Taleh Qaraşov

Taleh Qaraşov
Lənkəran rayonunun icra başçısı 14 aprel 2012 — hal-hazırda
Astara rayonunun icra başçısı 26 aprel 2011 — 14 aprel 2012
Neftçala rayonunun icra başçısı 8 avqust 2006 — 26 aprel 2011
Cəlilabad rayonunun icra başçısı 8 may 2002 — 8 avqust 2006
Kürdəmir rayonunun icra başçısı 1996 — 8 may 2002
Şəxsi məlumatlar
Partiya	Yeni Azərbaycan Partiyası
Təhsili	Azərbaycan Memarlıq və İnşaat Universiteti
Doğum tarixi	20 may 1959(1959-05-20) (61 yaş)
Doğum yeri	Pirəköcə, Kürdəmir rayonu, Azərbaycan
Təltifləri

Taleh Azay oğlu Qaraşov (20 may 1959(1959-05-20), Pirəköcə, Kürdəmir rayonu) — azərbaycanlı dövlət xadimi; Kürdəmir rayonunun icra başçısı (1996—2002), Cəlilabad rayonunun icra başçısı (2002—2006), Neftçala rayonunun icra başçısı (2006—2011), Astara rayonunun icra başçısı (2011—2012) və Lənkəran şəhərinin icra başçısı (2012—).

Həyatı

Taleh Qaraşov 20 may 1959-cu ildə Kürdəmir rayonunun Pirəköçə kəndində anadan olmuşdur. 1981-ci ildə Azərbaycan İnşaat Mühəndisləri İnstitutunu, 1987-ci ildə Bakı Politologiya və Sosial İdarəetmə İnstitutunu bitirmişdir. İxtisası inşaatçı-mühəndis və Politoloqdur.

1981-1982-ci illərdə Kürdəmir rayonundakı 4 saylı “Şirvanmeliosutikinti” trestində mühəndis, 1982-1983-cü illərdə Kürdəmir KP rayon Komitəsində təlimatçı, 1983-1986-cı illərdə Kürdəmir rayon Komsomol Komitəsinin birinci katibi, 1986-1991-ci illərdə Azərbaycan KP Kürdəmir rayon Komitəsində şöbə müdiri, 1991-1996-cı illərdə Kürdəmir Rayon İcra Hakimiyyəti başçısının müavini, 1996-2002-ci illərdə Kürdəmir Rayon İcra Hakimiyyətinin başçısı, 2002-2006-cı illərdə Cəlilabad Rayon İcra Hakimiyyətinin başçısı, 2006-2011-ci illərdə Neftçala Rayon İcra Hakimiyyətinin başçısı, 2011-2012-ci illərdə isə Astara Rayon İcra Hakimiyyətinin başçısı vəzifələrində çalışmışdır.

Azərbaycan Respublikasının Prezidentinin 14 aprel 2012-ci il tarixli Sərəncamı ilə Lənkəran Şəhər İcra Hakimiyyətinin başçısı vəzifəsinə təyin olunmuşdur. Sakinlərin ən çox narazı olduğu icra başçılarından biridir.

Ailəlidir, 3 övladı var.

Xarici keçidlər

• Neftçala Rayon İcra Hakimiyyətinin rəsmi saytı
• Azərbaycan Respublikası Prezidentinin Sərəncamı