Məzmuna keç

Təbriz Saat Qülləsi

Vikipediya, azad ensiklopediya
Təbriz Saat Qülləsi
Xəritə
Ümumi məlumatlar
Ölkə
Koordinatlar 38°04′25″ şm. e. 46°17′44″ ş. u.HGYO
Texniki detallar
Material kərpic
Vikianbarın loqosu Vikianbarda əlaqəli mediafayllar
Qüllənin qarşıdan görünüşü

Təbriz Bələdiyyəsinin binası olaraq da bilinən Saat Qülləsiİranın Şərqi Azərbaycan ostanının Təbriz şəhər bələdiyyəsinin əsas mərkəzi binasıdır.[2] Saat Qülləsi və ya sadəcə, Saat böyük zalı olan binadan, saatı olan qüllədən və cənub-qərb tərəfində yerləşən kiçik bağdan ibarətdir. Bağın ortasında fəvvarəsi olan dairəvi hovuz yerləşir.

Tarixi

[redaktə | vikimətni redaktə et]
Muzey hissəsi

Saat Qülləsi adlanan bu bina 1934-cü ildə tikilmişdir. Tikildiyi dövrdən şəhər bələdiyyəsinin mərkəzi kimi fəaliyyət göstərən bina, İkinci Dünya müharibəsindən sonra Azərbaycan Milli Hökumətinin mərkəzi binasına çevrilmişdir.

Azərbaycan Milli Hökuməti İran qoşunları tərəfindən devrildikdən sonra bina yenidən şəhər bələdiyyəsinin mərkəzi ofisi kimi fəaliyyət göstərməyə başladı. Hal-hazırda da bina bələdiyyənin mərkəzi binasıdır.

Rus işğalı zamanı ziyan görmüş saat zəngi. Muzeydə saxlanılır.

Dəyişikliklər

[redaktə | vikimətni redaktə et]
Saat Qülləsinin bağçası

1990-cı illərdə liftin qurulması zamanı saatın verandalarından biri zədələndi. Saatın qülləsinin üst hissəsindəki qübbə 2008-ci ildə yenidən rəngləndirildi. Gümüş rəngli şüşələrin əvəzinə xaki rəngli lif şüşələrdənistifadə edildi. Binanın bir hissəsi 2007-ci ildən Təbriz şəhər Bələdiyyə Muzeyi kimi istifadəyə verildi.

Bələdiyyə Muzeyi

[redaktə | vikimətni redaktə et]

Son illərdə binanın bir hissəsi muzey kimi təşkil edildi. Muzeydə Təbriz şəhərinin tarixi xəritələri və Təbrizdəki tikililərin tarixi şəkilləri, rekonstruksiya materialları sərgilənir. Muzeydə həmçinin şəhərdə ilk dəfə istifadə edilən bəzi şeylər də sərgilənir. Məsələn, ilk film çəkmə ləvazimatları, ilk taksi xidməti göstərən maşın və yanğın söndürmə alətləri. Təbriz toxuçuluq sənayesinin ən yaxşı nümunələrindən bəziləri də bu muzeydə sərgilənir.

Mərasimlər

[redaktə | vikimətni redaktə et]

Bina şəhərin tam mərkəzində yerləşdiyindən, tarixi boyü bir sıra mərasimlərə ev sahibliyi etmişdir. 1945–1946-cı illərdə Azərbaycan Milli Hökumətinin mərkəzi binası olmuşdur.

  • Hər İran yeni ilində (20 mart) binanın qarşısında böyük bir Həft Sin yaradılır.
  • 2014-cü ildən Təbriz şəhəri yer saatını Saat Qülləsinin işiqlarını söndürərək qeyd edir.[3]

Qalereya

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ Wiki Loves Monuments monuments database. 2017.
  2. ↑ "پایگاه اطلاع رسانی و فرهنگی شهریار". shahryarnews.net. 31 mart 2014 tarixində orijinalından arxivləşdirilib. İstifadə tarixi: 6 fevral 2018.
  3. ↑ "Arxivlənmiş surət". 31 mart 2014 tarixində orijinalından arxivləşdirilib. İstifadə tarixi: 6 fevral 2018.
Mənbə — "https://az.wikipedia.org/w/index.php?title=Təbriz_Saat_Qülləsi&oldid=8279614"