Tələt Qasımov

Vikipediya, açıq ensiklopediya
Jump to navigation Jump to search
Picto infobox character.png
TƏLƏT QASIMOV
Fotoqrafiya
Doğum tarixi
21 iyun 1933(1933-06-21)
Doğum yeri Bakı
Vəfat tarixi 28 iyul 2013 (80 yaşında)
Vəfat yeri Bakı, Azərbaycan
Vəfat səbəbi ürək tutması
Peşəsiincəsənət xadimi

Qasımov Tələt — Azərbaycan Respublikasının Xalq artisti.

Həyatı[redaktə | əsas redaktə]

Qasımov Tələt Məmmədağa oğlu 21 iyun 1933-cü ildə Bakı şəhərində anadan olmuşdur. Erkən yaşlarından musiqiyə həvəs göstərərək, əvvəlcə dini musiqiyə çox meyl etmiş və mərsiyəxan olmuşdur. Sonradan isə xanəndəlik sənətinə gəlmişdir.

O, Zülfi Adıgözəlov, Hacıbaba Hüseynov kimi ustad sənətkarlardan muğamın sirrlərini dərindən mənimsəyərək, onların ənənələrini davam etdirmişdir. İllər keçdikcə, xanəndə kimi sənətini təkmilləşdirən Tələt Qasımov öz dəst-xətti ilə tanınmışdır. Tələt Qasımovun repertuarı zəngindir.

O, bir çox muğamları və təsnifləri məharətlə və xüsusi şövqlə ifa edir. Onun ifasında “Rast”, “Şur”, “Seygah-Zabul” muğam-dəstgahları , “Şüştər” təsnifləri AzTR Fondunda saxlanılır. Tələt Qasımov Azərbaycan Dövlət Filarmoniyasının solistidir.

Muğam sənətinin mahir ifaçılarından biri olan Tələt Qasımovun milli musiqi mədəniyyətimizin inkişafında müstəsna xidmətləri vardır. Ustad sənətkarlardan dərs alan T.Qasımov muğam ifaçılığı ənənələrini ömrünün sonunadək müvəffəqiyyətlə davam etdirmişdi. "Rast", "Zabul segah", "Şur", "Hümayun" muğamlarını, habelə Azərbaycan xalq mahnılarını özünəməxsus tərzdə ifa edən sənətkar musiqisevərlərin məhəbbətini qazanmışdır.

O, uzun illər "Azərkonsert" Birliyinin solisti olmuş, musiqi mədəniyyətimizi dünyanın müxtəlif ölkələrində–Türkiyədə, İranda, Almaniyada, Rusiyada, Misirdə, Əlcəzairdə, Tunisdə, Mərakeşdə ləyaqətlə təmsil etmişdir.

Ustad sənətkarın ifa etdiyi muğamlar musiqi mədəniyyəti salnaməsinə daxil olmuşdur.

Tələt Qasımov Azərbaycan Respublikasının Xalq artistidir.

O, 2013-cü il iyulun 28-də ürək tutmasından vəfat etmişdir[1].

İstinadlar[redaktə | əsas redaktə]

  1. Xalq artisti dünyasını dəyişdi - İtki  (azərb.)

Xarici keçidlər[redaktə | əsas redaktə]