Təranə Əlidostu

Təranə Əlidostu
Təranə Əlidostu
	fars. ترانه علیدوستی‎
Doğum tarixi	12 yanvar 1984 (42 yaş)
Doğum yeri	Tehran, Tehran şəhristanı, Tehran ostanı, İran;
Uşağı	1
Atası	حمید علیدوستی[d]
Fəaliyyəti	aktrisa, tərcüməçi, kino aktrisası
Fəaliyyət illəri	2002-ci ildən
IMDb	ID1267552
	Vikianbarda əlaqəli mediafayllar

Təranə Əlidostu (fars. ترانه علیدوستی‎; 12 yanvar 1984, Tehran) — İran aktrisası.

Həyatı

Təranə Əlidostu İran futbol yığmasının oyunçusu Həmid Əlidostunun ailəsində anadan olmuşdur. Anası isə heykəltəraşlıqla məşğul olub. Təranənin kinematoqrafda debütü 17 yaşına təsadüf edir. O zaman Rəsul Sədr Əməlinin "Mən Təranəyəm, 15 yaşım var" filmində baş rolu ifa etmişdi. Bu roluna görə o, Lokarno Film Festivalında ən yaxşı aktrisa kimi "Gümüş bəbir"^[1] və Fəcr Beynəlxalq Film Festivalında "Büllur simurq" mükafatlarına layiq görülmüşdür.^[2] İkinci mükafata layiq görülən ən gənc ifaçı kimi tarixə düşüb.

Təranə Əlidostu tanınmış İran kinorejissoru Əsgər Fərhadi ilə sıx əməkdaşlıq edir. Aktrisa onun "Gözəl şəhər", "Atəşfəşanlıq çərşənbəsi", "Elli haqqında" və "Satıcı" filmlərində çəkilmişdir. Sonuncu filmdə ifa etdiyi rola görə 2016-cı ilin Kann Film Festivalında Ən yaxşı aktrisa nominasiyasına namizədlərdən biri olub. Aktrisa həmçinin, 2008-ci ildə İran kinosunun klassiki Abbas Kiyarüstəminin "Şirin" filminə çəkilərək kinozalda əyləşmiş yüzlərlə tamaşaçıdan birini ifa etmişdir.

Təranə Əlidostu kino ilə yanaşı, teatrda da fəaliyyət göstərir. 2017-ci ildə Donald Trampın yürütdüyü siyasətə etiraz əlaməti olaraq, "Oskar" mükafatının təqdimetmə mərasimində iştirakdan imtina etmişdir.^[3]

Təranə Əlidostu 2022-ci ilin dekabrında Məhsa Əmini etirazları iştirakçılarından birinin edamına həsr etdiyi instaqram paylaşımından sonra həbs olunmuşdur.^[4]^[5]^[6] Bu paylaşımında Əlidostu İran hakimiyyətinin fəaliyyətinə reaksiya verməyən beynəlxalq təşkilatları tənqid etmişdi. 3 həftədən sonra zaminə buraxılıb.

Şəxsi həyatı

Təranə Əlidostu ailəlidir. 2013-cü ildə qızı anadan olub.^[7]

Filmoqrafiya

İl	Azərbaycanca adı	Orijinal adı	Rol
2002	Mən Təranəyəm, 15 yaşım var	fars. من ترانه ۱۵ سال دارم‎	Təranə
2004	Gözəl şəhər	fars. شهر زیب‎	Firuzə
2006	Atəşfəşanlıq çərşənbəsi	fars. چهارشنبه سوری‎	Ruhi
2008	Xanaan	fars. کنعان‎	Minə
2008	Şirin	fars. شیرین‎	kinozaldakı tamaşaçı
2008	Şübhə	fars. تردید‎	Məhtab
2009	Elli haqqında	fars. درباره الی‎	Elli
2012	Sadə hiylə	fars. پذیرایی ساده‎	Leyla
2012	Səkkizinci küçənin axırında	fars. انتهای خیابان هشتم‎	Nilufər
2014	Nikah	fars. زندگی مشترک آقای محمودی و بانو‎	Sənaz
2014	Atom ürək	fars. مادر قلب اتمی‎	Sənaz
2016	Satıcı	fars. فروشنده‎	Rəna
2022	Leylanın qardaşları	fars. برادران لیلا‎	Leyla
2022	Çıxma	fars. تفریق‎	Fərzanə

İstinadlar

↑ "Locarno holds up a mirror to the Middle East". Swissinfo. 16 dekabr 2013 tarixində arxivləşdirilib. İstifadə tarixi: 1 avqust 2016.
↑ "Taraneh Alidoosti, taraneh alidoosti, ترانه, tarane alidosti, taraneh ali, taraneh alidoosto, Tarantel alidoosti, Taranaeh, trane alidoosti, Taraneh, ترانه taraneh, ترانه علید…". 6 oktyabr 2014 tarixində arxivləşdirilib. İstifadə tarixi: 1 avqust 2016.
↑ "Иранская актриса отказалась присутствовать на «Оскаре» из-за Трампа". 28 yanvar 2017 tarixində arxivləşdirilib. İstifadə tarixi: 27 yanvar 2017.
↑ "Иран: Таране Алидусти освобождена". 4 yanvar 2023 tarixində arxivləşdirilib. İstifadə tarixi: 4 yanvar 2023.
↑ Lida Abbaslı. "100 gündür İranda etiraz aksiyaları keçirilir - Bu tarixdə baş verənlər..." (az.). Anews. 26.12.2022. 2024-08-10 tarixində arxivləşdirilib. İstifadə tarixi: 2024-08-10.
↑ Hikmət. "Tramp Madonnanı iyrənc adlandırdı" (az.). Ölkə.az. 27.01.2017. İstifadə tarixi: 2024-08-10.^{[ölü keçid]}
↑ Agence France Press. "Feminism debate sparked after Iranian actress Taraneh Alidoosti reveals tattoo" (ingilis). The National. 10 avqust 2024 tarixində arxivləşdirilib. İstifadə tarixi: 10 avqust 2024.

Xarici keçidlər

Vikianbarda Təranə Əlidostu ilə əlaqəli mediafayllar var.

Təranə Əlidostu — IMDb səhifəsi

[1] "Locarno holds up a mirror to the Middle East". Swissinfo. 16 dekabr 2013 tarixində arxivləşdirilib. İstifadə tarixi: 1 avqust 2016.

[2] "Taraneh Alidoosti, taraneh alidoosti, ترانه, tarane alidosti, taraneh ali, taraneh alidoosto, Tarantel alidoosti, Taranaeh, trane alidoosti, Taraneh, ترانه taraneh, ترانه علید…". 6 oktyabr 2014 tarixində arxivləşdirilib. İstifadə tarixi: 1 avqust 2016.

[3] "Иранская актриса отказалась присутствовать на «Оскаре» из-за Трампа". 28 yanvar 2017 tarixində arxivləşdirilib. İstifadə tarixi: 27 yanvar 2017.

[4] "Иран: Таране Алидусти освобождена". 4 yanvar 2023 tarixində arxivləşdirilib. İstifadə tarixi: 4 yanvar 2023.

[5] Lida Abbaslı. "100 gündür İranda etiraz aksiyaları keçirilir - Bu tarixdə baş verənlər..." (az.). Anews. 26.12.2022. 2024-08-10 tarixində arxivləşdirilib. İstifadə tarixi: 2024-08-10.

[6] Hikmət. "Tramp Madonnanı iyrənc adlandırdı" (az.). Ölkə.az. 27.01.2017. İstifadə tarixi: 2024-08-10.^{[ölü keçid]}

[7] Agence France Press. "Feminism debate sparked after Iranian actress Taraneh Alidoosti reveals tattoo" (ingilis). The National. 10 avqust 2024 tarixində arxivləşdirilib. İstifadə tarixi: 10 avqust 2024.

[1]

[2]

[3]

[4]

[5]

[6]

[7]