Tan Çjunyi

Vikipediya, azad ensiklopediya
Naviqasiyaya keçin Axtarışa keçin
Tan Çjunyi
çin. 丁立人
Ölkə Çin ÇXR
Doğum tarixi (32 yaş)
Doğum yeri Çuntsin, ÇXR
Titulu qadınlar arasında beynəlxalq qrosmeyster (2009)
Son reytinqi
  • 2.521 (dekabr 2023)[1]
Maksimal reytinqi 2.530 (avqust 2018)
FİDE nömrəsi 8603642
Vikianbarın loqosu Vikianbarda əlaqəli mediafayllar

Tan Çjunyi (çin. 谭中怡;[2] 29 may 1991, Çuntsin, Sıçuan) — Çin şahmatçısı, qadınlar arasında beynəlxalq qrosmeyster (2009),[3] şahmat üzrə qadınlar arasında keçmiş dünya çempionu.

Şahmat karyerası[redaktə | mənbəni redaktə et]

2000 və 2001-ci illərdə İspaniyanın Oropesa-del-Mar şəhərində keçirilmiş 10 yaşadək qızlar arasında dünya çempionatında qızıl medal qazanıb. 2002-ci ildə Yunanıstanın İraklion şəhərində keçirilmiş 12 yaşadək qızlar arasında dünya çempionatında birinci olub.

2008-ci ilin avqust-sentyabr aylarında Rusiyanın Nalçik şəhərində keçirilmiş Şahmat üzrə qadınlararası dünya çempionatının ikinci raundunda İsveç təmsilçisi Pia Kramlinqə 0.5–1.5 hesabı ilə məğlub olub.

2011-ci ildə Çinin Şençjen şəhərində keçirilmiş Yay Universiadasında qızıl medal qazanıb.[4][5] 2012-ci ildə Portuqaliyanın Gimaraynş şəhərində keçirilmiş tələbələr arasında şahmat üzrə dünya çempionatında qalib olub.[6] 2013-cü ildə Çinin Usi şəhərində keçirilimiş 3-cü "China Women Masters" turnirində 9 oyundan 6.5 xal toplayaraq birinci olmuşdur.[7] 2014-cü ildə Birləşmiş Ərəb Əmirliklərinin Şarja şəhərində keçirilmiş qadınlar arasında blits üzrə Asiya çempionatında qızıl medal qazanıb.[8]

2015-ci ilin may ayında Çinin Sinxua şəhərində keçirilmiş Çin Şahmat Çempionatında rəqiblərini üstələyərək ölkə çempionu olub.[9] Növbəti ayda Çinin Sişan şəhərində keçirilmiş 5-ci "China Women Masters" turnirində iştirak edib və 9 oyundan 7 xal toplayaraq birinci olub.[10] 2015-ci ilin avqustunda Birləşmiş Ərəb Əmirliklərinin Əl-Əyn şəhərində keçirilmiş sürətli şahmat (rapid) üzrə Asiya çempionatında qızıl medal qazanıb.[11] Tan Çjunyi 1 dekabr 2015-ci ildə Çinin Tayçjou[12] şəhərində nokaut sistemi əsasında keçirilmiş 1-ci "Çin şahmat kraliçası" turnirinin final görüşündə Ju Venjuna qalib gələrək çempion olmuşdur.[13][14]

2016-cı ildə Azərbaycanın paytaxtı Bakı şəhərində keçirilmiş 42-ci Ümumdünya Şahmat Olimpiadasında dördüncü lövhədə hamıdan çox xal toplamaqla fərdi göstəricilərinə görə qızıl medal qazandı.[15]

2017-ci ildə İranın paytaxtı Tehran şəhərində keçirilmiş şahmat üzrə qadınlar arasında dünya çempionatında qızıl medal qazanıb. O, finalda Ukrayna şahmatçısı Anna Muzıçuka qalib gəlib. Həlledici görüşdə 4 partiyada hesab bərabər olub — 2:2. Tan Çjunyi rəqibini tay-breykdə 1,5:0,5 hesabı ilə üstələyib.

O, şahmat tacı uğrunda 2018-ci ilin may ayında baş tutmuş qarşılaşmada həmyerlisi Tszyuy Ventszyuna 10 partiyadan ibarət matçda 4,5:5,5 hesabı ilə məğlub olaraq dünya çempionu titulunu qoruya bilməyib.[16]

Çin şahmat liqası[redaktə | mənbəni redaktə et]

Tan Çjunyi Çin şahmat liqasında (ÇŞL) "China Mobile Group Chongqing Company Ltd" şahmat klubunda oynayır.[17]

İstinadlar[redaktə | mənbəni redaktə et]

  1. ↑ FİDE FIDE Standard Ratings as of 31 december 2023. 2023.
  2. ↑ "中国国际象棋运动员等级分数据库". 2013-11-12 tarixində arxivləşdirilib. İstifadə tarixi: 2017-03-05.
  3. ↑ "Titles approved at the 80th FIDE Congress". 2019-11-30 tarixində arxivləşdirilib. İstifadə tarixi: 2017-03-05.
  4. ↑ "WGM Tan Zhongyi wins the Women Universiade in Shenzhen". Chessdom. 2011-08-21. 2020-06-15 tarixində arxivləşdirilib. İstifadə tarixi: 17 October 2015.
  5. ↑ "Li Chao and Tan Zhongyi winners in Shenzhen". ChessVibes. 2011-08-23. 2018-11-09 tarixində arxivləşdirilib. İstifadə tarixi: 17 October 2015.
  6. ↑ World University Chess Championship 2012 — Women Arxivləşdirilib 2016-04-19 at the Wayback Machine Chess-Results
  7. ↑ "Tan Zhongyi Won 3rd Women Masters Tournament in China". Natalia Pogonina's website. 2013-06-09. 2020-07-27 tarixində arxivləşdirilib. İstifadə tarixi: 1 November 2015.
  8. ↑ "Chinese players claim Asian Blitz Chess Championships". Chessdom. 2014-04-20. 2020-06-15 tarixində arxivləşdirilib. İstifadə tarixi: 18 January 2016.
  9. ↑ "Wei Yi youngest Chinese Champion". ChessBase. 2015-05-30. 2018-11-10 tarixində arxivləşdirilib. İstifadə tarixi: 17 October 2015.
  10. ↑ 5th China(Xishan)Chess Women Masters Tournament Arxivləşdirilib 2016-03-10 at the Wayback Machine Chess-Results
  11. ↑ "Truong Son wins Asian Rapid Chess Championship 2015". FIDE. 2015-08-12. 2018-11-10 tarixində arxivləşdirilib. İstifadə tarixi: 18 January 2016.
  12. ↑ The First China Chess Queen Match. Tournament details Arxivləşdirilib 2022-08-03 at the Wayback Machine. FIDE.
  13. ↑ MGourty, Colin. "Wei Yi is King of China". chess24. 2015-12-01. 2016-04-24 tarixində arxivləşdirilib. İstifadə tarixi: 7 April 2016.
  14. ↑ Fischer, Johannes. "Wei Yi wins brilliancy". ChessBase. 2015-12-01. 2017-07-03 tarixində arxivləşdirilib. İstifadə tarixi: 2017-03-06.
  15. ↑ "USA and China winners of 42nd Chess Olympiad". europechess.org. 14 September 2016. 12 November 2019 tarixində arxivləşdirilib. İstifadə tarixi: 23 February 2017.
  16. ↑ "Women's World Championship (2018)". www.chessgames.com. 2020-06-25 tarixində arxivləşdirilib. İstifadə tarixi: 30 iyun 2021.
  17. ↑ "Arxivlənmiş surət". 2011-10-28 tarixində orijinalından arxivləşdirilib. İstifadə tarixi: 2017-03-06.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Tan_Çjunyi&oldid=7429981"