yerinə yetirirlər.
Satellite ətrafda partlamamış minaları yığmağa və satmağa başlayır. Sonralar qaçqın düşərgəsinə yerləşən Agrinə aşiq olur. Ona komək etməyə çalışır. Agrin 14 yaşında bir anadır. O, sərt üzlü, dərin düşüncələrdədir və keçmişin iblislərindən xilas ola bilməmişdir. Aqri valideynlərini öldürən, qardaşı Hengovun qollarını güllələyən və əlil edən əsgərlər tərəfindən təcavüzə uğramış və hamilə qalaraq Riqa adlı uşağı dünyaya gətirmişdir. O bu uşağı bir ləkə kimi görür və bu ona davamlı olaraq qəddar keçmişini xatırladır.
Agrin bir çox şəraitdə uşağı tərk etməyə çalışır. Sonunda onu bir qaya parçasına bağlayaraq onu gölə atır. Daha sonra bir uçurumdan özünü ataraq intihar edir. Hengov sevdiklərinin batdığını görür və onları xilas etmək istəyir. Lakin gec olur. Daha sonra Riganın cansız bədənini gölün dibindən tapsa belə əlilliyi səbəbindən onu qayadan ayıra bilmir. O, bacısının atladığı yerdə qəhərlənir. Bu vaxt Satellite uzaqdan Amerikan əsgərlərini seyr edir.

Rollarda[redaktə | mənbəni redaktə et]

Satellite rolunda Soran Ebrahim
Agrin rolunda Ayaz Latif
Hengov rolunda Hiresh Feysal Rahman
Riga rolunda Abdol Rahman Karim
Shirkooh rolunda Ajil Zibari

Rəylər[redaktə | mənbəni redaktə et]

Tısbağalar uça bilir filmi ümumilikdə müsbət rəylər aldı. Bəzi kritiklər inanırlar ki, bu film kürdlərin əsl duyğularını əks etdirir, və bir çoxları Səddam Hüseyn diktaturası altında əziyyət çəkmiş və ABŞ'ın hərbi işğalını qətiyyətlə dəstəkləmişdir.

Mükafatlar[redaktə | mənbəni redaktə et]

Film, 52-ci San Sebastian Film Festivalında Ən Yaxşı Film olaraq seçilib. 2004 cü ildə Beynəlxalq Çikaqo kinofestivalında Ən Yaxşı Ssenari nominasiyasında da Münsif Xüsusi Mükafatına layiq görülüb. Berlin Beynəlxalq Film Festivalında isə Sülh Mükafatı qazanıb.

İstinadlar[redaktə | mənbəni redaktə et]

  1. "TURTLES CAN FLY (15)" Arxivləşdirilib 2019-01-05 at the Wayback MachineBritish Board of Film Classification. 29 November 2004. Retrieved 23 June 2013.

Xarici keçidlər[redaktə | mənbəni redaktə et]

  1. ↑ 1 2 http://www.imdb.com/title/tt0424227/.
  2. ↑ http://www.metacritic.com/movie/turtles-can-fly.
  3. ↑ 1 2 https://www.filmaffinity.com/en/film967835.html.
  4. ↑ http://www.bbfc.co.uk/releases/turtles-can-fly-2005-1.
  5. ↑ https://www.siamzone.com/movie/m/3120.
  6. ↑ http://www.kinokalender.com/film5140_schildkroeten-koennen-fliegen.html.
Mənbə — "https://az.wikipedia.org/w/index.php?title=Tısbağalar_uça_bilir_(film,_2004)&oldid=7027890"