Təhmuraz Abbasov

Vikipediya, açıq ensiklopediya
Jump to navigation Jump to search
Təhmuraz Abbasov
Təhmuraz Əbülfəz oğlu Abbasov
Doğum tarixi 2 may 1958(1958-05-02)
Doğum yeri Ağdam,Qiyaslı k. Azərbaycan
Vətəndaşlıq Flag of Azerbaijan.svg Azərbaycan
Elm sahəsi riyaziyyat
Elmi dərəcəsi texnika elmləri namizədi
Təhsili ali

Təhmuraz Abbasov - texnika elmləri namizədi

Həyatı[redaktə | əsas redaktə]

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Təhmuraz Əbülfəz oğlu Abbasov 2 may 1958 ildə Ağdamın Qiyaslı kəndində dünyaya gəlmişdir. Moskva Avtomexanika İnstitutunda təhsil almış (1976-81), "Aviasiya və avtomobillərin elektrik təchizatı" ixtisası üzrə fərqlənmə diplomu ilə bitirmişdir. O, Bakı "Aqreqat" İstehsalat Birliyində mühəndis işləmiş, 1987-1990 illərdə Azərbaycan Neft-Kimya İnstitutunun (indiki Azərbaycan Dövlət Neft Akademiyası) aspiranturasının "Elektrotexnikanın nəzəri əsasları" kafedrasının əyani şöbəsində təhsil almışdır. 1991 ildə "Aparıcı mühitin reoloji xüsusiyyətlərini nəzərə almaqla dəmir tərkibli hissəciklərin qeyri-bircins maqnit sahəsində çökdürülməsi" mövzusunda dissertasiya müdafiə etmişdir

Təhmuraz Abbasov Azərbaycan Neft-Kimya İnstitutunun (indiki Azərbaycan Dövlət Neft Akademiyası) 1991 ildə "Elektrotexnikanın nəzəri əsasları" kafedranın assistenti (1991), həmin kafedrasının dosenti (1994) olmuşdur. 1996 ildə Türkiyə Respublikası İnönü universitetinin Mühəndislik fakültəsi, Elektrik-elektronik mühəndisliyi bölümündə dosent, 1998 ildən isə həmin universitetin professorudur.

Elmi fəaliyyəti[redaktə | əsas redaktə]

Təhmuraz Abbasovun 100-ə qədər elmi əsəri çar edilmişdir. Bunlar 1 monoqrafiya, 4 metodi iş, 5 patent, çoxsaylı məqalələr, konfrans və simpoziumlarda edilən mə’ruzələrdir. Onun məqalələrinin 20-dən çoxu dünyanın aparıcı elmi-texniki jurnallarında çap edilmişdir.

Təhmuraz Abbasovun elmi fəaliyyətinin elmi-texniki istiqamətləri əsasən aşağıdakılardır: elektrik dövrələrinin analizi və sintezi, elektromaqnit sahələrinin hesablanması və modelləşdirilməsi, elektrik maşınlarının modelləşdirilməsi, texnoloci proseslərin elektrik dövrəsi vasitəsilə modelləşdirilməsi, ekoloci problemlərin fiziki (elektrik və maqnit) metodlarla həll edilməsi, elektromaqnit filtrlərin nəzəriyyəsi, konstruksiyası və tətbiqi, maqnitli mayelər.

Təhmuraz Abbasovun qısa tərcümeyi-halı və elmi fəaliyyəti barədə mə’lumat "Türkiyədə kim-kimdir" ensiklopedik məcmuəsinə (VII,2000) daxil edilmiş, 2000 ildə Amerika Kimya Mühəndisləri Cəmiyyətinə üzv seçilmişdir.

Təhmuraz Abbasov Almaniya, İngiltərə, Macarıstan, Polşa, Bolqarıstan, Türkiyə, UkraynaRusiyada keçirilən konfransların iştirakçısı olmuşdur.

Mənbə[redaktə | əsas redaktə]

  • Orxan Məmmədov(Baharlı). Ağdamın adlı-sanlı pedaqoqları, alimləri. Bakı, Sabah, 2001

Həmçinin bax[redaktə | əsas redaktə]