Tərlan Əliyarbəyov

Vikipediya, açıq ensiklopediya
Keçid et: naviqasiya, axtar
Tərlan Əliyarbəyov
Tərlan Abdulla oğlu Əliyarbəyov
Tərlan Əliyarbəyov.jpg
Doğum tarixi: 28 noyabr 1892(1892-11-28)
Doğum yeri: Ağsu
Vəfat tarixi: 15 fevral 1956 (63 yaşında)
Vəfat yeri: Bakı
Təltifləri: "Lenin" ordeni

Əliyarbəyov Tərlan Abdulla oğlu (d. 28 noyabr 1892, Ağsu - ö. 15 fevral 1956, Bakı) — sovet hərbi xadimi[1].

Həyatı[redaktə | əsas redaktə]

Tərlan Əliyarbəyov 28 noyabr 1892-ci ildə Ağsu kəndində (indiki Ağsu şəhəri) anadan olmuşdur. 1914-cü ildə Tiflis hərbi məktəbini bitirmişdir. 1914-1918-ci illərdə Birinci dünya müharibəsində iştirak etmiş, Şamaxı alayı tərkibində rota (bölük) və batalyon (tabor) komandiri olmuşdur. 1918-1919-cu illərdə Müsavat ordusunda alay komandiri, həmçinin Bakı şəhər rəisinin müavini olmuşdur.

1920-ci ildə Azərbaycanın rus ordusu tərəfindən işğalından sonra könüllü şəkildə "Qızıl" Orduya qatılmışdır. 1923-1929-cu illərdə Azərbaycan SSR hərbi komissarının köməkçisi və ərazi idarəsinin rəisi vəzifəsində çalışmışdır. 1925-1931-ci illərdə Azərbaycan Mərkəzi İcraiyyə Komitəsinin üzvlüyünə namizəd seçilmişdir. Azərbaycan SSR Ali Sovetinin (2-ci çağırış) deputatı olmuş, 1927-ci ildə M.V.Frunze adına Hərbi Akademiyada Ali Komanda heyəti kursunu bitirdikdən sonra Bakıya qayıdan Əliyarbəyov hərbi istedadını milli hərbi kadrların yetişdirilməsinə sərf etmişdir. 1932-ci ildə Azərbaycan Neft İnstitutunda hərbi-pedaqoji fəaliyyət göstərmişdir. O, ikinci dəfə (1941-ci il) M.V.Frunze adına Ali Hərbi Akademiyanı bitirəndə Böyük Vətən Müharibəsi başlanmışdı. Cəbhəyə səfərbər olunan polkovnik Tərlan bəy Əliyarbəyov 1942-ci il oktyabrın 15-də azərbaycanlılardan ibarət 416-cı diviziyanın komandir müavini, üç ay sonra isə komandiri təyin edilir. Müharibə illərində Tərlan bəy Əliyarbəyovun döyüş xidmətləri yüksək qiymətləndirilərək 1944-cü il fevralın 9-da ona general-mayor rütbəsi verilmişdir. 1946-1948-ci illərdə Azərbaycan SSR maarif nazirinin müdafiə işləri üzrə müavini işləmişdir. Azərbaycan SSR Ali Sovetinin (2-ci çağırış) deputatı olmuşdur. 1948-ci ildə istefaya çıxmışdır. Peşəkar hərbçi, igid general Tərlan bəy Əliyarbəyov 1956-cı ildə fevral ayının 15-də Bakı şəhərində vəfat etmiş, Fəxri Xiyabanda dəfn olunmuşdur.

Mükafatları[redaktə | əsas redaktə]

  • Lenin ordeni
  • Qırmızı Bayraq ordeni
  • Qırmızı Ulduz ordeni
  • Müxtəlif medallar

Xatirəsi[redaktə | əsas redaktə]

İstinadlar[redaktə | əsas redaktə]

  1. Алиярбеков Тарлан Абдулла оглу, генерал-майор.

Mənbə[redaktə | əsas redaktə]

  • Боков Ф.Е. Бессмертный подвиг сынов Азербайджана, 1971, Азербайджанская ССР в период Великой Отечественной войны 1941-1945 гг 1976
  • ASE IV cild

Xarici keçidlər[redaktə | əsas redaktə]