Təbriz Rəhimov

Vikipediya, azad ensiklopediya
Jump to navigation Jump to search
Təbriz Rəhimov
Təbriz Rəhimov.jpg
Şəxsi məlumatlar
Doğum tarixi
Doğum yeri Gülövşə, Yevlax rayonu, Azərbaycan
Vəfat tarixi (32 yaşında)
Vəfat yeri Laçın, Azərbaycan
Dəfn yeri Gülövşə, Yevlax rayonu, Azərbaycan
Vətəndaşlığı Azərbaycan Azərbaycan
Atası Rəhim Rəhimov
Anası Reyhan Rəhimova
Təhsili orta
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azerbaijan Border Guards seal.svg Sərhəd Qoşunları
Xidmət illəri 2008—2009 / 2020—2022
Rütbə OR-6 AZE ARMY.svg Baş çavuş
Döyüşlər Azərbaycan–Ermənistan sərhəd toqquşması (2022)
Təltifləri "Azərbaycan Bayrağı" ordeni — 2022"Vətən uğrunda" medalı — 2022

Təbriz Rəhim oğlu Rəhimov (11 avqust 1990; Gülövşə, Yevlax rayonu, Azərbaycan — 12 sentyabr 2022; Zəngilan rayonu, Azərbaycan) — Azərbaycan Dövlət Sərhəd Xidmətinin Sərhəd Qoşunlarının baş çavuşu. 2022-ci il sentyabrın 12-dən 13-nə keçən gecə Ermənistan Silahlı Qüvvələrinin Zəngilan rayonu istiqamətində, Azərbaycan-Ermənistan sərhədində Azərbaycan Ordusuna qarşı törətdiyi təxribat nəticəsində şəhid olmuşdur.

Həyatı[redaktə | mənbəni redaktə et]

Təbriz Rəhimov 11 avqust 1990-cu ildə Yevlax rayonunun Gülövşə kəndində anadan olmuşdur.[1] 1996-2007-ci illərdə Yevlax rayon Gülövşə kənd tam orta məktəbdə orta təhsil almış və sonra hərbi xidmət qulluqçusu olmuşdur. Hərbi xidmətini başa vurduqdan sonra bir müddət yardımçı təsərrüfatda, təmir-tikinti işlərində və digər sahələrdə çalışmışdır. Cüdo növü ilə məşğul olaraq bu sahədə bir çox dərəcələr əldə etmişdir. Subay idi.

Hərbi xidməti[redaktə | mənbəni redaktə et]

Təbriz Rəhimov 2008-ci ildə Səfərbərlik və Hərbi Xidmətə Çağırış üzrə Dövlət Xidmətinin Yevlax rayon şöbəsi tərəfindən hərbi xidmətə çağırılmışdır. Azərbaycan Silahlı Qüvvələrinin sıralarında, Qazax rayonunda yerləşən "N" saylı hərbi hissələrin birində hərbi xidmət etmişdir. Hərbi xidmət qulluqçusu olduğu müddət ərzində hərbi hissə rəhbərliyi tərəfindən fəxri fərman və təşəkkürnamələrlə təltif edilmişdir. Hərbi xidmətini başa vurduqdan sonra mülki fəaliyyətə geri dönmüşdür.

27 sentyabr 2020-ci il tarixdə Vətən müharibəsinin başlaması ilə əlaqədar Azərbaycan Prezidenti İlham Əliyevin ölkədə qismən səfərbərlik elan edilməsi haqqında 28 sentyabr 2020-ci il tarixli Sərəncamına uyğun olaraq Təbriz Rəhimov 29 sentyabr 2020-ci ildə yenidən hərbi xidmətə çağrılmışdır. Gəncə şəhərində yerləşən "N" saylı hərbi hissələrdən birində yenidən hərbi xidmət etmişdir. Vətən müharibəsi bitdikdən sonra Goranboy rayonunda yerləşən "N" saylı hərbi hissədə hərbi xidmətini davam etdirmişdir. Dövlət Sərhəd Xidmətinin Sərhəd Qoşunlarının sıralarında müddətdən artıq hərbi xidmət qulluqçusu olmaq üçün sənədlərini təqdim etmiş və kursları başa vuraraq Sərhəd Qoşunlarının Xızı rayonunda yerləşən "N" saylı hərbi hissəsində, xüsusi təyinatlı bölüyün kəşfiyyat-minaaxtaran bölməsində müddətdən artıq hərbi xidmət etməyə başlamışdır. "Baş çavuş" rütbəsinə yüksələn Təbriz Rəhimov Zəngilan rayonunda hərbi xidmətini davam etdirirdi.[2]

2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan-Ermənistan sərhədində sərhəd toqquşması baş vermişdir. Döyüşlərdə Sərhəd Qoşunlarının baş çavuşu kimi iştirak edən Təbriz Rəhimov erməni hərbi birləşmələrinin onlarla əsgərini öldürərək 12 sentyabr 2022-ci ildə Zəngilan rayonu istiqamətində döyüş tapşırığını yerinə yetirərkən şəhid olmuşdur.[3] Nəşi yaşadığı evə gətirilərək doğulduğu Yevlax rayonunun Gülövşə kəndində dəfn edilmişdir. Dəfn mərasimində Yevlax Şəhər İcra Hakimiyyətinin Başçısı Anar Tağıyev, Milli Məclis sədrinin I müavini, Milli Məclisin deputatı Əli Hüseynli, Milli Məclisin deputatı İlham Məmmədov, Dövlət Sərhəd Xidməti Akademiyasının rəisi general mayor Aqil Babayev, YAP Yevlax rayon təşkilatının sədri Rafiq Əliyev, rayonun hüquq mühafizə orqanlarının və idarə müəssisələrinin rəhbərləri, rayon ictimaiyyətinin nümayəndələri, şəhidin yaxınları, kənd sakinləri iştirak etmişlər.[4]

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Təbriz Rəhimov Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra "Azərbaycan Bayrağı" ordeni və "Vətən uğrunda" medalı ilə təltif edilmişdir.[5]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. ↑ Azərbaycanın Müdafiə Nazirliyi. "2022-ci il sentyabrın 12-dən etibarən Ermənistan Silahlı Qüvvələrinin törətdiyi genişmiqyaslı təxribatların qarşısının alınması zamanı şəhid olan hərbi qulluqçuların siyahısı" (PDF). www.mod.gov.az (ingilis). 2022-09-17. 2022-09-17 tarixində arxivləşdirilib. İstifadə tarixi: 17.09.2022.
  2. ↑ "Oğul Vətən üçündür". www.xalqqazeti.com (az.). 29.09.2022. 2022-12-24 tarixində arxivləşdirilib. İstifadə tarixi: 24.12.2022.
  3. ↑ "Şəhid Təbriz Rəhimov Yevlaxda dəfn edilib - FOTO". www.sherg.az (az.). 14.09.2022. 2022-12-24 tarixində arxivləşdirilib. İstifadə tarixi: 24.12.2022.
  4. ↑ "Yevlaxdan olan Şəhid Təbriz Rəhimov dəfn edildi". www.yevlax-ih.gov.az (az.). 2022-09-15. 2022-12-24 tarixində arxivləşdirilib. İstifadə tarixi: 24.12.2022.
  5. ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
  6. ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
  7. ↑ Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
Mənbə — "https://az.wikipedia.org/w/index.php?title=Təbriz_Rəhimov&oldid=6853585"