Tanos

Vikipediya, azad ensiklopediya
Jump to navigation Jump to search
Tanos
ing. Thanos
Thanos Infinity 4.png
Nəşriyyat Marvel Comics
Yayım tarixi "Iron Man" #55 (fevral 1973)
Yaradıcı(lar) Maykl Fredrix
Cim Starlin
Xüsusiyyətlər
Əsl adı Dion[1]
Növü ölümsüz-deviant hibridi
Komiks bioqrafiyası
Üzvlükləri Qara Orden
Sonsuzluq saatı
Ləqəbləri Dəli titan
Gücləri

Qeyri-insanı güc, sürət, dözümlülük, uzunömürlülük

Tanos (ing. Thanos) – Marvel Comics nəşriyyatı tərəfindən 1973-cü ildə yaradılmış komiks personajı. Maykl FredrixCim Starlin tərəfindən yaradılmış və ilk dəfə "Iron Man" komiksinin 55-ci sayında peyda olmuşdur. Məsləhətçinin oğlu, Starfoksun qardaşıdır.

Personaj ilk dəfə "Qisasçılar" filmində Deymon Puate tərəfindən canlandırılmışdır. "Qalaktika Mühafizəçiləri" (2014), "Qisasçılar: Altron dövrü" (2015), "Qisasçılar: Sonsuzluq savaşı" və adsız Qisasçılar sikvelində Coş Brolin tərəfindən canlandırılmışdır. Bunlardan əlavə, Tanos bir çox video oyun və teleserialda görünmüşdür.

Tanos IGN-in "Ən yaxşı 100 komiks supercinayətkarı" siyahısında 47-ci yerdə,[2] Wizard-ın "Ən yaxşı supercinayətkarlar" siyahısında 22-ci yerdə, "Complex" jurnalının "Ən yaxşı 25 komiks supercinayətkarı" siyahısında 21-ci yerdə göstərilmişdir.[3]

Yaradılması[redaktə | əsas redaktə]

Yazıçı-rəssam Cim Starlin Tanos personajını hələ kollecdə psixologiya oxuyarkən fikirləşmişdir.[4] O, personajın görünüşü üçün Cek Körbinin Darksayd personajından ilhamlandığını etiraf etmişdir.[5]

Tanos ilk dəfə 1973-cü ildə "Iron Man" komiksinin 55-ci sayındakı bir hekayədə peyda olmuşdur. Hekayə "Captain Marvel" #25–33 (1973-1974), "Marvel Feature" #12 (noy. 1973), "Daredevil" #107 (yan. 1974) və "Avengers" #125 (iyul 1974) komiksləri boyunca davam etmişdir.

2006-cı ildə personaj "Annihilation: Silver Surfer" #1-4 (iyun – sent. 2006) və "Annihilation" #1-6 (okt. 2006 – mart 2007) komikslərində əhəmiyyətli rol oynamışdır. 2012-ci ildə "Thanos: Son of Titan" adlı miniseriyanın buraxılması planlaşdırılsa da, sonradan ləğv edilmişdir. Personajın keçmişi 2013-cü ildə 5 saydan ibarət "Thanos Rising" miniseriyasında işıqlandırılmışdır.[6] Tanos Conatan Hikman tərəfindən yazılmış "Infinity" miniseriyasında mərkəzi rol oynamışdır. 2014-cü ilin mayında "Thanos Annual" adlı one-shot komiks yayımlanmışdır. Bu komiks yeni qrafik roman trilogiyası üçün giriş rolunu oynamışdır: "Thanos: The Infinity Revelation", "Thanos: The Infinity Relativity""Thanos: The Infinity Finale".[7]

Personaj 5 saydan ibarət "The Infinity Gauntlet" miniseriyasında (iyul 2015 – yanvar 2016) vacib rol oynamışdır.

Bioqrafiya[redaktə | əsas redaktə]

Tanos "Legendary Star-Lord" #3 (sent. 2014) komiksindən.

Tanos Saturnun peyki Titanda Ölümsüzlər irqindən olan Məsləhətçinin və Sui-Sanın oğlu kimi anadan olmuşdur. Tanos Deviant irqinin genini daşıyır və onlara oxşayır. Tanos anadan olanda anası onun görünüşündən şoka düşmüş və onu öldürməyə cəhd etmişdir. Məktəb illərində Tanos pasifist idi,[8] ancaq qardaşı Eros (Starfoks) və ev heyvanları ilə oynayırdı. Yeniyetməlik illərində Tanos ölümnihilizmin təsirinə düşmüş, sonda isə ölümün bədən tapmış halına - Ölümə aşiq olmuşdur.[9] Daha sonra Tanos öz elmi bilikləri ilə fiziki gücünü artırmışdır. O həmçinin bir çox uşağın atası olmaqla və quldur olmaqla özünə yeni bir həyat yaratmağa cəhd etmişdir. Lakin bunların heç biri ona kifayət etməmişdir.[10]

Ölümü təsirləndirmək üçün Tanos ordu yığır və Titanda öz irqindən milyonlarla fərdi öldürür.[11] Kosmik kubu tapmaq üçün Yerə səyahət edir,[12] onu tapır, lakin Qisasçılar Kosmik kubu məhv edərək Tanosu məğlub edə bilirlər.[13]

Tanos daha sonra Sonsuzluq daşları ilə maraqlanmağa başlayır və Adam Uorlokun Ruh daşını da ələ keçirir. Uorlok Qisasçıları və Kapitan Marveli köməyə çağırır, lakin Uorlok Tanos tərəfindən öldürülür. Tanos qələbəyə yaxın olsa da, Uorlok Ruh daşından azad olub Tanosu daşa döndərir.[11][14]

Tanos dirilir[15] və Sonsuzluq daşlarını yenidən yığmağa başlayır.[16] Məqsədi Sonsuzluq əlcəyində daşları yığmaq və kainatın yarısını məhv edərək Ölümə sevgisini isbat etməkdir.[17] Lakin o, Adam Uorlok tərəfindən bir neçə dəfə dayandırılır.[18] Sonda Tanos özü Sonsuzluq saatı adlı qrupa qoşulur və Adam Uorloka kömək edir.[19] Bu hadisələr "Sonsuzluq saqası" adı ilə xatırlanır.[20]

Güc və bacarıqlar[redaktə | əsas redaktə]

Tanos Ölümsüzlər irqindəndir. Ölümsüzlərin güclərini daşısa da, bu güclərini daha da artırmışdır. Tanos qeyri-insanı gücə, sürətə, dözümlülüyə malikdir. Telepatiya, telekinez və maddə manipulyasiyası kimi bacarıqlara da malikdir. Üzbəüz döyüşdə də məharətlidir. Odin və Qalaktusa qarşı asanlıqla döyüşə bilmişdir.

Tanos intellektual cəhətdən digər varlıqlardan üstündür və yüksək elmi bacarıqlara malikdir.

Alternativ versiyaları[redaktə | əsas redaktə]

  • Amalgam Comics - 1996-cı ildəki DC Comics və Marvel krossoveri zamanı peyda olmuşdur. Darksaydla birləşmiş və "Tanossayd" adlanmışdır.[21]
  • Earth X - "Earth X" adlı məhdud seriyada peyda olmuşdur. Bu versiyada onun anası skruldur.[22]
  • Ultimate Marvel - Bu versiyada Axeronun lideri və İttihamçı Ronanın atasıdır.[23]
  • Marvel Zombies 2 - "Marvel Zombies 2" məhdud seriyasında peyda olmuş zombiləşmiş halıdır. Halk tərəfindən öldürülmüşdür.[24]

Digər mediada[redaktə | əsas redaktə]

Televiziya[redaktə | əsas redaktə]

Film[redaktə | əsas redaktə]

  • Deymon Puate 2012-ci il istehsalı "Qisasçılar" filminin mid-kredits səhnəsində Tanosu canlandırmışdır. Tanos Lokinin havadarı kimi göstərilmişdir[30][31]
  • Coş Brolin 2014-cü il istehsalı "Qalaktika Mühafizəçiləri" filmində Tanosu canlandırmışdır. Filmdə Tanos İttihamçı Ronandan istifadə edərək sonsuzluq daşını əldə etməyə çalışır.[32] Filmdə Tanos Qamora və Nebulanın ögey atasıdır.
  • Brolin 2015-ci il istehsalı "Qisasçılar: Altron dövrü" filminin mid-kredist səhnəsində yenidən Tanosu canlandırmışdır. Tanos üzərində heç bir daş olmayan Sonsuzluq əlcəyini geyinir və deyir: "Yaxşı, özüm edərəm onda".
  • Brolin "Qisasçılar: Sonsuzluq savaşı" və başlıqsız Qisasçılar sikvelində Tanosu canlandıracaq.[33][34] Əvvəlki MKK filmlərindən fərqli olaraq Tanos bu filmlərin əsas supercinayətkarı olacaq.

Video oyun[redaktə | əsas redaktə]

Roman[redaktə | əsas redaktə]

  • 2017-ci ildə Stüart Mur tərəfindən "Tanos: Ölüm hökmü" adlı roman yazılmışdır.[41]

İstinadlar[redaktə | əsas redaktə]

  1. Thanos Vol. 2 #14
  2. "Thanos is Number 47". IGN.
  3. "Thanos is Number 21". Complex.
  4. "Jim Starlin". Adelaid Comics and Books. Archived via the Wayback Machine. Retrieved March 25, 2014.
  5. Cronin, Brian "Comic Book Legends Revealed #266". Comic Book Resources (24 iyun 2010).
  6. Sunu, Steve "Aaron and Bianchi Explore "Thanos Rising" in April". Comic Book Resources (16 January 2013).
  7. Richards, Dave "EXCLUSIVE: Jim Starlin Enters Adam Warlock's Mind In "Infinity Entity"". Comic Book Resources (September 24, 2015). 22 yanvar 2016 tarixində arxivləşdirilib. İstifadə tarixi: 24 yanvar 2016.
  8. Thanos Rising #1
  9. Thanos Rising #3, Iron Man vol 1 #55
  10. Thanos Rising #4-5
  11. 11,0 11,1 Avengers Annual #7 (1977)
  12. Captain Marvel #30 (Jan. 1974)
  13. Captain Marvel #33 (July 1974)
  14. Marvel Two-in-One Annual #2 (1977)
  15. Silver Surfer vol. 3, #34 (Feb. 1990)
  16. The Thanos Quest (1990)
  17. The Infinity Gauntlet #1 (July 1991)
  18. The Infinity Gauntlet #6 (Dec. 1991)
  19. The Infinity War #1–6 (1992)
  20. Infinity Gauntlet: Aftermath, Marvel, 2013, back cover.
  21. Bullets and Bracelets #1 (1996)
  22. Earth X #0–12, X (Mar. 1999 – June 2000)
  23. Ultimate Fantastic Four #42 (May 2007)
  24. Marvel Zombies 2 #1 (Dec. 2007 – Apr. 2008)
  25. "Interview with Larry Brody". Marvelite.prohosting.com.
  26. «If This Be My Thanos». The Super Hero Squad Show. Cartoon Network. October 24, 2009. Seriya 11, mövsüm 1.
  27. "Behind the Voice Actors – Jim Cummings". Behind the Voice Actors.
  28. "First look: Thanos a foe for animated 'Avengers'". USA TODAY (22 May 2014).
  29. «Thanos Rising». Avengers Assemble. Disney XD. October 5, 2014. Seriya 2, mövsüm 2.
  30. "Kevin Feige Avengers Spoiler Podcast". Empire Magazine.
  31. "The Avengers has two post-credit scenes, mystery actor revealed". IFC (2 may 2012).
  32. Ford, Rebecca "Josh Brolin Voicing Thanos in 'Guardians of the Galaxy'". The Hollywood Reporter (May 30, 2014). 31 may 2014 tarixində arxivləşdirilib. İstifadə tarixi: 30 may 2014.
  33. "Marvel's The Avengers Head Into an Infinity War - News - Marvel.com". marvel.com.
  34. "'It's Thanos Against Everyone' Says Brolin of Avengers: Infinity War - ComingSoon.net". ComingSoon.net.
  35. "Loading...". Brickextra.com.
  36. "Future Fight 2.1.0 with Thanos, Supergiant, Ebony Maw playable". Product-reviews.net.
  37. "Thanos Comes to 'Marvel Puzzle Quest' - TouchArcade". Toucharcade.com.
  38. "Guardians of the Galaxy: The Telltale Series". IMDb.com (18 April 2017).
  39. "Marvel vs. Capcom: Infinite story mode demo out now on PS4 and XB1, trailer shows several new characters". Eventhubs.com.
  40. Capcom. Marvel vs. Capcom: Infinite. Capcom.
  41. "Thanos: Death Sentence Prose Novel (Hardcover) - Comic Books - Comics - Marvel.com". Marvel.com.

Xarici keçidlər[redaktə | əsas redaktə]