Təranə Hacıyeva

Vikipediya, açıq ensiklopediya
Jump to navigation Jump to search
Təranə Hacıyeva
Təranə İmamverdi qızı Hacıyeva
Təranə Hacıyeva.jpg
Doğum tarixi 11 noyabr 1965 (1965-11-11) (53 yaş)
Doğum yeri Bakı şəhəri
Vətəndaşlıq Flag of Azerbaijan.svg Azərbaycan

Həyatı[redaktə | əsas redaktə]

Təranə İmamverdi qızı Hacıyeva 1965-ci il noyabr ayının 11-də Bakı şəhərində ziyalı ailəsində anadan olmuşdur. Azərbaycan Respublikası Təhsil Nazirliyinin Monitorinq və qiymətləndirmə şöbəsinin müdiri vəzifəsində həmçinin Bakı Mühəndislik Universitetinin müəllimi vəzifəsində çalışır.

1982-ci ildə Bakı şəhəri 7 nömrəli tam orta məktəbini, 1989-cu ildə isə Bakı Dövlət Universitetinin filologiya fakültəsini fərqlənmə diplomu ilə bitirmişdir. 1982-ci ildən Bakı Dövlət Universitetində çalışıb. Hal-hazırda Ümumi dilçilik kafedrasında əvəzçi müəllim kimi fəaliyyət göstərir.

2001-ci ildə filologiya üzrə fəlsəfə doktoru elmi dərəcəsini almaq üçün “Azərbaycan klassik aşıq poeziyasının üslubi-poetik sintaksisi” (Qurbani, Xəstə Qasım, Tufarqanlı Abbasın şeirləri əsasında) mövzusunda, 2008-ci ildə isə filologiya elmləri doktoru alimlik dərəcəsini almaq üçün “Qloballaşmanın dilə təsirinin linqvopolitoloji problemləri” mövzusunda dissertasiyalarını müdafiə etmişdir. Filologiya elmləri doktorudur. 4 monoqrafiya, 2 dərs vəsaiti və 80-ə qədər elmi məqalənin müəllifidir. 2005-ci ildə “Qloballaşma və dil” mövzusunda etdiyi məruzəyə görə AMEA-nın Bakı Dilçilik Məktəbinin keçirdiyi müsabiqədə fəxri diploma layiq görülmüşdür. Təranə Hacıyevanın müdafiə etdiyi doktorluq dissertasiyası dünyanın ilk linqvopolitoloji tədqiqatlarındandır və müəllif bu mövzuya müraciət etməklə Azərbaycan dilçiliyində linqvopolitologiyanın əsasını qoymuşdur. Dissertasiya eyni zamanda Azərbaycanda “Qloballaşma və dil” mövzusunda aparılan ilk fundamental tədqiqatdır.

Təranə İmamverdi qızı Hacıyeva Azərbaycan Təhsil sistemində qiymətləndirmə mövzusunda müxtəlif vaxtlarda dünya, regional və Respublika səviyyəli konfranslarda təqdimatlar etmişdir (“Qiymətləndirmə - milli təhsil siyasətinin strateji inkişaf istiqamətidir”, “Təhsilin idarə olunmasında təhsilalanların nailiyyətlərinin qiymətləndirilməsi nəticələrindən istifadə”, “Оценивание – основной фактор, определяющий качество образования”, “Yaponiya təhsil sistemi”, “İbtidai təhsil səviyyəsində məktəbdaxili qiymətləndirmənin aparılması”, “PISA-2006 beynəlxalq qiymətləndirməsi”, “PISA-2009 beynəlxalq qiymətləndirməsi”, “Milli Qiymətləndirmə 2009”, “Milli Qiymətləndirmə 2011” adlı təqdimatlar).

Müxtəlif illərdə Avstraliya, Yaponiya, İtaliya, Latviya, Belçika, Bosniya, Böyük Britaniya, Fransa və İsveçrədə tədris səfərlərində olmuşdur. Həmin tədris səfərlərində öyrəndiyi təcrübə əsasında Təhsil Nazirliyinin rəhbərliyi və kollektivi qarşısında müvafiq mövzuda təqdimatlar keçirmişdir.

Ailəlidir, 2 övladı var.

İstinadlar[redaktə | əsas redaktə]