Tayıflı

Vikipediya, azad ensiklopediya
Jump to navigation Jump to search
Tayıflı
41°00′18″ şm. e. 47°30′26″ ş. u.
Ölkə
Tarixi və coğrafiyası
Mərkəzin hündürlüyü 479 m
Saat qurşağı
Xəritəni göstər/gizlə
Tayıflı xəritədə
Tayıflı
Tayıflı

TayıflıAzərbaycan Respublikasının Oğuz rayonunun inzibati ərazi vahidində kənd.

Toponimikası[redaktə | mənbəni redaktə et]

Kəndin əsl adı Tayıblıdır. "B" səsinin "f" ilə əvəzlənməsi Azərbaycan dilinin qərb qrupu üçün və eləcə də bir sıra türk dilləri üçün səciyyəvidir. Yaşayış məntəqəsinin adı keçmişdə maldarlıqla məşğul olmuş tayıblı nəslinin adı ilə bağlıdır. Kəndin ərazisi vaxtilə həmin nəslin əkin yeri olmuşdur.[1]

"Tayıflı" sözü üç hissədən ibarətdir: tay-ıf-lı. "Tay"ın "Azərbaycan dilinin izahlı lüğəti"ndə[2] iki məna daşıdığı bildirilir: 1) bərabər, münasib, 2) qoşa şeylərdən biri – dağın, dərənin, çayın tərəflərindən biri. Kəndin mərkəzindən keçən yol vaxtilə çay olmuş, bu çayın hər iki tayında, tərəfində evlər tikilmiş, kənd salınmışdır. "Tay" həm də ucalığı bildirir. "Altay" sözündə (al-tay, yəni "uca dağ") olduğu kimi. Kənd də çayın yatağına nisbətən sahilindəki ucalıqlarda salınmışdır. Sözdəki "ıf" hissəciyi "lətif", "tərif", "zərif" sözlərində olduğu kimi, sifət bildirir. "lı" isə mənsubiyyət bildirən şəkilçidir. Deməli, "Tayıflı" – "ucada, yüksəklikdə olanlar", yaxud, "o tayda, bu tayda qərar tutanlar" anlamına gəlir.

Tarixi[redaktə | mənbəni redaktə et]

Coğrafiyası və iqlimi[redaktə | mənbəni redaktə et]

Kənd Qalaçayın sahilində, Alazan-Əyriçay çökəkliyində, rayon mərkəzindən 15 km cənub-şərqdə, Şirvanlı kəndinin qərbində yerləşir. Rayon mərkəzindən Tayıflıya avtobus marşrutu işləyir.

Əhalisi[redaktə | mənbəni redaktə et]

2009-cu ilin siyahıyaalınmasına əsasən kəndə 687 nəfər yaşayır.[3]

İqtisadiyyatı[redaktə | mənbəni redaktə et]

Kənd əhalisinin əsas məşğuliyyətini heyvandarlıq, əkinçilik, bağçılıq və tərəvəzçilik təşkil edir. Kənddə ticarət köşkləri var. Təbii qaz xətti çəkilmişdir.

Mədəniyyəti[redaktə | mənbəni redaktə et]

Kənddə klub, kitabxana, 32 telefon mövcuddur.

Təhsil[redaktə | mənbəni redaktə et]

Kənddə orta məktəb fəaliyyət göstərir.

Din[redaktə | mənbəni redaktə et]

Səhiyyə[redaktə | mənbəni redaktə et]

Kənddə tibb məntəqəsi var.

İstinadlar[redaktə | mənbəni redaktə et]

  1. Tayıflı // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.
  2. Azərbaycan dilinin izahlı lüğəti. IV cild. Bakı: 2006, səh.273.
  3. Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629

Həmçinin bax[redaktə | mənbəni redaktə et]