Tbilisi meriyası

Tbilisi meriyası
gürc. თბილისის საკრებულო
Ölkə	Gürcüstan
Şəhər	Tbilisi
Yerləşir	Tbilisi
Aidiyyəti	Gürcüstan hökuməti
Memar	Pavel Ştern
Tikilmə tarixi	1824-1825
Üslubu	Mavritan memarlığı
Vəziyyəti	qənaətbəxş
Rəsmi sayt	tbilisi.gov.ge/?lang=en tbilisi.gov.ge
41°43′33″ şm. e. 44°46′30″ ş. u.
Vikianbarda əlaqəli mediafayllar

Tbilisi meriyası (gürc. თბილისის საკრებულო) – Gürcüstanın paytaxtı Tbilisi şəhərinin Azadlıq meydanının cənub hissəsində yerləşən saat qülləsinə malik tarixi binadır. Binada şəhər meriyası və şəhər assambleyası (sakrebulo) yerləşir.

Tarixi

Bina, ilkin olaraq Çar Rusiyası hakimiyyəti dövründə – 1830-cu illərdə inşa edilsə də, sonrakı iki yüz il ərazində dəfələrlə yenidənqurmalara məruz qalmış və ilkin görkəmini əhəmiyyətli dərəcədə itirmişdir. 1879-cu ildə kimi bina, Baş polis idarəsi və polis departamenti kimi fəaliyyət göstərmişdir. 1878-ci ildə binada yenidənqurma işlərinin aparılması və şəhər duması binasına çevrilməsi üçün müsabiqə elan edilmiş və müsabiqədə Pavel Şternin layihəsi qalib elan edilmişdir. Binanın memarlığında o zaman məşhur neomavritan elementləri ilə zəngin ekzotik stil əksini tapmışdır. 1910-cu ildə binaya saat qülləsi əlavə edilmiş, 1912-ci ildə isə binanın aşağı mərtəbəli cinah hissələrinə əlavə mərtəbələr əlavə edilməsi ilə genişləndirilmə işləri aparılmışdır.

Adminstrasiya

Tbilisi meriyası binasında, şəhər meriyası və əlaqəli bir neçə hökumət orqanı, şəhər assambleyası və tarixi əczaxana yerləşir. Binanın birinci mərtəbəsinə lüks kateqoriyalı geyim mağazaları fəaliyyət göstərir.

Ədəbiyyat

• "საქართველოს ძველი ქალაქები: თბილისი" (2006), ISBN 99940-0-923-0.

Xarici keçidlər

• Tbilisi höküməti