Tacəssəltənə

Zəhra Xanım Tacəssəltənə
زهرا خانم تاج السلطنه
Doğum tarixi	1883
Doğum yeri	Tehran
Vəfat tarixi	25 yanvar 1936
Vəfat yeri	Tehran, Tehran şəhristanı, Tehran ostanı, İran
Dəfn yeri	Zahir əd-Dövlə qəbiristanlığı, Təcriş, Tehran
Atası	Nəsrəddin şah Qacar
Anası	Turan Əssəltənə
Fəaliyyəti	yazıçı
Vikianbarda əlaqəli mediafayllar

Zəhra Xanım Tacəssəltənə (14 fevral 1883, Tehran – 25 yanvar 1936, Tehran) — İran şahzadəsi və Qacarlar sülaləsinin memuaristi. Nasirəddin şah Qacarın Turan Əssəltənədən olan qızı.

Həyatı

Zəhra Xanım Tacəssəltənə 1884-cü (bəzi mənbələrdə 1883) ildə Nəsrəddin şah Qacarla onun həm də əmisi qızı olan həyat yoldaşı Məryəm Turan əl-Səltənənin qızı olaraq dünyaya gəlmişdir. Uşaqlıq illərinin böyük bir hissəsi onun təlim tərbiyəsi ilə məşğul olan tərbiyəçi qadın və tibb bacısı ilə keçmişdir. Belə ki, o anasını gün ərzində yalnız iki dəfə görürdü. Hər dəfə şah Tehrana gələndə onu gündə 1 dəfə də atasının yanına aparırdılar. Tacəssəltənə sonralar öz xatirələrində uşaqlıq illərini acı və tənqidi xatırlayır. Tacəssəltənə ibtidai təhsilinə 7 yaşında kral məktəbində başlasa da, 1893-cü ildə nişanlanması onun təhsilini yarımçıq qoymuşdur. Sonrakı illərdə onun bir neçə şəxsi tərbiyəçisi var idi. Onların bəziləri haqqında xatirələrində ətraflı məlumatlar vermişdir.

Ailəsi

Tac Əssəltənə хanım Şücaəssəltənə Əmir Həsən хan Mirzə Məhəmmədbağır хan Sərdari-Əkrəm oğlu ilə ailə qurmuşdu. Dörd oğlu vardı.

Tehran şəhərinin Təcriş bölgəsindəki Zahir əd-Dövlə qəbiristanlığında dəfn olunmuşdur.

Mənbə

• Ənvər Çingizoğlu, Qacarlar və Qacar kəndi, Bakı, "Şuşa", 2008, 334 səh.

Xarici keçidlər

• Crowning Anguish, Memoirs of a Persian Princess from the Harem to Modernity Arxivləşdirilib 2009-06-19 at the Wayback Machine
• A brief history of women's movements in Iran 1850 – 2000 payvand