Təranə Xudabaxşiyeva

Vikipediya, azad ensiklopediya
Jump to navigation Jump to search
Təranə Xudabaxşiyeva
Doğum tarixi 2 noyabr 1988 (1988-11-02) (31 yaş)
Doğum yeri SSRİ, Azərbaycan SSR, Bakı
Vətəndaşlığı Azərbaycan Azərbaycan
Milliyyəti azərbaycanlı
İxtisası kulturoloq, jurnalist
Təhsili ali
Fəaliyyəti jurnalist
Saytı teraneanka.com

Təranə Xudabaxşiyeva (2 noyabr 1988, Bakı, Azərbaycan SSR, SSRİ) — Azərbaycanlı idman jurnalisti, yazıçı, qiraətçi, ssenarist, Azərbaycan Taekvondo Federasiyasının milli hakimi, Avropa.az internet radiosunun aparıcısı.

Həyatı[redaktə | əsas redaktə]

Təranə Xudabaxşiyeva 2 noyabr 1988-ci ildə Bakıda anadan olmuşdur. 1995-2006-cı illərdə Bakı şəhəri 96 nömrəli tam orta məktəbdə təhsil almışdır. 2006-cı ildə Azərbaycan Dövlət Mədəniyyət və İncəsənət Universitetinin Kulturologiya fakültəsinin "Muzey işi və abidələrin mühafizəsi" ixtisasına daxil olub. 2010-cu ildə universiteti fərqlənmə diplomu ilə bitirib. 2011-ci ildə Bakı Slavyan Universitetinin Yaradıcılıq fakültəsinə daxil olub. 2013-cü ildə həmin universiteti bitirib.

Karyerası[redaktə | əsas redaktə]

Avropa.az internet radiosunda "Romantic time" verilişinin aparıcısıdır.

2006-cı ildən taekvondo ilə "Neftçi İSM"-də məşğul olmağa başlamışdır. İdmançı karyerasına çox gec - 18 yaşında başlamasına baxmayaraq, artıq 1 il sonra Azərbaycan çempionatında 2-ci yeri tutmuşdur. Zədəsi ilə bağlı olaraq, 2010-cu ildə peşəkar idmançı karyerasını başa vurur və taekvondo hakimi kimi fəaliyyətə başlayır. Hazırda da bu sahədə fəaliyyət göstərir. 2011, 2012, 2013-cü illərdə Azərbaycan cempionatının hakimi, 2011, 2012-ci illərdə "Azərbaycan Open" beynəlxalq yarışların hakimi kimi iştirak edib. Bundan əlavə ölkə ərazisində keçirilən bir çox yarışları hakim kimi idarə edib. Məsələn, "Göyçay Open", "Tovuz Open", "Lənkəran Open" və s. Eynilə 2012, 2013-cü illərdə Bakı çempionatını da idarə edib.

2011-ci ildən idman jurnalistidir. Bir çox saytlarda köşələrilə idman mediasında məşhurlaşıb. Hazırda Avropa.az radiosunda "Ekstra Debat" idman verilişini aparır.

2012-ci ildən Gələcəyə Addım Gənclər Təşkilatının sədridir. Gənclər təşkilatı olaraq bir çox layihələri həyata keçirilib.

2013-cü il Novruz bayramı ilə bağlı "Əsgərləri tək qoymayaq" adlı bayram konsert proqramı.

2013-cü il sentyabr ayından Step adlı Gənclər təşkilatlarını və lider gəncləri tanıtmaq məqsədi ilə Step verlişi. (hal hazırda da davam edir.) Hər bazar 18:00-da Avropa.az radiosunda.

19 yanvar 2014-cü il "Biz müharibəyə hazırıq" adlı layihə. Bütün radio aparıcıları birləşərək Şəhidlər xiyabanını ziyarət edib və sonra paintball oynayaraq müharibəyə hazır olduqlarını nümayiş etdiriblər.

Uğurları[redaktə | əsas redaktə]

  • 2011 - Azərbaycanda "İlin ən yaxşı taekvondo hakimi".
  • 2012 - Azərbaycanda "İlin ən yaxşı taekvondo hakimi".
  • Çəkdiyi ilk filmi "Qələmdən kadra" festivalında dördüncü olmuşdur[1].
  • 2011 - Mübariz İbrahimov adına gənclərin ümumrespublika teatr festivalında "Həqiqət axtarışında" əsəri səhnələşdirilib.
  • 2012 - "Qələmdən kadra" film festivalında çəkdiyi "Kor rəssam" əsəri ilə dördüncü olub.
  • 2013 - Taekvondo üzrə kəmər imtahanindan keçərək "İkinci dan qara kəmər"ə laiq görülüb.
  • 2013 - Gənc yazarların birlikdə yer aldığı "Ömür Analogiyası" kitabında bir neçə hekayəsi çap olunub.

İstinadlar[redaktə | əsas redaktə]

Xarici keçidlər[redaktə | əsas redaktə]