Tayvan səyahətnaməsi
| Tayvan səyahətnaməsi | |
|---|---|
| çin. 臺灣漫遊錄 | |
 Tayvan nəşrinin üzlüyü. | |
| Müəllif | Yan Şuan-tsi |
| Orijinalın dili | mandarin, Tayvan, hakka, yapon |
| Ölkə | |
| Orijinalın nəşr ili | 2020 |
Tayvan səyahətnaməsi (çin. 臺灣漫遊錄) – Tayvan yazıçısı Yan Şuan-tsi tərəfindən yazılmış roman. Mandarin çincəsində yazılmışdır və ilk dəfə 2020-ci ildə Tayvanda nəşr olunmuşdur.[1] Roman yapon yazıçısı Aoyama Çizukonun 1938-ci ildə Yaponiyanın koloniyası olan Tayvana səyahət etməsindən və tayvanlı tərcüməçisi ilə münasibətlər qurmasından bəhs edir. Roman Çizokunun 1954-cü ildə nəşr olunmuş avtofikşnı formasında təqdim olunur.
"Tayvan səyahətnaməsi" bir sıra mükafatlara layiq görülmüşdür. Roman 2026-cı ildə Beynəlxalq Buker Mükafatının qalibi olmuşdur.
Məzmun
[redaktə | vikimətni redaktə et]Roman yapon yazıçısı Aoyama Çizukonun (青山 千鶴子?) tərəfindən yazılmış avtofikşn (uydurma avtobioqrafiya) kimi təqdim olunur və onun 1938-ci ildə Yaponiya tərəfindən idarə olunan Tayvana səyahət etməsindən bəhs edir. O, Tayvana koloniyaçı qüvvələrin dəstəyi ilə gəlsə də, onlar üçün təbliğat məzmunlu yazılar yazmaq istəmir. Bunun yerinə yerli tərcüməçisi olan tayvanlı qadın O Çizuru (王 千鶴?) ilə münasibət qurur. Çizuru onu Tayvan mətbəxi ilə tanış edir; romandakı hər bir fəsil bir Tayvan yeməyinin adını daşıyır.[2][3]
Mövzular
[redaktə | vikimətni redaktə et]"Tayvan səyahətnaməsi" romanının əsas mövzularından biri kolonializmdir. Yan romanın ilham mənbəyi kimi Tayvan xalqının kolonizasiyaya olan hisslərini göstərmişdir. O, tayvanlıların koloniya dövrünə ikrah və nostalgiya hisləri ilə yanaşdığını demişdir.[4]
Romandakı digər mövzulardan biri milli kimlik məsələsidir. Əsərdəki uydurma alim Hiyoşi Saqako "yapon alim" kimi tanınmasından narahatlıq duyduğunu bildirir; o, etnik baxımdan yapon olsa da, Tayvanda doğulduğu üçün "digər yaponlardan daha aşağı mərtəbədə olduğunu" bildirir. Çizuro və Çizuko arasındakı münasibətlər koloniyaçı yapon qadınla koloniyalaşdırılmış tayvanlı qadının bərabər olub-olmadığı sualını cavab tapmağa çalışır.[5]
Əsərdəki digər əsas mövzu yeməkdir. Roman Tayvan mədəniyyətini və tarixini təsvir etmək üçün yeməklərdən istifadə edir. Hər bir fəsilə bir yeməyin adı verilib. "Los Angeles Review of Books" romanı "Tayvan mədəniyyətinin muzeyi" adlandırmışdır.[5]
Qəbul
[redaktə | vikimətni redaktə et]"Tayvan səyahətnaməsi" 2021-ci ildə Tayvanın Qızıl Tripod Mükafatını qazanmışdır.[2] Yapon dili versiyası 2023-cü ildə nəşr olunmuş və 2024-cü ildə Yaponiyanın Ən Yaxşı Tərcümə Mükafatının qalibi olmuşdur.[6] İngilis dili versiyası 2024-cü ildə ABŞ-də,[3] 2026-cı ildə Britaniyada nəşr olunmuşdur.[7] Roman 2024-cü ildə Tərcümə Ədəbiyyatı üçün Milli Kitab Mükafatına layiq görülmüşdür.[8] Əsər 2026-cı ildə 2026-cı ildə Beynəlxalq Buker Mükafatının qalibi olmuşdur.[9][10]
İstinadlar
[redaktə | vikimətni redaktə et]- ↑ Habib, Shahnaz. "A Translation of a Translation of a Novel Within a Novel". The New York Times (ingilis). 15 noyabr 2024. ISSN 0362-4331. 1 iyun 2025 tarixində arxivləşdirilib. İstifadə tarixi: 10 iyun 2025.
- 1 2 "閱讀隨身聽．特集》作家楊双子／金鼎獎獲獎作《臺灣漫遊錄》ft.很多（台式）小吃". Openbook閱讀誌 (çin). 19 yanvar 2022. 12 fevral 2026 tarixində arxivləşdirilib. İstifadə tarixi: 10 iyun 2025.
- 1 2 "Taiwan Travelogue by Shuang-Zi Yang". PublishersWeekly.com. 14 yanvar 2025 tarixində arxivləşdirilib. İstifadə tarixi: 10 iyun 2025.
- ↑ "An interview with Yáng Shuāng-zǐ and Lin King, author and translator of Taiwan Travelogue". The Booker Prizes. 16 mart 2026. 19 may 2026 tarixində arxivləşdirilib. İstifadə tarixi: 21 may 2026.
- 1 2 Fan, Christopher T. "Movement Injuries". Los Angeles Review of Books. 24 iyun 2025. 29 aprel 2026 tarixində arxivləşdirilib. İstifadə tarixi: 30 mart 2026.
- ↑ "Taiwanese work receives Japan's best translation award". Taipei Times. 21 may 2024. 28 avqust 2024 tarixində arxivləşdirilib. İstifadə tarixi: 21 noyabr 2024.
- ↑ "Novel Taiwan Travelogue shortlisted for International Booker Prize". Ministry of Culture. Government of Taiwan. 2 aprel 2026.
- ↑ Liao, Tony; Yen-hsiang, Chao. "'Taiwan Travelogue' U.S. editor surprised by its success". Focus Taiwan – CNA English News. 24 may 2025. 10 iyun 2025 tarixində arxivləşdirilib. İstifadə tarixi: 10 iyun 2025.
- ↑ "The International Booker Prize 2026". thebookerprizes.com (ingilis). 20 may 2026 tarixində arxivləşdirilib. İstifadə tarixi: 19 may 2026.
- ↑ Marshall, Alex. "International Booker Prize 2026: 'Taiwan Travelogue' is First Winner Originally Written in Mandarin". The New York Times. 19 may 2026. İstifadə tarixi: 19 may 2026.