Tamilla Qulami

Vikipediya, açıq ensiklopediya
Jump to navigation Jump to search

Tamilla Famil qızı Qulami - (01.10.1983-cü il Tərtər) Azərbaycan Ümid Partiyası sədrinin müavini, Azərbaycan-Avropa Hərəkatının idarə heyətinin üzvü, 125-lər siyasi klubunun sədr müavini, Binəqədi Bələdiyyəsinin Yerli Ekologiyalar Daimi Komissiyasının üzvü, köşə yazarı, aparıcı-jurnalist, siyasətçi, 1 noyabr 2015-ci il Azərbaycan Respublikasının Milli Məclisinə seçkilərdə deputatlığa namizəd[1]


Həyatı[redaktə | əsas redaktə]

Tamilla Famil qızı Qulami 1 oktyabr 1983-cü ildə doğulub. Orta təhsilini Tərtər şəhər 6 saylı orta məktəbdə başlayıb, Bakı şəhəri Xətai rayonu 88 saylı orta məktəbdə davam etdirib.2001-ci ildə Bakı şəhəri üzrə keçirilən Texniki Fənnlər Olimpiadasında 1-ci yeri tutub. 2001-2005-ci illər ərzində Azərbaycan Dövlət Mədəniyyət və İncəsənət UniversitetininKulturologiya” fakültəsinin bakalavr pilləsini bitirib. “Muzeyşünaslıq-maddi və mədəni abidələrin qorunması və bərpası” ixtisası üzrə “Münaqişə zonalarında təcavüzə uğramış maddi mədəni abidələrin qorunmasında beynəlxalq konvensiyaların icra prinsipləri” mövzusunda dissertasiya müdafiə edərək 2008-2010-ci ildə magistratura dərəcəsinə yüksəlib. Məktəb və universitetin ictimai həyatında fəal iştirak edib, fəxri fərmanlara layiq görülüb.

Babası Miriş Qulami Güney Azərbaycanın Ərdəbil şəhərində doğulub. 1945-ci ilin noyabr ayından 1946-cı ilin noyabr ayına qədər Güney Azərbaycanda Azərbaycan Demokrat Firqəsinin sədri Seyid Cəfər Pişəvərinin başçılığı ilə yaradılan Azərbaycan Milli Hökümətinin fədailərindən olub. Atası Famil Qulami Azərbaycan Respublikasının bütövlüyü uğrunda gedən döyüşlərdə qəhrəmancasına şəhid olub. [2] Tərtər şəhərində küçələrdən biri Famil Qulaminin adını daşıyır. [3]

İki övladı var

Fəaliyyəti[redaktə | əsas redaktə]

Dövri mətbuatda ədəbi, ictimai-siyasi yazıları dərc olunur. 2008-2017-ci illər Azərbaycan Dövlət Mədəniyyət və İncəsənət Universitetinin əməkdaşı, 2010-2014-cü illərdə Güney Azərbaycan Televiziyasında “Günün səsi” xəbərlər informasiya buraxılışının aparıcısı, [4] 2014-cü ildən “125-lər Siyasi Klubu”nda sədr müavini, Azərbaycan Ümid Partiyası “Beynəlxalq əlaqələr” şöbəsinin müdiri kimi fəaliyyətə başlayıb. 2015-ci ilin aprel ayının 13-ü partiyanın Ali Məclis Sədrinin müavini vəzifəsinə seçilib [5]. 2016-cı il fevral ayının 2-si Ümid Partiyası sədrinin Təbliğat və Təşviqat məsələləri üzrə müavini təyin olunub [6]. Azərbaycan-Avropa Hərəkatının İdarə Heyətinin üzvüdür [7]. Kanal 13-də "Tamilla Qulami ilə güneydən" proqramının qurucusu və aparıcısıdır. 23 dekabr 2014-cü il Azərbaycanda keçirilən Bələdiyyə Seçkilərində Ümid Partiyasından namizədliyini irəli sürüb, Binəqədi Rayonu Binəqədi Bələdiyyəsinə seçilib [8]. "Yerli Ekologiyalar Daimi Komissiyası"nın üzvüdür. 2006-cı ildən beynəlxalq tədbirlərdə iştirak edir. 2014-cü ildə Qazaxıstanın Çimkənd şəhərində keçirilən “Türk xalqlarının Qurultayı”, Turan şəhərciyinin açılışında, [9] [10] Gürcüstanda keçirilən “Elat Mədəniyyəti Günləri” tədbirində iştirak edib. 2014-cü ilin 13-15 oktyabrında Litva Respublikasının ev sahibliyi ilə Avropa Birliyi Şərq Tərəfdaşlığı çərçivəsində III "Gənc Liderlərin Akademiyası“nda Siyasətdə gənclərin iştirakı: İmkanlar və perspektivlər” forumunda “Cənubi Qafqaz Birliyi” mövzusuyla çıxış edib. Litva Parlamentində Avropa BirliyiLitva Xarici İşlər Nazirliyinin himayəsiylə Şərq Tərəfdaşlığı Proqramı Ölkələrinin Gənc Liderlərinin Akademiyasının məzunu olub, beynəlxalq diploma layiq görülüb. [11] [12]

1 noyabr 2015-ci il Azərbaycan Respublikasının Milli Məclisinə seçkilərdə deputatlığa namizədliyini irəli sürüb. [13]


Məqalələri[redaktə | əsas redaktə]

Verilişləri[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Şəhid qızı deputatlığa namizəd oldu
  2. Şəhid Famil Qulaminin xatirəsinə kikboksinq yarışması keçiriləcək
  3. Famil Qulami küçəsində abadlıq işləri görülüb
  4. "Günün səsi" informasiya buraxılışı
  5. Tamilla Qulami Ümid Partiyasının Ali Məclis sədrinin müavini seçildi
  6. Tamilla Qulami sədr müavini təyin olundu
  7. Azərbaycan-Avropa Hərəkatında seçkilər oldu
  8. Tamilla Qulami Bələdiyyə seçkilərinə qatıldı
  9. Qazaxıstanda Qarabağ sərgisi açıldı
  10. Qazaxıstanda Turan şəhərinin açılışı olacaq
  11. Vilnüsdən açıqlama
  12. Tamilla Qulami:"Ermənistan Rusiya siyasətinin maşasıdır"
  13. Tamilla Qulami deputatlığa namizədliyini irəli sürdü