Tbilisi botanika bağı

Vikipediya, azad ensiklopediya
Jump to navigation Jump to search
Tbilisi botanika bağı
Tbilisi, Georgia — Tbilisi Botanical Garden.jpg
Məlumatlar
Parkın tipiBotanika bağı
KoordinatlarıTbilisi, Botanika küçəsi
Sahəsi128 ha

Tbilisi botanika bağı (gürc. თბილისის ბოტანიკური ბაღი; 1845 ilə qədər Çar bağı) Tbilisinin tarixi mərkəzində, Sololaki silsiləsindən cənubda yerləşir.

Bağ 1845 ildə, yaşı bir neçə əsr olan çar bağların yerində yaradılıb. Buranı ilk dəfə 1671 ildə fransız səyyah Jan Şarden öz yazılarında qeyd etmişdi. Narikala qalasının yanında yerləşən bağların təsviri fransız təbiətşunas Jozef Turneforun yazılarında əks olunmuşdur. Həmçinin bu botanika bağı Şahzadə Vaxuştinin 1735-ci ildə tərtib etdiyi xəritədə göstərilmişdir. 1896-1904-ci illərdə bağın ərazisi qərbə genişləndirilmişdir, XX əsrin ortalarında isə bağın ərazisinə köhnə müsəlman qəbiristanlığını bağladılar, hansında ki M.F.Axundov, M.Ş.Vazeh, Mehdiqulu xan Vəfa, Fətəli xan Xoyski, Həsən bəy Ağayev, Məmməd Həsən Hacınski və s. kimi Azərbaycanın görkəmli tarixi şəxsləri dəfn olunub.

Tbilisi botanika bağının şəlaləsi

Ümumi sahəsi 128 hektardan çox olan Botanika bağında nadir və nəsli kəsilməkdə olan bitki növləri yetişir. Bağın diqqətəlayıq və turistləri ən çox cəlb edən güşələrindən biri də 42 metrlik şəlalədir.[1]

Bağın əsas girişi Botanika küçəsinin sonunda, Narıkala qalasının yerləşdiyi dağın ətəyindədi. 1909-1914-cü illərdə Sololaki silsiləsində tunel qazılmışdı və Lado Asatiani küçəsindən botanika bağına ikinci giriş açılmışdır. Tunel 2004 ilə qədər istifadə olunurdu, sonradan oranı bağlayıb, gecə klubuna çevirdilər.

Vikianbarda Tbilisi botanika bağı ilə əlaqəli mediafayllar var.

Qalereya[redaktə | əsas redaktə]


İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]